Wikipedia:Houptsyte/Hesch gwüsst/Archiv/2015

Archiv	2011 · 2012 ·2013 · 2014 · 2015 · 2016 · 2017 · 2018 · 2019 ·2020 · 2021 · 2022 · 2023

2015

... dass di altiigsessene Wettiger zum Sulperg meischt «Sulzberg» säged?
... dass dr Johannes Weinmar ond sei Sohn Johann Jakob Weinmar en Bõõdorf a bedeitende Orglbau-Werkstatt ufbaut hend?
... dass s züritüütsch Wöörterbuech vom Albert Weber en Buum vo Tialäktwöörterbüecher uusglööst hät, wo bis hüt umprochen isch?
... dass d Älplermagronen ufcho si, wo de Gotthardtunnel buut worden isch und di italiänische Arbeiter ihri Pasta mitbrunge hend?
... dass di èrscht Rhybrugg bi Eglisau e Holzbrugg gsi isch, wo um 1240 baut worrè isch?
... dass s Alt Baasler Züüghuus 1936 abgrisse worde isch, zum Blatz für s nöije Kollegiehuus vo dr Uniwersidäät Baasel z mache?
... dass s gmuèrte Viadukt vo dè Rhybrugg bi Laufè nit grad isch, wel sich d Laag vo dè Fundamänt dè stark furchigè Flusssollè hèt müèsè aabassè?
... dass sich de Ludwig Fischer eerscht nach synere Pänsionierig 1946 wider hät chöne mit em Luzëërntüütsch wüsseschaftlich usenandsetze?
... dàss d Qualla vu da Gsetza vum Lokàlracht ìn Elsàss-Mosel uf Ditsch gschrìewa un nia ìn dr frànzescha offiziella Zittung (Journal Officiel) veräffentligt worra sìn?
... dass z Basel Fläisch früener nume in äinere vo de drei staatligi Schoole hät döfe verkauft wärde?
... dass dr Hubert Deuringer vo viile Leit als Mr. Akkordeon bezoichnet wôrra ischt?
... dass Lauerz schwär troffe worde isch vom Goldauer Bärgschturz?
... dass s Schloss Tarasp as Woorzäiche vom Underengadin gältet?
... dass z Cargèse uf Korsika hüt no de griechisch Dialekt gredt, wo Iiwanderer 1676 mitbrocht hei?
... dass Oxalis acetosella im Wallisertitsch vo Lagsch Guggerspiis oder Voguspis heisst?
... dass d Schauschbiilere Stefanie Stroebele neabe dr Arbet am Theader a no als Lizenzierte Tierlehrerin schafft?
... dass di erscht Füèrthaler Rhybrugg im Früèsummer 1480 durch è Hochwasser zerlait worrè isch?
... dass a de Hochschuel für Technik und Wirtschaft HTW Khuur erscht sit 1990 Vollziitstudiegäng apotte werde?
... dass de Schuelhuusplatz z Bade eini vo de am meischte befahrene Chrüzige in de Schwiiz isch?
... dass em Hermann Hauff nôch a baar Jôhr s Dokdor-Gschäft arg vordloidet gwe ischt, obwohl’r dô drmit et schleacht vordeant hôt?
... dass s Heugeißfeschd vor allem im Hotzewald pflägt wird?
... dass d Ruth Jörg di föift Frau i de Redakzioon vom Schwyzerische Idiotikon gsy isch?
... dass de Lindeplatz z Altstette als Muschterbiischpiil für e Quartierplaanig us de 1950 Jahr giltet?
... dass im Schloss Willmendinge um 1888 niemad häd dörfe flueche?
... dass d Rhybrugg Hemmishoffè möglichscht lycht un dransparent hèt sy söllè?
... dass d griechisch Halbinsle Mani scho vorem Nenanderthaler bsidlet wore isch?
... dass em Walter Mossmann syni alemannische Lieder gege s Chärnchraftwärch Wyhl in dr Region zimli populär wore sin?
... dass es z Alaska de heegscht Berg vo de USA git, de 6194 m hoch Mount McKinley?
... dass mä vom Ungaresturm vo Baasel im Joor 917 wenig wäiss, uuser eme Iidrag vum Mönch Hermann vo Riichenau (1013-1054) in sinere Chronik?
... dass dr Christian Gottlob Barth sich in seine Schrifda hauptsächlich mit dr Ferderong vo dr Volksbildong ond dr Pflege vo dr Eißra ond Ennere Mission befasst hôt?
