Eschbach (Markgräflerland)

Us der alemannische Wikipedia, der freie Dialäkt-Enzyklopedy
Hops zue: Navigation, Suech
Wappe Dütschlandcharte
Wappe vo dr Gmei Eschbe
Eschbach (Markgräflerland)
Dütschladcharte, Position vo dr Gmei Eschbe fürighobe
47.897.655246Koordinaten: 47° 53′ N, 7° 39′ O
Basisdate
Dialekt: Alemannisch
Hauptvariante: Hochalemannisch
Regionalvariante: Markgräflerisch
Lokalvariante: nördl. Markgräflerisch
Verbreitig:  ?
Bundesland: Bade-Württebärg
Regierigsbezirk: Friburg
Landkreis: Brisgau-Hochschwarzwald
Höchi: 246 m ü. NHN
Flächi: 10 km²
Iiwohner:

2340 (31. Dez. 2012)[1]

Bevölkerigsdichti: 233 Iiwohner je km²
Poschtleitzahl: 79427
Vorwahl: 07634
Kfz-Chennzeiche: FR
Gmeischlüssel: 08 3 15 033
Gmeigliderig: Eschbe
Gwerbepark Brisgau
Adress vo dr
Gmeiverwaltig:
Rathausplatz 4
79427 Eschbe
Webpräsenz: www.gemeinde-eschbach.de
Burgermeischter: Harald Kraus
Lag vo dr Gmei Eschbe im Brisgau-Hochschwarzwald
Charte

Eschbe (amtlich: Eschbach) isch e Gmei im Markgräflerland im Südweschte vu Bade-Württeberg un lit guet 15 km südlich vu Friburg im Brisgau. D'Bezeichnig Eschbe (Brisgau) isch mehdütig, wil dr Stägener Ortsdeil Eschbe, 10 km östlich vu Friburg ebefalls im Brisgau lit.

Gschichte[ändere | Quälltäxt bearbeite]

Dr Flecke Ascabah findet sich erstmolig anno 807 in ere Urchunde. Im Lauf vu dr Johrhunderte hän verschideni Chlöster Besitz an Eschbe gha, so d'Chlöster St. Galle, St. Blasie un St. Trudpert, wo es als Lehe an Adelsfamilie vergä hän. Anno 1368 isch Eschbe mit em gsamte Brisgau östriichisch worre. In dr folgende 400 Johre hän under anderem d'Herre vu Rappoltstei un dr Johanniterorde d'Dienschtherrschaft usgüebt. Anno 1806 isch no d'Gmei im Grossherzogtum Bade zuegschlage worre.

Religione[ändere | Quälltäxt bearbeite]

Eschbe isch sit jeher e römisch-katholischi Gmei. D'Chilche St. Agnes isch anno 1275 erstmols erwähnt. Die wänige evangelische Gläubige sin nooch Heitersche ipfarrt.

Politik[ändere | Quälltäxt bearbeite]

Bürgermeischter[ändere | Quälltäxt bearbeite]

  • 1983-hüt: Harald Kraus

Gmeirot[ändere | Quälltäxt bearbeite]

Zämmesetzig vum Gmeinderot
Partäi Wahle vu 2009 Wahle vu 2004
SPD 1 Sitz
CDU 4 Sitz 4 Sitz
Wehlervereinigunge 5 Sitz 6 Sitz
Gsamt 10 Sitz 10 Sitz
Quälle: Statisdischs Landesamt vu Bade-Württebärg

Wirtschaft un Infrastruktur[ändere | Quälltäxt bearbeite]

Verchehr[ändere | Quälltäxt bearbeite]

Eschbach lit verchehrsgünstig in dr Nächi vu dr Bundesautobahn A 5. Dr Ort isch yber d'Autobahnabfahrt 64b (Harte-Heitersche- Eschbe) yber dr ebefalls grösstedeils zue Eschbe ghörig interkommunale Gwerbepark Brisgau z'erreiche, wo bis anno 1994 e Militärflugplatz vu dr Bundesluftwaffe gsi isch.

Eschbe verfüegt yber kei eigene Bahnhof meh, obwohl d'Rhidalbahn dr Ort durschnidet un im sognennte Eschbemer Boge e Chnick in dr Liniefüehrig het, wo d'Züg uf ebba 90 km/h abbremse müen. Bis zum Bahnhof in Heitersche sin's aber numme nu 1,5 km Entfernig. D'Abindig mit öffentliche Verchehrsmiddel wird vu dr Südbadebus Gsellschaft (SBG) gwährleistet.

Bildig[ändere | Quälltäxt bearbeite]

In Eschbe git's mit dr "Rappoltsteiner Schuel" e Grundschuel, usserdem verfüegt d'Gmei yber zwei Chinderschuele.

Kultur un Aluegenswürdigkeite[ändere | Quälltäxt bearbeite]

Bauwercher[ändere | Quälltäxt bearbeite]

S'äldist yberliferet Gebäude uf dr Eschbemer Gmarkig isch s'anno 896 under em Namme Vizzilistat erwähnt herrschaftlich Hofguet Wistette. S'ehemolig Dorf Wistette isch dur s'Rhihochwasser vu 1482 fast vollständig zerstört worre. Numme dr herrschaftlich Hof isch erhalde bliibe un isch hüt in Privatbesitz.

S'markantischt Bauwerch vu Eschbe isch s'Adelshus us em 15. Johrhundert. Es isch e dreistöckigs Herrschaftshus mit eme witthi sichtbare, hochufragende Bauchörper. Ab 1795 isch es under em Namme "Zum Laie" als Gastwirtschaft betribe worre. Bi umfangriiche Sanierigsmassnahme anno 1999 si vilfältigi Um- un Abauphase, aber au dr ehemolig Turm vu dr Brennerei zum Vorschi chumme. S'Adelshus het dr Namme Eschbemer Castell erhalde.

Fueßnote[ändere | Quälltäxt bearbeite]

  1. Statistisches Bundesamt – Gemeinden in Deutschland mit Bevölkerung am 31.12.2012 (XLS-Datei; 4,0 MB) (Einwohnerzahlen auf Grundlage des Zensus 2011)

Weblink[ändere | Quälltäxt bearbeite]

 Allmänd (Commons): Eschbach (Markgräflerland) – Sammlig vo witere Multimediadateie



Dä Artikel basiert uff ere fräie Übersetzig vum Artikel „Eschbach_(Markgräflerland)“ vu de dütsche Wikipedia.

E Liste vu de Autore un Versione isch do z finde.