Titisee-Neistadt

Basisdate
Dialekt:	Alemannisch
Hauptvariante:	Nideralemannisch
Regionalvariante:	Oberrhialemannisch
Lokalvariante:	Schwarzwald
Bundesland:	Bade-Wirttebärg
Regierungsbezirk:	Friburg
Landkrais:	Brisgau-Hochschwarzwald
Heh:	849 m i. NHN
Flech:	89,7 km²
Iiwohner:	12.390 (31. Dez. 2022)
Bevelkerungsdicht:	138 Iiwohner je km²
Boschtlaitzahle:	79811–79822
Vorwahl:	07651
Kfz-Kennzaiche:	FR
Gmeischlissel:	08 3 15 113
Stadtgliderung:	6 Stadtteil
Adress vun dr; Stadtverwaltung:	Pfauenstraße 2–4; 79822 Titisee-Neustadt
Webpräsenz:	www.titisee.de
Burgermaischter:	Meike Folkerts (CDU)
Lag vo de Stadt Titisee-Neistadt im Landkrais Brisgau-Hochschwarzwald
	Karte

Titisee-Neistadt isch e Stadt im Südweste vu Bade-Württeberg un ghört zum Landchreis Brisgau-Hochschwarzwald. D Stadt isch e Kneipp- un Heilklimatischer Churort un usserdem e bekannts Wintersportzentrum.

Geographi

Dr Stadtdeil Titisee vu Titisee-Neistadt lit am Nordufer vum Titisee, im Oste vum Feldberg im Schwarzwald in 780 bis 1.192 Meter Höchi. Dr Stadtdeil Neistadt befindet sich fümf Kilometer östlich devu. D Stadt lit ame chleine Fluss, wo als Seebach vu Feldberg-Bäredal chunnt un de Titisee spiist, als Guetach (gueti Ach) us em fliesst un östlich vum Stadtdeil Neistadt als riisender Fluss Wuetach (wüetendi Ach) s Stadtgebiit wiider verlosst un sich dur die weltberühmt Wuetachschlucht schliesslich in dr Rhi ergiesst.

Die höchste Erhebung von Titisee-Neustadt isch der Hochfirst an der Gemeindegrenze zu Lenzkirch auf 1.192 m ü. NHN.

Gschicht

Gschicht vu dr Stadtdeile

Stadtdeil Neistadt

Dr Stadtdeil isch 1250 dur d Fürste zue Fürsteberg gründet worre. Es sin diversi Nammensänderige erfolgt: 1275 isch d Stadt noch Nova Civitas gnennt worre, 1294 Neuwenstadt, 1335 Neuwenstatt, 1630 Neostadium un anno 1650 New-Statt bevor es später zue Neustadt worre isch. Vu 1669 bis 1806 het Neistadt e Chapuzinerchloster besesse. 1817 sin grossi Deiler vu dr Stadt dur e Grossbrand zerstört worre. Im 18. Jahrhundert het sich die Uhrmacherei in dr Stadt als grosse Wirtschaftszwig entwicklet. Während em 1. Weltchrieg un churz denooch het e grossi Chnappheit gherrscht, was Grundnahrigsmiddel agange isch. Im Mai 1919 hets ersti Kommunalwahle mit aktivem un passivem Frauewahlrächt gä, was dezue gfüehrt het, dass sich vier Fraue im Bürgerusschuss gfunde hän. Dr Vogt Karl Pfister († 1993 in Friburg) wo 1923 igsetzt worre isch, het Arbetsplätz gschaffe un gsicheret. Säll isch ihm dur Darlehe vu insgesamt 700.000 Riichsmark glunge, wo er dur Verhandlige mit Grossbanke us dr USA, dr Schwiiz un dr Niderlande erwirkt gha het. Dur witteri Arbeitsbeschaffigsmassnahme wie z. B. öffetlichi Bauvorhabe um d Zitt vu dr Weltwirtschaftskrise isch er in dr Lage gsi, d Arbetslosequote, wo im Dytsche Riich 18 % betrage het, in sinem Amtsberiich uf 12 % zu halde.

Es isch d Herrschaft vu dr NSDAP, wo noochenander d Lokalzittige Der Hochwächter (1933) un s Echo vom Hochfirst (1935) fer ihri Zwecke missbrucht un später igstellt het. Trotz sällere Iflussnahm isch bi dr Wahle dr Stimmeadeil vu dr Partei immer nidriger wie in Titisee gläge, wo er ugfähr im Riichsdurschnitt entsproche het. Trotzdem isch 1933 d NSDAP-Ortsgruppe in s Rothus izoge, het dr Balkon vun em besetzt und het an einige Persone vum öffetliche Läbe dur Amtsenthebig bzw. Verbringig ins Konzentrationslager-Ankebruck bi Hüfige e Exempel statiert. Dr Blasius Müßle, wo domols Vogt worre isch, isch 1935 dur dr später Chreisleiter Benedikt Kuner ersetzt worre.

