Hinterzarten

Hinderzarde

Wappe	Ditschlandkart
	47.9077777777788.1008333333333885
Basisdate
Dialekt:	Alemannisch
Hauptvariante:	Nideralemannisch
Regionalvariante:	Oberrhialemannisch
Lokalvariante:	Schwarzwald
Verbreitig:	?
Bundesland:	Baden-Württemberg
Regierungsbezirk:	Friburg
Landkrais:	Brisgau-Hochschwarzwald
Heh:	885 m ü. NN
Flech:	33,4 km²
Iiwohner:	2651 (31. Dez. 2007).
Bevelkerungsdicht:	79 Iiwohner je km²
Boschtlaitzahl:	79856
Vorwahl:	07652
Kfz-Kennzaiche:	FR
Gemeindeschlüssel:	08 3 15 052
Adress vun dr Gmaiverwaltung:	Rathausstraße 12 79856 Hinderzarde
Webpräsenz:	www.hinterzarten.de
Burgermaischter:	Hansjörg Eckert
Lag vo de Gmai Hinderzarde im Brisgau-Hochschwarzwald

Dr Höcheluftchurort Hinderzarte lit im Hoch-Schwarzwald ebba 25 km östlich vu Friburg im Brisgau uf 850 bis 1200 m y. NN.

Geographi

Geographischi Lag

Geographisch reicht Hinderzarte bis chnapp an dr Feldberg, die mit 1493 m.y.M. höchst Erhebig vum Schwarzwald und bis ans südöstlich End vum Titisee. Es befindet sich im Naturpark Südschwarzwald un wird vum Zartebach durflosse.

Nochbergmeinde

Agrenzendi Gmeinde sin Breitnau, Titisee-Nöistadt, Feldberg un Oberried

Ortsgliderig

Hinderzarte glideret sich in d'Ortsdeiler:

• Alpersbe
• Biste
• Bruederhalde
• Erlebruck
• Löffeldal
• Oberzarte
• Rinke
• Windeck
• Winterhalde

Gschicht

1148 wird Hinderzarte erstmols urchundlich erwähnt. Im 13. Johrhundert wird es e beliebte Wallfahrtsort, wil e Schwäfelquelle heilendi Wirkig bi Augelider verspricht.

Um 1790 het dr Uhremacher Jacob Herbstreith die sognennte Jockili-Uhre agfertigt. Eini vu sällene Uhre isch im Uhremuseum in Furtwange z'sähe. Mit dr Chilchwaldschanze wird 1923 die erst Skisprungschanze im Ort baut. E Johr später folgt d'Adlerschanze, wo 1981 zu ere Mattesprungschanze umbaut wird.

Sit 1964 derf sich Hinderzarte als Heilklimatischer Kurort bezeichne.

Politik

Mit em nördlich glägene Noochberort Breitnau bildet Hinderzarte e Verwaltigsgmeinschaft.

Gmeinderot

Zämmesetzig vum Gmeinderot Partäi Wahle vu 2009 Wahle vu 2004 Wehlervereinigunge 12 Sitz 12 Sitz

Gsamt 12 Sitz 12 Sitz

Quälle: Statisdischs Landesamt vu Bade-Württebärg

Städtpartnerschaft

Sit 1969 isch Egise im Elsiss Partnerstadt vu Hinderzarte.

Wirtschaft un Infrastruktur

Hinderzarte läbt vu Tourismus, Forst- un Weidewirtschaft, bitet im Summer Wandermöglichkeite. Wäge in dr ledschte Johre nimmi bestehender Schneesicherheit eignet sich Hinderzarte mit dri Skilifte un einige Kilometer Langlaufloipe numme fer dr Dagesskisport vu Friburg us.

Hinterzarten lit usserdem am Schwarzwald-Querwäg Friburg-Bodesee, wo vu Friburg im Brisgau nooch Konstanz füehrt un fer Fernwanderer attraktiv isch.

