Lindau (Bodensee)

Lindou

Wappe	Charte
Basisdate
Staat:	Dütschland
Bundesland:	Bayern
Regierigsbezirk:	Schwabe
Chreis:	Lindou
Geographischi Lag:	47° 33′ N, 9° 41′ O
Höchi:	401 m ü. NN
Flächi:	33,18 km²
Iwohner:	24.772 (31. Dezember 2010) Bayerisches Landesamt für Statistik und Datenverarbeitung
Bevölcherigsdichti:	747 Iwohner je km²
Boschtleitzahl:	88131
Vorwahl:	08382
Nummereschild:	LI
Gmeischlüssel:	09776116
Adress vu dr Stadtverwaltig:	Bregenzer Straße 6–12 88131 Lindau (Bodensee)
Internetuftritt:	www.lindau.de
Oberburgermeischteri:	Petra Meier to Bernd-Seidl (CSU)
Lag vu dr Stadt Lindau (Bodensee) im Landchreis Lindou

Lindou (Umland: Linde, amtl. Lindau (Bodensee)) isch e Stadt im Sidweschte vu Bayern am eschtlige Stade vum Bodesee im Dreiländereck Dytschland – Eschtryych – Schwyz. Lindou isch Großi Chraisstadt un Verwaltigssitz vum Landchrais Lindou im Regierigsbezirk Schwabe.

Geografi

Geografischi Lag

Di historisch Altstadt vu Lindou lyt uf dr glychnamige Insle im Bodesee, wu ne Flechi vu 0,68 km² un rund 3.000 Yywohner het. Friejer isch d Yywohnerzahl vu dr Insle vil greßer gsi, bi dr Volkszellig am 16. Juni 1925 z. B. 5.968. D Insle isch dur e Damm un e Bruck mit em Feschtland verbunde. Zue Lindou ghert au di chlai Insle Hoy un d Galgeinsle (hit e Halbinsle). Derzue het s e Fels im Winkel zwisch em Yysebahndamm un em Parkblatz uf dr Hintere Insle, dr Hexestoi, wu zmaischt unter Wasser lyt un mit eme Seezaiche gchännzaichnet isch. S git e Legänd um dää un e zwete, chlainere Hexestoi im Remerbad us dr iro-schottische Missionarszyt mit em Gallus un em Columban.

Elai scho mit dr feschtländische Stadtdail Schache, Äschach, Reitin un Zech (vu Wescht no Oscht) het d Stadt Lindou iber sibe Kilometer Bodeseestade. Di natyrlig Stadeform in dr Lindouer Gegnig isch e Schilfgirtel, derno Moosmatte un schlän feschts Glämnd.

Klima

Dr Johresniederschlag lyt bi 1420 mm un dodermit im obere Zehtel vu dr Wärt, wu vu dr Mässstelle vum Dytsche Wätterdienscht erfasst wäre. Iber 96 % zaige nidereri Wärt aa. Dr druckscht Monet isch dr Februar; am maischte rägnet s im Juni. Im niderschlagryychschte Monet git s ca. 2,2mol meh Räge wie im druckeschte Monet. Di johreszytlige Niderschlagschwankige lige im obere Drittel. In iber 98 % vu allne Ortschafte schwankt dr monetli Niderschlag weniger.

Nochbergmaine

Die Stedt un Gmaine gränze an d Stadt Lindou (im Uhrzeigersinn vu Weschte uus): Wasserburg, Bodels (baidi Landchrais Lindou), Grässbrõnn, Dettnãng (baidi Bodeseechrais, Bade-Wirttebärg), Achberg (Landchrais Raveschburg, Bade-Wirttebärg), Wisseschberg, Sigmerszell (Landkreis Lindau), Heerbranz, Breagaz (baidi Bezirk Breagaz, Vorarlberg, Eschtryych)

Stadtdail

Di Groß Chraisstadt Lindou glideret sich syt dr Gebietsreform in zeh Stadtdail. Nyyn Stadtdail lige uf em Feschtland (dodervu vier mit eme Aadail am Stade), derwylscht d Insle Lindou e wytere Stadtdail bildet.

Nr.	Stadtteil	Flechi ha	Bevelkerig Volkszellig 25. Mai 1987	Ortsdail
1	Äschach	…	4379	Äschach, Gibelbach
2	Hochbuech	…	1273	Hochbuech, Hommesritte, Schennebihl
3	Hoire	…	1456	Hoire
4	Lindou	68,00	2755	Insle (Hauptinsle, Hinteri Insele)
5	Oberroedne	954,02	1586	Oberroedne, Gitzewiler, Goldschmidsmihle, Greit, Hehritte, Hugelitz, Hummereswiler, Lattewiler, Rengeswiler, Sulzemoos, Suters, Walterschberg, Bahholz, Dasberg, Grindle, Hangna, Paradis, Sulzeberg
6	Reitin	…	8067	Reitin, Moozach, Niderhaus, Oberritte, Rickebach, Straedelsfinge, Wannetal, Oberhochsteg
7	Schache	…	1535	Schache, Degelstaen
8	Schenne	…	316	Schenne
9	Underraidao	620,17	454	Underraidao, Bechteschwiler, Dirrer, Eggetswiler, Herbolz, Herbolzmihle, Rengeswiler, Ricketshofe, de Wisfleck, Unterwalterschberg
10	Zech	…	1798	Zech
	Lindau	3302,71	23610

Baan

Uf em Biet vu dr Stadt Lindou git s segs Baan, wu ehmolige Gmaine entspräche:

Baan- nummere	Baan	Flechi ha	Yygmaindig	Stadtdail
7940	Lindou	59,43	urspringligs Stadtzäntrum syt 1079, wu dr Märt uf d Insle verlait woren isch	Insle
7937	Hoire	384,42	1. Feb. 1922 (no Uusgliederig 1818)	Hoyren, Schachen, Schönau
7938	Äschach	442,39	1. Feb. 1922 (no Uusgliederig 1818)	Aeschach, Hochbuch
7939	Reitin	899,96	1. Feb. 1922 (no Uusgliederig 1818)	Reitin, Zech
7936	Oberroedne 1	954,02	1. Jan. 1976 1	Oberroedne
7935	Underraidnao 1	620,17	1. Jan. 1976 1	Underraidnao
	Lindou	3360,69

¹ Di friejere Gmaine Oberroedne un Underraidnao sin am 1. Juli 1971 zue dr neie Gmai Roedne zämmeglait wore, wu schließli am 1. Jänner 1976 no Lindou yygmaindet woren isch.

Gschichte und Sproch

Uff de Insel Lindau wird Bodeseealemannisch gschwätzt.

Bilder

• 

  Insle Lindou, vu Side

• 

  Insle Lindou, vu Weschte

• 

  Hafeyyfahrt vum Land uus

• 

  s alt Rothuus

Filme ibber Lindau

• Lindau im Winter. E Dokumentation. D Filmautorin isch Birgit Eckelt, Deutschland 2006. Gsähe im Dritte Fernsehprogramm vum Bayrischen Rundfunk am 30. Januar 2011 vu 15:15 - 16:00 Uhr.

Weblink

 Allmänd (Commons): Lindau — Witeri Mulitimediadateie zum Artikel

 S dütschsprochig Wikisource hät Originaltegscht zum Thema „Lindau in der Topographia Sueviae (Mathäus Merian)“.

• Offiziälli Websyte vu dr Stadt Lindou
• Literatur iber Lindau (Bodensee) im Katalog vu dr Dytsche Nationalbibliothek
• Artikel Lindau (D) im Historische Lexikon vo dr Schwiiz