Kanton Baden

Us der alemannische Wikipedia, der freie Dialäkt-Enzyklopedy
Hops zue: Navigation, Suech
S Wappe vo Bade, wo vo dr Grafschaft Bade übernoh worden isch
Charte vom Kanton Bade und sine Dischtrikt

De Kanton Bade isch bi de Gründig vo de Helvetische Republik im 1798 entschtande und het bis zu de Gründig vom noie Kanton Aargau im 1803 Beschtand gha. Zämegsetz gsi isch er us zwei gmeine Herrschafte, wo d Eidgnosse vo 1415 bis 1798i zäme beherrscht hei, de Grafschaft Bade und de Freie Ämter. Hüt bildet de Grossteil vom ehemalige Kanton Bade de öschtlich Teil vom Kanton Aargau mit de Bezirk Bade, Brämgarte, Muri und em Zurzibiet.

Anderscht wii d Kantön nach em 1803 während der Mediationsziit sind di Kantön in de Ziit vo de Helvetische Republik numme Verwaltigsbezirk gsi, wo vo eme Regiirigsschtatthalter verwaltet worde sind. Im 1799 het de Kanton Bade 40'982 Iiwoner gha, wobi d Jude, wo z Lengnau und z Endige gläbt hei, nöd zählt worde sind.


Weblinks[ändere | Quälltäxt bearbeite]