... dass dr Name vo Sargaas noch enera Saag von enera Gans chunt, wo uf em Fluss Saar gschwumme seg?
... dass de Günter Grass zitwiis bim Werner Geissberger z Wettige gläbt het?
... dass em Stummfilm Das Schwabemädle vo 1919 d Zwischatitl durchweg uff Schwäbisch ghalda send?
... dass durch d Fusion vum SDR un SWF zum Sidweschtrundfunk de sidweschtdytsche Rundfunk-Sonderfall bendet worre isch?
... dass in dr Villa Ehinger sit 1973 e Muusigschuel din isch?
... dass dè Baanhof vo Hattingè am 13. Februar 1945 s Zyl vo alliyrtè Bomber gsi, well sich im Baanhofsdunnel dè Heinrich Himmler hèt söllè uffhaaltè?
... dass s Spiilzüügmuseum z Rieche s erscht in dr Schwiz gsi isch?
... dass d Sabine Bräuning bei Produkziona vom Siddeitscha Rundfunk ondr Beweis hôt stella kenna, dass-se durch ihr Schauschbiil-Ausbildong ihrn schwäbischa Dialekt et vorlernt hôt?
... dàss d Dernières Nouvelles d’Alsace ànna 1995 d erschta Zittung ìm Frànkrìch gsìì ìsch, wo-n-a on-line Version uf em Ìnternet ààbota hàt?
... dass d Monarchie im Königriich Italie nach eme Referendum am 2. Juni 1946 abgeschafft worde isch?
... dass dr Erwin Monterin vu allene Waide, Hitte un Ecke z Greschonei no di titsche Näme gwisst het?
... dass di baide Hauptdarsteller im Film Usfahrt Oerlike «eine Wucht» sige?
... dàss d Sylvie Reff Anglisch, Rüssisch un Rumänisch gstudiart hàt?
... dass de Püntner Jurischt Valentin Bühler mit em Buech «Davos in seinem Walserdialekt» vo 1870 äis von eerschte Tüütschschwyzer Tialäktwöörterbüecher gschribe hät?
... dass e Sousaphon vill lychter zum Dräägè isch wiè ne Tuba?
... dass sich dr Oscar Heiler ond dr Willy Reichert em Film Die Rosel vom Schwarzwald wie bei de „Häberle und Pfleiderer“-Sketsch mit-ma langzogena „jaaa, jaaa – sooo, sooo“ begriaßet?
... dass me känn Sänf zu de Sanggaller Brodworschd nennt?
... dass Diamant dr hertisti natürligi Stoff isch?
... dass Suurmilchchees dur d Gärig mit Milchsüüribakterie grünnt?
... dass im Krais Alvaschein mit Uusnahm vo Mutta alli Gmainda rätoromanischi Wurzla händ?
... dass nach em Gsetz vom Heusler Fortis u Lenis nume denn underschidlech usgsproche wärde, we zringsetum stimmhafti Lute stöh?
... dass im hethitische Hailigtum Yazılıkaya e 30 Meter langi Götterprozession zaigt?
... dass d Nôchfrôg nôch dr Bilder vom Robert Heck rasant ôôgstige send, nochdem er sein erschda Kunschtpreis kriagt hôt?
... dass es für di klassisch Musig vor èm Beethoven no kei Metronom ghaa hèt?
... dàss d elsassisch Zigiinera Pisla Helmstetter Besüech vum àmerikànischa Giigaspìeler Yehudi Menuhin un vum indischa Müsiker Ravi Shankar bikumma hàt?
... dass dr Hans Peter Mauch in sim Dossier «Pädagogisches Handle» ganz neui Forme vo Religionsunterricht entwicklet het?
... dass d Nicole Keilbach-Schmittel e lychte un gallige Humor het?
... dass s Streichquardedd vom deitsche Geiger Karl Klingler em Erschda Weltkriag uffgleest wôrra isch, weil en sellem Quardedd au a bridischer ond a russischer Musiker mitgschbiilt hend?
... dass dr Johann Gottfried Tulla in de Schwiiz gholfe het d Linthebeni zwüschem Züri- und em Walesee trocke z läge, wel z Bade s Geld für Bauarbeite am Rhii uusgange isch?
... dass dr Elias Landolt en äinzigaartigi Samlig vo läbige Wasserlinse zämegstelt hät?