Verchehr

Verchehrsmässig isch Hinderzarte yber die vu Brisach nooch Lindau füehrend Bundesstross 31 oder yber die dr Schwarzwald längs durchlaufend B 500 (Triberg - Waldshuet) z'erreiche. Es git e Bahnhof mit Systemknote vu dr Hölledalbahn (Friburg - Doneeschige) wie au d'Buslinie SB 7216 yber dr Thurner nooch Chilchzarte. Im Nohverchehr giltet dr Tarif vum Regio-Verchehrsverbund Friburg.

Medizin

Mit dr Földichlinik, wo sich uf Lymphologi spezialisiert het un dr Naturchlinik in Oberzarte git's zwei Krankenhüser im Ort.

Bildig

In Hinderzarte git's e Grund- un Hauptschuel mit Werchrealschuel un s'privat betribe Internatsgymnasium Birklihof.

Kultur un Aluegenswürdigkeite

Musee

Im Hugehof isch sit 1997 s'Schwarzwälder Skimuseum beheimatet.

Sit 2004 git's im Ortsdeil Bruederhalde e Museum fer aldi Landtechnik, im 400 Johr alde Bankehof, wo aldi landwirtschaftlichi Gräte un Maschine usgstellt werre.

Naturdenkmoler

Sit 2000 git's e Naturerlebnispfad in Hinderzarte.

Sport

In Hinderzarte befindet sich die berüehmt Adlerschanze, wo s'jährlich Summerskispringe druf stattfindet. Näbe ere wittere Üebigsschanze un eme Tennis-Zentrum git's au e Loipezentrum.

Usserdem fangt do d'Churzstrecke-Etappe vum jährliche „Black Forest Ultra Bike“-Marathon a.

Sit 2003 isch Hinderzarte au Mitglid vum Nordic Walking Zentrum im Hochschwarzwald.

In Richtig vum Ortsdeil Alpersbe git's e alpins Skigebiit mit 3 Lifte, wo wäge dr in dr ledschte Johre allerdings hüfig fählende Schneesicherheit yberwigend im lokale Skilauf diene.

Regelmässigi Verastaltige

Näbe dr scho erwähnte jährliche Sportveranstaltige Summerskispringe un Ultra Bike Marathon, findet e wöchentliche Buremärkt statt.

Persönlichkeite

Söhn un Döchter vu dr Gmei

• Georg Thoma, * 20. August 1937, Siger in dr nordische Kombination bi dr Olympischen Spile 1960
• Dieter Thoma, * 19. Oktober 1969, Skispringer

witeri Persönlichkeite, wo mit dr Gmei in Verbindig sten

• Sven Hannawald, * 9. November 1974 in Erlabrunn, ehemoliger Skispringer, läbt sit einige Johre in Hinderzarde
• Otti Wilmanns, dydschi Botanikeri un Brofässeri fir Geobotanik, wù an dr Universideed Fryybeg gfoorschd ùn glèèrd hed, läbt in Hinderzarde

Bilder

• 

  Hinderzarte: Blick uf d'Chilche un d'Adlerschanze

• 

  D'Chilche vu Schnee bedeckt

• 

  Hinderzarte (um 1910)

• 

  D'Adlerschanze in Hinderzarte

• 

  Skilanglauf in Hinderzarte (um 1909)

Weblink

 [{{fullurl:Commons:

Category:Hinterzarten, Germany|uselang=als}} Allmänd (Commons): Hinderzarte] – Sammlig vo witere Multimediadateie

• Offizieller Internetuftritt vu dr Gmei
• Ehrenamtlichi Bürgerarbet un Erholig in Hinderzarte
• Museum fer aldi Landtechnik
• Fuessballverein vum Ort

Des isch e Artikel oder e Absatz über e regionali Bsunderheit. Er dät no besser wirke, wänn er in dr Dialäktspiilart vu sälere Region gschriibe wär. Ich, dr erscht oder dr Hauptautor vu däm Artikel oder däm Absatz, dät mi freie, wänn eber esach in s lokal Alemannisch ibersetze dät. Schryb bitte i dr Zämmefassig dass du de Artikel i de lokale Dialäkt umänderesch. Lueg dezue au Froge un Antworte zum Dialäkt.

Dä Artikel basiert uff ere fräie Übbersetzig vum Artikel „Hinterzarten“ vu de dütsche Wikipedia. E Liste vu de Autore un Versione isch do z finde.