Stadtdeil Langenordnach

1112 erstmols als Vallis Nordera urchundlich erwähnt
1529 werre 16 Hüser gnennt; dr Ort het e eigeni Chapelle gha

Stadtdeil Rudeberg

1316 erstmols urchundlich erwähnt
1529 het dr Ort "mehreri Hüser" gha, 1810 het er 191 Iwohner gha

Stadtdeil Schwärzebach

1316 erstmols urchundlich erwähnt
1850 het Schwärzebach 427 Iwohner gha

Stadtdeil Titisee

1111 erstmoligi urchundlichi Erwähnig, 1635 sin die Bezeichnige Dettesee un Titinsee zum erste Mol in Urchunde uftaucht. Ab 1750 giltet allgmein d Bezeichnig Titisee. Dr Ort, wo am Titisee ligt, setzt sich us vier Ortsdeiler bzw. Däler zämme: Aldewäg, Sprigelsbach, Schildwende un Josdal. Dorum het d Gmei Titisee bis 1929 au dr Namme Vierthäler bzw. Viertäler trage.

Stadtdeil Waldau

1111 erstmols gnennt, die erst urchundlich Erwähnig isch 1178 in ere päpstliche Urchunde erfolgt
Sit 1807 gits e katholischi Pfarrei

Gmeinsami Gschichte

Titisee-Neistadt isch anno 1971 dur dr Zämmeschluss vu dr bis derthi eigeständige Chreisstadt Neistadt mit dr Gmeinde Titisee un Rudeberg entstande. 1973 un 1974 sin d Gmeie Langenordnach, Schwärzebach un Waldau dezue chumme.

Religion

D Gsamtbevölcherig vu dr Stadt verdeilt sich wie folgt uf die verschidene Glaubensrichtige:

Römisch-katholischi Chilche: 7.567 (63,5 %)
Evangelischi Chilche: 2.306 (19,3 %)
Suschtigi oder Konfessionslosi: 2.057 (17,2 %)

Politik

Vögt

Neistadt

1820–1836: Fidel Hirt
1837–1842: Johann Höhr
1842–1849: Dominik Ganter
1849: Mathä Schreiber
1849: Andreas Vollmer
1849: Johann Kromer
1850: Anton Vollmer
1850–1852: Josef Sorg
1852–1872: Johann Baptist Fürderer
1873–1875: Karl Heinrich Ganter
1875–1879: Johann Bauser
1879–1883: Karl Klenker
1883–1894: Conrad Winterhalder
1894–1905: Anton Brugger
1905–1914: Adolf Schork
1914–1923: Adolf Winter
1923–1933: Karl Pfister
1933–1935: Blasius Müßle (NSDAP)
1935–1937: Benedikt Kuner (NSDAP)
1937–1945: Albert Hirt (NSDAP)
1945: Emil Scherer
1945–1946: Adalbert Dengler
1947–1950: Josef Sahner
1951–1971: Julius Pfeffer

Langenordnach

1827–1830: Mayer (Vorname nit bekannt)
1830–1832: Martin Fehrenbach
1832–1838: Mathias Kreuz
1838–1842: Martin Föhrenbach
1842–1848: Johann Kaltenbach
1848–1854: Mathias Kreuz
1854–1859: Martin Föhrenbach
1859–1867: Balthasar Mayer
1867–1877: Josef Föhrenbach
1877–1889: Martin Kaltenbach
1890–1896: Martin Kleiser
1896–1905: Anton Straub
1905–1921: Martin Kleiser
1921–1934: Konrad Faller
1934–1946: Josef Faller
1946: Alfred Rombach
1946–1948: Alfons Fehrenbach
1948–1967: Josef Faller
1967–1974: Ernst Wursthorn

Viertäler/Titisee

1822–1831: Georg Willmann
1831–1837: Jakob Dotter
1837–1843: Johann Schwörer
1843–1844: Andreas Ketterer
1844–1851: Matthä Lickert
1851: Philipp Tritschler
1851–1859: Josef Fürderer
1860–1862: Severin Pfrengle
1862–1870: Josef Haiß
1870–1884: Severin Pfrengle
1884–1891: Alexander Kaltenbach
1891–1925: Heinrich Bach
1925–1945: Leo Hog
1946–1968: Willy Stahl
1968–1971: Hans Schmider

Gsamt

1971–1979: Hans Gallinger (SPD)
1979–2003: Martin Lindler (CDU)
2003–2019: Armin Hinterseh (CDU)
sit 2019: Meike Folkerts (CDU)

Wahle

Ergebnis vo dr Landdagswahle sit 2006:^[2]

Johr	CDU	SPD	FDP	Grieni	Linki¹	AfD	Suschtigi
2016	29,5 %	12,2 %	7,9 %	31,5 %	2,4 %	12,9 %	3,7 %
2011	38,4 %	25 %	5,5 %	24,6 %	2,4 %		4,1 %
2006	41,5 %	34,7 %	8,1 %	10,2 %	1,9 %		3,6 %

¹ 2006: WASG, sit 2011: Die Linke

Städtpartnerschafte

Coulommiers (Frankriich) - sit 1971
Leighton-Linslade (Großbritannien) - sit 1991

Wirtschaft un Infrastruktur

Verchehr

Strosse

Titisee-Neistadt lit an dr Bundesstross 31 (Brisach - Lindau, wo die beide Nord-Süd-Autobahne A 5 un A 81 verbindet. Vu dr B 31 zwigt im Ort d B 317 nooch Wil am Rhi ab. D B 500 füehrt ebefalls dur Titisee-Neistadt. Usserdem befindet sich d Bundesstross 315 in dr Nächi.

