Glottertal

Glodderdal (Glottertal)
Wappe	Karte
Dialekt: Alemannisch
Hauptvariante	Nideralemannisch
Regionalvariante	Oberrhialemannisch
Lokalvariante:	Schwarzwald
Verbreitig:	?
Basisdate
Staat:	Ditschland
Bundesland:	Bade-Wirddeberg
Regierungsbezirk]:	Friburg
Greis:	Brisgau-Hochschwarzwald
Geographischi Lag:	48° 3′ N, 7° 57′ O
Höchi:	280-1243 m ü. NN
Flächi:	30,76 km²
Iwohner:	3.025 (31. Dezember 2010) [1]
Bevölkerungsdichti:	98 Iwohner je km²
Boschtleitzahl:	79286
Vorwahl:	07684
Nummereschild:	FR
Gmeischlüssel:	08315041
Gmeigliderig:	4 Ortsteile
Adress vu dr Gmeiverwaltig:	Talstraße 45 79286 Glottertal
Internetuftritt:	www.glottertal.de
Burgemeischter:	Eugen Jehle
Lag vu dr Gmei Glodderdal im Landkreis Brisgau-Hochschwarzwald

Glodderdal isch e Gmei im Landkreis Brisgau-Hochschwarzwald im Südweschte vu Bade-Wirddeberg in dr Nächi vu Friburg im Brisgau.

Geographi

Geographischi Lag

Glodderdal lit im Südschwarzwald südlich vum Elzdal an dr Glodder.

Gmeigliderig

Die früeher selbständige Gmeie Under- un Oberglodderdal, Ohrenschbach un Föhredal sin 1970 zue dr Gsamtgmei Glodderdal zämmegschlosse worre.

Gschichte

Anno 1112 isch d'Ortschaft Glodderdal erstmols in ere Güeterbeschribig vum Chloster St. Peter erwähnt worre. Vum Afang vum 15. an bis am Afang vum 19. Johrhundert isch Glodderdal under vorderöstriichischer Herrschaft gstande. Mit dr Nöiornig vu dr politische Geographi vu Dytschland nooch dr napoleonische Chriege isch dr Ort im Grossherzogtum Bade zuegschlage worre.

Politik

Gmeirot

Zämmesetzig vum Gmeinderot Partäi Wahle vu 2009 Wahle vu 2004 CDU 6 Sitz 5 Sitz Wehlervereinigunge 6 Sitz 7 Sitz

Gsamt 12 Sitz 12 Sitz

Quälle: Statisdischs Landesamt vu Bade-Württebärg

Wirtschaft un Infrastruktur

Bildig

Glodderdal verfüegt mit dr Schurhammerschuel yber e Grund- un Hauptschuel mit Werchrealschuel.

Räbabau

Glottertal vum Eibolle us, 2007

Sit em 15. Johrhundert werre im Glodderdal Räbe apflanzt un Wi produziert. D'Gloddterdäler Räbberg gelde als die schteilschde un höchst glägene vu Dytschland, si lige bis 500 Meter yber em Meeresspiegel. D'Hangneigig vu bis zue 70° ermöglicht zwar e optimali Sunneistrahlig, erlaubt anderersits aber chum e maschinelle Isatz bi dr Arbit. So müen 90 % vu dr Arbete in dr 58 ha grosse Abauflächi vu Hand erledigt werre. Dr sognennt „Rote Bur“ wird bundeswit an Endverbrucher, d'Gastronomi, dr Fach- un Einzelhandel versendet.

Kultur un Aluegenswürdigkeite

Müsik

In jährliche Abstände werre d'Glodderdäler Horndäg verastaltet, bi dene sich Horniste vu Weltrang fer einigi Däg ins Glodderdal begäbe um sich dert usz'tusche un Arbetstreffe abzhalde.

Orchester

Mit dr Trachtechapelle Glodderdal verfüegt d'Gmei yber e hervorragends symphonischs Blosorchester, wo scho zahlriichi Uftritte im In- un Usland ufwiise cha.

Bauwercher

Dr Carlsbau in Glodderdal isch am Afang vu dr 1980er Johre d'Kulisse fer die erfolgriich Fernsähserie „Schwarzwaldklinik“ gsi. D'Drillorte vu dr Fernsähserie im Schwarzwald, alle vora s'Glodderdal un dr Carlsbau, sin e beliebts Zil vum Fantourismus gsi. Domols isch s'Bäudi e Churchlinik vu dr Landesversicherigsanstalt Württeberg gsi, hüt befindet sich dert e Chlinik fer Familierehabilitation vu dr Kur+Reha GmbH.

Weblink

 Allmänd (Commons): Glottertal — Witeri Mulitimediadateie zum Artikel

• Offizieller Internetuftriit vu dr Gmei Glodderdal
• Glodderdal un sini Ortsdeiler
• Burehöf im Glodderdal

Des isch e Artikel oder e Absatz über e regionali Bsunderheit. Er dät no besser wirke, wänn er in dr Dialäktspiilart vu sälere Region gschriibe wär. Ich, dr erscht oder dr Hauptautor vu däm Artikel oder däm Absatz, dät mi freie, wänn eber esach in s lokal Alemannisch ibersetze dät. Schryb bitte i dr Zämmefassig dass du de Artikel i de lokale Dialäkt umänderesch. Lueg dezue au Froge un Antworte zum Dialäkt.

Dä Artikel basiert uff ere fräie Übbersetzig vum Artikel „Glottertal“ vu de dütsche Wikipedia. E Liste vu de Autore un Versione isch do z finde.