Wittnau (Breisgau)

Dä Artikel bschäftigt sich mit dr Gmei Wittnau bi Friburg im Brisgau, witteri Bedütige vu dem Wort findener under Wittnau

Wittnau (Wittnau)
Wappe	Karte
Dialekt: Alemannisch
Hauptvariante	Nideralemannisch
Regionalvariante	Oberrhialemannisch
Lokalvariante:	Ruum Friburg
Verbreitig:	?
Basisdate
Staat:	Ditschland
Bundesland:	Bade-Wirddeberg
Regierungsbezirk]:	Friburg
Greis:	Brisgau-Hochschwarzwald
Geographischi Lag:	47° 57′ N, 7° 49′ O
Höchi:	378 m ü. NN
Flächi:	5,04 km²
Iwohner:	1.461 (31. Dezember 2010) [1]
Bevölkerungsdichti:	290 Iwohner je km²
Boschtleitzahl:	79299
Vorwahl:	0761
Nummereschild:	FR
Gmeischlüssel:	08315125
Gmeigliderig:	2 Ortsdeile Wittnau Biezighofe
Adress vu dr Gmeiverwaltig:	Kirchweg 2 79299 Wittnau
Internetuftritt:	www.wittnau.de
Burgemeischter:	Enrico Penthin (CDU)
Lag vu dr Gmei Wittnau im Landkreis Brisgau-Hochschwarzwald

Wittnau isch e Gmei im Südbade 7 km südlich vu Friburg im Brisgau.

Geographi

Geographischi Lag

Wittnau lit ebba 7 km südlich vu Friburg in dr Mitti vum Hexedal, wo sich vu Friburg zwischenem 644 m hoche Schimberg un dr Westhäng vum Hochschwarzwald yber Wittnau, wo es sich zue ere „wite Aui“ verbreiteret, bis nooch Ehrestette erstreckt. D'Gmarkig vu dr Gmei zue dere d'Ortsdeiler Wittnau un Biezighofe ghöre, umfasst 504 ha un isch dur dri Hügel prägt, wo bis hüt fer dr Wibau gnutzt werre. Im Oste reicht d'Gmarkig bis zue dr Westflanke vum Schauinsland (1284 m).

Gschichte

Im Zug vu dr Besidlig vum Hexedal im 7. un 8. Johrhundert sin die erste alemannische Bure ins Biit vu dr hütige Gmei chu un hän ihrene Höft dr Namme Biezighöfe gä. Anno 806 isch des Dorf erstmols als Piazinchova urchundlich erwähnt. Scho anno 786 berichtet e Schenkigsurchunde vum Chloster St. Galle erstmols vu ere Hoftanlag näbst Chilche nammens Witunauia.

Im 13. Johrhundert isch dr Wittnauer Herrehoft zue eme östriichische Lehe worre bis er im 19. JohrhundertEigetum vum Grossherzogtum Bade worre isch. Sit 1811 werre d'Ortschafte Wittnau un Biezighofe als Einheit betrachtet un offiziell als Gmei Wittnau bezeichnet. 1971 isch d'Gmei dr Verwaltigsgmeinschaft Hexedal biträtte.

Inzwische isch Wittnau dur dr Zuezug us em noochglägene Friburg starch gwaxe. D'Gmei giltet als beliebte Wohnort.

Politik

Gmeirot

Partei / Liste	%	Sitze	Diff.
Freie Wählergemeinschaft (FWG)	45,9 %	5 Sitz	+ 2
Freie Bürgervereinigung (FBV)	28,4 %	3 Sitz	–
Wittnauer Bürger für Dorferhaltung und Bürgernähe (WB)	25,7 %	2 Sitz	+ 1

Burgemeischter

• Enrico Penthin (2002 bis hit)
• Erich Birkle (1978 bis 2002)
• Karl Pache (1970 bis 1978)

Wappe

S'Wappe erinneret an d'Ursprüng vu dr Gmei un die domolig Verbundeheit mit em Chloster St. Galle: d'Chilche uf em Berg als eini vu dr äldeste vum Hexedal, denäbe dr Bär, s'Wappedier vum Chloster St. Galle.

Gmeipartnerschafte

Sit 1994 verbindet Wittnau e Partnerschaft mit dr französische Gmei St. André d’Apchonin in dr Region Côte Roaneiise am Fuess vu dr Madleine-Berg, westlich vu Roanne Loire. D'Partnergmei het öppe 1800 Iwohner un isch wie Wittnau e Wibaugmei.

Persönlichkeite

Persönlichheite, wo mitem Dorf in Verbindig sten

• Dr Publizist Walter Dirks het sit sinere Pensionierig 1966 bis zue sinem Dod anno 1991 z'Wittnau gläbt.
• Dr ditsch Fuessballbundestrainer Joachim Löw wohnt sit anno 2007 z'Wittnau.

Literatur

• Gemeinde Wittnau (Hg.), Wittnau, vom Leben im Dorf damals und heute. 1986

Weblink

• Offizielle Webpräsenz

Des isch e Artikel oder e Absatz über e regionali Bsunderheit. Er dät no besser wirke, wänn er in dr Dialäktspiilart vu sälere Region gschriibe wär. Ich, dr erscht oder dr Hauptautor vu däm Artikel oder däm Absatz, dät mi freie, wänn eber esach in s lokal Alemannisch ibersetze dät. Schryb bitte i dr Zämmefassig dass du de Artikel i de lokale Dialäkt umänderesch. Lueg dezue au Froge un Antworte zum Dialäkt.