Kanton Oberland

Us der alemannische Wikipedia, der freie Dialäkt-Enzyklopedy
Hops zue: Navigation, Suech
Übersichtscharte vo der Helvetische Republik 1798

Dr Kanton Oberland isch e Kanton vo dr Helvetische Republik (1798 bis 1803) gsi und het s Gebiet vom Bärner Oberland umfasst.

Noch em Iimarsch vo de französische Druppe 1798 isch die alti Ornig im Kanton Bärn mit ere neue, revolutionäre ersetzt worde, und vo siim Territorium si d Waadt, s Oberland und dr Unteraargau abdrennt worde. Wil im Oberland gar kei starki separatistischi Strömig existiert het und d Bevölkerig ehnder konservativ iigstellt gsi isch, isch d Begeisterig für e neu Kanton chlii bliibe. 1801 isch in dr Verfassig vo Malmaison vorgseh gsi, ass s Oberland wider zum Kanton Bärn wurd ghöre. Die beide Johr druf si allerdings vom e Duurenander und Staatsstreich brägt gsi und d Ordnig vo dr Helvetik isch braktisch ganz zsämmebroche. D Mediationsakte vo 1803 het die definitivi Wiidervereinigung vom Oberland mit em Kanton Bärn brocht.

Dr Regierigshauptsitz isch z Thun gsi. Dr Kanton isch in zäh Distrikt iideilt gsi (dr Hauptort isch in Chlammere, wenn er nit gliich wie dr Distriktname isch):

Weblingg[ändere | Quälltäxt bearbeite]


Dä Artikel basiert uff ere fräie Übersetzig vu dere Version vum Artikel „Kanton_Oberland“ vu de dütsche Wikipedia.

E Liste vu de Autore un Versione isch do z finde.