Schleitheim

Schlaate

Schlaate
Basisdate
Staat:	Schwiiz
Kanton:	Schaffuuse (SH)
Bezirk:	Schleitheimw
BFS-Nr.:	2952i1f3f4
Poschtleitzahl:	8226
Koordinate:	678336 / 28923147.748968.4832467
Höchi:	467 m ü. M.
Flächi:	21.63 km²
Iiwohner:	1695 (31. Dezämber 2011)
Website:	www.schleitheim.ch
Schleitheim
Karte
w

Schlaate isch e politischi Gmaand vom Kanton Schaffhuuse i de Schwyz.

Geography

Schlaate lyt direkcht a dè Grenz zu Dütschland, i dè Nöchi vo Stüelinge, un am weschtliche Rand vom Rande.

Hischtorie

Schlaate isch zum erschte Mol gnennt worde im Johr 995 als Sleitheim.

D Gegnig isch scho i de römische Zit bsiedelt gsy un hèt dodmol dè Name Juliomagus trait. Historischi Bedütig hèt Schlaate unter anderem als Abfassigsort vo dè Schlaatemer Artikel vo 1527 unter dè Führig vom Michael Sattler chriegt, dem älteschte Glaubensbekenntnis vo dè reformatorische Düfer.

Bevölkerig

Johr	1850	1860	1870	1880	1888	1900	1910	1920
Iiwohner	2476	2450	2331	2363	2258	1893	1755	1773
Johr	1930	1941	1950	1960	1970	1980	1990	2000
Iiwohner	1585	1480	1529	1494	1544	1570	1689	1779

De Uusländeraateil isch 2010 bi 11,3 % gläge.

Religion

69,4 % vo de Iiwooner sind evangelisch-reformiert, 13,3 % sind römisch-katholisch (Stand 2000).

Politikch

Dè Gemaandspräsi isch dè Hansruedi Stamm (Stand 2010).

Bi de Nationalrootswaale 2011 het s da Ergebnis gee: CVP 4,4 %, FDP 13,2 %, SP 21,7 %, SVP 52,2 %, Sustigi 8,4 %.

Würtschaft

Diè Gemaand lebt vom Gwerb un dè Buurorei.

Vokehr

Diè a Dütschland (Gmaand Stüelinge) grenzendi Gmaand war dè Endpunkcht vo dè ehemolige Strossebah Schaffhuuse-Schlaate.

Strossevobindige exischtiere noch Oberwiese – Staatsgrenz reschpektiv Schaffhuuse sowie Ortsverbindige noch Begginge un Hallau.

Im öffentliche Nohvokehr wörd Schlaathe durch diè Autobus vom Regionalvokehr Schaffhuuse (RVSH) bediènt. Sell Unternemmè firmiert unter SchaffhausenBus un isch uss dè frühere Gsellschaft Autoverbindig Schaffhuuse-Schlaatei (ASS) hervor gange. Des widerum isch noch dè Gsellschaft Strassenbahn Schaffhausen-Schleitheim (StSS) gfolget.

En Radweg führt durch ein vo dè wenige Wynberg noch Oberwiese un em Grenzübergang a dè Wuete. Für d Mountainbiker intressant isch dè Wäg uff dè Schlossrande vo Schlaate über dè Strickchhof bis zum Schlaatemer Randeturm.

Wappe

Blasonirig

Schwarze Stierkopf uff rotem Grund.

1569 findet sich als Schlaatemer Wappe èn ganze, rote Muni uff wyssem Hintergrund. Kurzi Zit spöter cha mo èn wysse Stier mit gelbe Hörner in rot finde. Dè Muni als Wappedier stammt vom Ludwig Ochs, dem erschte Obervogt (1559-1569) vo Schlaate. Vermuetlich wörd es uss fèhlendem Wisse über d Hèrkumpft vo dem Wappe als Gemaandswappe interpretiert, well es uff dè amtliche Dokument z finde war. Uff em Sigel 1792 findet sich erschtmols dè Stierkopf uff rot schraffiertem Grund. Bim Berynige 1949 isch dè Gemaandsvosammlig beidi Variante, ganze Muni, bzw. nur sin Chopf, vorgschlage worre, woby s letschtere sich durregsetzt hèt. Für d Tinkture sin diejenige us em 16. Johrhundert gwählt worre.

Sproch und Dialekt

Bi de Volkszellig 2000 hend vo de 1779 Iiwohner 93,9 % Dütsch als Hauptsproch aagee, 0,3 % Französisch und 1,1 % Italienisch.

De hochalemannisch Dialekt vo Schlaate ghört zue de Nordoschtschwizer Dialekt.

Schöni Ort

• Gipsmuseum Oberwiese
• Ortsmuseum Schlaate
• Therme-Museum Juliomagus
• Schlaatemer Randeturm

• 

  Uussicht uff s Dorf Schlaate

• 

  Dorfbach z Schlaate

• 

  Dorfstrasse z Schlaate

Weblinks

 Allmänd (Commons): Schleitheim – Album mit witere Multimediadateie

• Offizielle Website der Gemeinde Schleitheim
• Infos zum Gipsmuseum Schleitheim
• Artikel Schleitheim im Historische Lexikon vo dr Schwiiz
• Artikel Iuliomagus im Historische Lexikon vo dr Schwiiz