Wikipedia:Houptsyte/Hesch gwüsst/Archiv/2023

Archiv	2011 · 2012 ·2013 · 2014 · 2015 · 2016 · 2017 · 2018 · 2019 ·2020 · 2021 · 2022 · 2023

2023

... dàss dr Climbing Mulhouse Center mìt’ra 25 Meter hoche Wànd a ìntressànter Trainingsort fer Bargstiiger ìsch?
... dass bi de Tour de Sol nur Faarzüüg mit Solaraatriib zuegloo gsi sin?
... dass dr Willy Müller-Brittnau 1976 mit em Kunstbetrieb broche het, all sini Farbe zemegschüttet und sini Liinwänd schmutzig-schwarz gmalet het?
... dass bim Frauèschtreik am 14. Juni 2019 s Glöggli vom Munot zum ärschtè un einzigè Mòl sit Johrhundertè nit glütet hèt?
... dàss dr Hàrtmànnswillerkopf àui „Mänschafrasser“ gnännt wìrd?
... dass dr Verena Müller-Schmid in ihrne junge Jahr ihre Garte und d’Natur als Inspiration für ihri Kunst dient hät?
... dass dr Traroth im Septämber 2003 en Aadrag uf e Elsässischi Wikipedia gstellt ghaa het, wu am 13. Novämber 2003 online gangen isch un wu emänd di Alemannisch Wikipedia drus firi gangen isch?
... dass es d Rubrik Artikel der Woche uf dr Houptsyte scho syt em Oktober 2004 git?
... dass mer mit em Wikipedia:Stammtisch syt 2005 e zäntral Dikussions-Forum hän?
... dass mer syt 2006 iber bsundersch glungeni Artikel cha abstimme?
... dass 2007 mit em Portal:Alemanne un em Portal:Alemannisch di erschte sonige Syte ufgmacht wore sin?
... dass mer zum Summerdräffe 2008 z Hittnau sogar e Prässemittailig uusegee hän?
... dass dr Artikel Hunschpàch anne 2009 dr 5000. Artikel gsii isch?
... dass es 2010 e bsundere Monet zum 250. Geburtsdag vum Johann Peter Hebel gee het?
... dass dr erscht Schrybwettbewärb anne 2011 s Thema Künschtler un ihri Werch ghaa het?
... dass mer uf dr WikiCon 2012 z Doarabiro Wikipedia-Autorne und -Autore us em ganze dytsche Sprochruum droffe hän?
... dass mer uf dr WikiCon z Karlsrue e effetligi Brysverleiig zum Schrybwettbewärb 2013 mit ere Läsig vum Sigerartikel gmacht hän?
... dass di Alemannisch Wikipedia 2014 mit em Zedler-Preis für Freies Wissen uuszaichnet woren isch?
... dass di Alemannisch Wikipedia syt 2015 e Newsletter verschickt?
... dass mer 2016 zerscht uf d WikiCon z Kornweschte gange sin un derno z Stuegert au gly no unser Summerdräffe gmacht hän?
... dass d «Schnabelweid» uf SRF 2017 e Sändig iber di Alemannisch Wikipedia brocht het?
... dass s Heftli «Alemannisch dunkt üs guet» vu dr Muettersproch-Gsellschaft 2018 s Schwärpunktthema Alemannischi Wikipedia ghaa het?
... dass mer zum 300-jerige Jubiläum vu Liachtaschtaa 2019 e Schrybwettbewärb zum Thema gmacht un s Portal:Liachtaschtaa yygrichtet hän?
... dass au di Alemannisch Wikipedia 2020 iber di wältwyt COVID-19-Pandemi informiert het?
... dass mer 2021 an dr virtuälle Arctic Knot Conference dailgnuu hän un 2022 an dr 20. Arbeitstagung zur alemannischen Dialektologie z Khuur?
... dass d Rösli Näf z Yad Vashem as «Gräächti vu dr Velker» geert wooren isch, wel si dr Neitraliteetsgrundsatz vum Roote Chryz verletzt ghaa het?
.. dass em Peter Wiesinger syni Ytäilig vo de tüütsche Tialäkt i de Gèrmanischtik wytumen aagnaa woorde isch, wil si – andersch as anderi Ytäiligsvoorschlääg – uf eme sischtemaatische Zuegang uufpouen isch?
... dass d Zaal vo dè wunderfitzigè Lüt, wo am èrschte Daag vum Heckerzug zuègluègèt hèn, söll dütlich größer gsi sy wiè sèlli vo dè Deilnämmer?
... dàss d Anna Rybaczewski mìt 13 Joohra hàt sa zem äärschta Mol Volleybàll gschpììlt hàt und zwai Joohra schpeeter scho àm Nàzionààla Schportsìnschtitüüt z’ Vincennes bii Pàriis a Volleybàll-Üssbìldung bikumma hàt?
... dass di Schwizerisch Zentraalbaan bim Bau vo dr Iisebahnstrecki Basel–Olte weg em Däilstück zwüsche Sissech und Olte am Rand vom Ruin gstande isch?
... dass der Paul Meinherz sini Dòggteraarbet Die Mundart der Bündner Herrschaft da Dialèggt vo da viar Ggmainda vor Pündner Herrschaft, Fläsch, Maiafèld, Jenins und Malans ggwidmet hèt?
... dàss sìch d’ Volleybàll-Liga vun La Réunion üss dr Orgànisàzioon vu da Indian Ocean Island Games z’ruckgezooga hàt, wial d Myriam Kloster d’ Kriteeria fìrs Mìtmàcha nìt ärfìllt hàt?
... dass s Tüütsch Wöörterbuech e Katedraale un e Kataschtrooffe sei?
... dass s Kulturzäntrum Brämgarte s ältischte Autonome Kulturzäntrum vo de Schwiz isch, wo ganz ohni öffentlichi Subventione uschunt?
... dass dìè hochè Erwartungè vo dè Milidärs an d Baanschtrèggi Duttlingè-Inzigkofè nit erfüllt worrè sin?
... dass dr Johann Jacob Speiser als äidgenössische Münzexpärte e Münzreform het sölle duurefüere und die kantonaale und andere inländischen Wäärige abschaffe?
... dass d Konkordia AG für Druck und Verlag vu Lehrer grindet woren isch zum Härstelle un Verchaufe vu Schuelbiecher un andere Schrybware?
... dass dr Auèwaald a dè Sèldèhaaldè un i dè Sèldèwyys sit 1977 vo dè ETH Züri dokumentyrt un kontrollyrt wörd?
... dàss d Rue de la Justice z Mìlhüüsa noch em Schìnder vu dr Schtàdt haisst?
... dass d Maria Concetta Di Paolo iri Forschig langi Jaar uf de tüütsch-italiänisch reschp. alemanisch-piemonteesisch Spraachkontakt im Walserdoorff Rimella konzäntriert hät?
... ass d Katalog fir d „WehraTeppiche“ dr Schillinger Druckerei speter ghulfe hän bim Drucke vu Bildbänd?
... dass d Anneliese Graes s Gäld, wo ere abotte worden isch, lachend abgleihnt het?
... as d Priesterine vo de Perasia barfuess öber Gluete laufid, ooni ass die sich d Füess verbrennid?