Strõssèbrugg übber dè Hochrhy z Hemmishoffè

Us der alemannische Wikipedia, der freie Dialäkt-Enzyklopedy

Koordinate: 47° 40′ 21″ N, 8° 50′ 5″ O; CH1903: 704840 / 281127

Rhybrugg Hemmishoffè
Rhybrugg Hemmishoffè
Rhybrugg Hemmishoffè
Aasicht vu Oschtè
Brucht as Strõssèbrugg
Überfüerig über Hauptschtrõss 332
Goot über Hochrhy, km 28,09
Ort Hemmishoffè, Wagehuuse
Konstrukzioon Spannbedonghoolkaschtèbrugg
Gsamtlengi 345 m
Bräiti 12,1 m
Grössti Stützwiti 75 m
Konstrukzionshööchi 3,25 m
Hööchi 26 m
Aafang vom Baue 1978
Eröffnig 30. Auguscht 1980
Lage
Rheinbrücke Hemishofen (Strasse) (Schweiz)
Rheinbrücke Hemishofen (Strasse) (Schweiz)
Rheinbrücke Hemishofen (Strasse)
Rheinbrücke Hemishofen (Strasse)


D Rhybrugg Hemmishoffè isch è Brugg, wo i dè Schwiz bi HemmishoffèHochrhy übberschpannt. D Strõssèbrugg mit zwei Faarschtreifè un eim Trottoir un Velowäg stammt uss èm Johr 1980. Si übberfüürt d Hauptschtrǒss 332, wo im Kanton Schaffhuusè a dè dütsch-schwize Landesgränz bi Ramsè aafangt un a dè Hauptschtrǒss 13 im Kanton Thurgau uffhört. S Bauwörch isch parallel zu dè historischè Ysèbaabrugg stròmuffwärts baut worrè.

Gschichtè[ändere | Quälltäxt bearbeite]

Luègi vu Oschtè
Diè beidè Bruggènè für d Ysèbaa un d Hauptschtroos übber dè Hochrhy bi Hemmishoffè vum Wulchèschtei uus gsää
Sicht uff beidi Hemmishoffner Bruggè vom Thurgau uus

Erschti Übberlegigè bezüèglich ènèrè Rhybrugg für dè Strǒssèvokeer bi Hemmishoffè hèt s 1933 gää, zee Johr spôter hèn Blaanigè für è Strõss nördlich vo dè Baanschtreggi exischtyrt. Im Johr 1968 sin durch dè Kanton Schaffhuusè d Vorlaag von èm Strõssèbaubrojèkt mit dè Umfaarig vo Hemmishoffè un ènèrè neuè Rhybrugg zum Aaschluss a s linksrhynische Strõssènetz gfolgèt. Unter anderem hätt dõdurrè d Rhybrugg vo Stei am Rhy vom Durchgangsvokeer entlaschtet wörrè söllè. Dè zrugggschtellte Bau vo dè dòmòligè Europastrõss 70 (spôter in Europastrõss 41 umnummeryrt) mit èrè neuè Rhybrugg im Schaarè bi Dissèhoffè hèt ußerdèmm è Vokeerszuènòm erwartè lõ. Trotz Widderschtänd vor Ort, uffgrund vo dè z erwartendè Vokeersbelaschtigè, hèt s Volk sebbèm Vokeersbrojèkt mit èrè Rhybrugg obberhalb vo dè beschtehendè Ysèbaabrugg Èndi 1976 zuègschtimmt.

Èn öffentlichè Brojèktwettbewèrb für diè neui Rhybrugg bi Hemmishoffè isch voaaschtaltet worrè, woby s Ingenieurbüro Wüst, Stucki un Hofacker uss Schaffhuusè/Züri mit èm èrschtè Briis uuszeichnet worrè isch. D Brugg hèt möglichscht lycht un dransparent sy söllè. D Balchèkonschtruktion un Stellig vo dè schlankè Flusspfyler sin in Bezug zu dè aaltè Ysèbaabrugg gwäält worrè. Im Januar 1978 hèt dè Bruggèbau aagfangè. Am 30. Auguscht 1980 hèt d Yweihigsfièr vo dè Brugg un dè Umfaarig stattgfundè.[1] D Bauköschtè hèn 8,4 Millionè Frankè bedrait.

Konschtruktion[ändere | Quälltäxt bearbeite]

S Bauwörch bschtòt uss ènèrè 345 m langè Spannbedongkonschtruktion mit füüf Fälder. S wyst in Längsrichtig èn Durchlaufdräger als Bauwärchsischteem uff. D Stützwitti bedrait vo Nord nõch Süd 67,0 m, 2×75,0 m, 71,0 m un 57,0 m. In Querrichtig isch èn einzelligè Hoolkaschtèquerschnitt mit èrè Boddèblattèbreiti vo 4,5 m un ènèrè Faarbaanblattèbreiti vo 12,1 m vorhandè. D Konschtruktionshöchi vom Übberbau isch konschtant 3,25 m. D Pfyler mit dè obberè Ussèabmessigè vo 4,56 × 2,0 m hèn èn massivè Staalbedongquerschnitt. Si wyst bezogè uff s Nidrigwasser è Höchi vo 23 m uff, d Querschnittsbreiti nimmt mit dè Höchi im Vohältnis 1:40 ab.[2] D Gründung vo dè Pfyler bschtòt uss je sechs Boorpfääl mit 1,5 m Durchmesser, 23 m i dè Rhygrund abbè langèd.

Zu dè Erschlièssig vo dè Bauschtell hèt diè bauuusfüürendi Arbètsgmeinschaft vo beidè Ufer uus Steeg i dè Rhy baut. Dè 4,8 m breite innere Kaschtè vom Übberbau isch mit ènèrè Vorschubrüschtung hèrgschtellt worrè, für diè zuèsätzliche Hilfspfyler im Rhy notwèndig gsi sin. D Hèrschtellig vo dè sitlich übberstehendè Faarbaanblattè isch aaschlièssend mit èm sognanntè Konsolwagè gmacht worrè.

Luèg au[ändere | Quälltäxt bearbeite]

Literadur[ändere | Quälltäxt bearbeite]

  • Hans Rudolf Stierli, Erwin Stucki, Paul Wüst: Vor dem Bau der N4: Die Rheinübergänge zwischen Stein am Rhein und Eglisau. In:Rheinbrücke N4, Hrsg. Nationalstrõssèbüro vom Kanton Schaffhuusè, Meier Volaag Schaffhuusè 1995, ISBN 3-85801-112-6

Einzelnõchwys[ändere | Quälltäxt bearbeite]

  1. website vo dè Gmeind Hemmishoffè (Site cha nüme abgrüeft wärde; Suche im Webarchiv)[1] [2] Vorlage:Toter Link/www.hemishofen.ch
  2. Schweizerische Bauzeitung: Wettbewerb Rheinbrücke bei Hemishofen SH, 12. Auguscht 1976, S.473 bis 475
Dä Artikel basiert uff ere fräie Übersetzig vu dere Version vum Artikel „Rheinbrücke_Hemishofen_(Strasse)“ vu de dütsche Wikipedia. E Liste vu de Autore un Versione isch do z finde.