ÖPNV

D Stadt hät zwei Bahnhöf (Titisee un Neistadt), wo stündlich (Neistadt, Bahnhofsnummere 4331), bzw. halbstündlich (Titisee, Bahnhofsnummere 5876) iber d Hölledalbahn mit Friburg im Brisgau un stündlich nooch Doneeschinge verbunde werre. Im Bahnhoft Titisee zwigt d Dri-See-Bahn nooch Seebrugg ab. D Stadt ghört im Regio-Verchehrsverbund Friburg (RVF) a.

Flughäfe

D nächste Flughäfe sin:

Ansässigi Unternähme

Bach KfZ-Landmaschinen
Bau GmbH Schubnell KG
H.M.V. Maschinenverleih
Hoenes Uhrenfabrik
NOVILA Wäschefabrik GmbH
Technocell Dekor GmbH & Co

Grichte

Titisee-Neistadt verfüegt iber e Amtsgricht, wo zum Landgrichtsbezirk Friburg im Brisgau un zum OLG-Bezirk Charlsrueh ghört.

Bildigsirichtige

1 Musikschuel
1 Chaufmännischi Schuel
1 Realschuel
1 Gymnasium
1 Volchshochschuel
1 Förderschuel

Frizitt- un Sportalage

Skisprungschanze, sit 2001 finde do au Weltcupspringe statt

Kultur un Aluegenswürdigkeite

Titisee-Neistadt lit an dr Dytsche Uhrestross.

Musee

D städtische Heimetstuebe

Bauwercher

S katholische Münster im Stadtdeil Neistadt
D Hochfirstschanze (grössti Naturschanze vu Dytschland, eini vu dr grösste Sprungschanze vu dr Welt).
Dr Hochfirstturm (1192 m. y. NHN)

Naturdenkmoler

Titisee
Titisee-Neistadt lit im Naturpark Südschwarzwald. D Fernwanderstrecki Middelwäg, wo dur dr Ort verlauft, füehrt an vile Naturdenkmolern vorbi.

Lit

Ehreburger

Medizinalrat Josef Winterhalter (* 1796 z St. Märge; † 1879 in Neustadt), Grinder vum erste Neistädter Chrankehus
Adalbert Dengler, Burgermaischter z Neistadt 1945–1946
Josef Faller, Burgermaischter z Langenordnach 1934–1946 und 1948–1967
Julius Pfeffer, Burgermaischter z n Neustadt 1951–1971
Oswald Haug, Stadtpfarrer z Neustadt 1946–1972
Paul Pietsch (1911–2012), Rennfahrer un Verleger
Martin Lindler, Burgermaischter z Neustadt 1979–2003
Hans Schmider, Burgermaischter z Ditisee bis 1973, Bigordnete a. D.
Gustav-Adolf Haas (1935–2013), Stadtbaumaischter vo 1967 bis 1999 un MdL a. D.

Lit, wu in de Stadt uf d Welt kumme sin

Karl Friedrich Müller (1902–1983), Sprochwisseschaftler, Dialektforscher un Lehrer
Adelheid Morath (* 1984), Radsportleri
Annika Knoll (* 1993), Biathleti

Weblink

Fueßnote

↑ Statistisches Landesamt Baden-Württemberg – Bevölkerung nach Nationalität und Geschlecht am 31. Dezember 2022 (CSV-Datei).
↑ Statistisches Landesamt Baden-Württemberg: Landtagswahl (Memento vom 7. Juli 2019 im Internet Archive)

Des isch e Artikel oder e Absatz über e regionali Bsunderheit. Er dät no besser wirke, wänn er in dr Dialäktspiilart vu sälere Region gschriibe wär. Ich, dr erscht oder dr Hauptautor vu däm Artikel oder däm Absatz, dät mi freie, wänn eber esach in s lokal Alemannisch ibersetze dät. Schryb bitte i dr Zämmefassig dass du de Artikel i de lokale Dialäkt umänderesch.

Lueg dezue au Froge un Antworte zum Dialäkt.

Dä Artikel basiert uff ere fräie Übersetzig vum Artikel „Titisee-Neustadt“ vu de dütsche Wikipedia. E Liste vu de Autore un Versione isch do z finde.

[Metadaten_Einwohnerzahl_DE-BW-1] Statistisches Landesamt Baden-Württemberg – Bevölkerung nach Nationalität und Geschlecht am 31. Dezember 2022 (CSV-Datei).

[2] Statistisches Landesamt Baden-Württemberg: Landtagswahl (Memento vom 7. Juli 2019 im Internet Archive)

[1]

[2]