Wikipedia:Artikel

Us der alemannische Wikipedia, der freie Dialäkt-Enzyklopedy
Hops zue: Navigation, Suech
Green check.svg Die Syte isch e offizieli Richtlinie vo dr alemannische Wikipedia. Bi grössri Ändrigsvorschläg bitte d Diskussionssyte bnutze.

D Richtlinie wo uf derre Syte doogställt sin spiegle de Konsenz vo de Mitarbeiter vo dr alemannische Wikipedia wiider. Es wird erwartet dass sich alli Bnutzer aa d Grundsätz vo derre Richtlinie halte.

E Artikel in dr Alemannische Wikipedia muess bstimmti Mindeschtaforderige erfülle, mueß eventuelli främdi Quälle agää un muess anderi Dialäktspiilarte respäktiere.

Wer no nie kei Artikel in dr Wikipedia gschriibe het, ka uf dr Spiilwise rumprobiäre; Informatione fir Afänger sin unter Erschti Schritt z finde.

Inhaltlichi Mindeschtaforderige[ändere | Quälltäxt bearbeite]

  • Er sott vo allgemeinem Inträssi sii. Zum Biispiil "Mii Schatz heißt Hanna un duet gärn lisme ..." isch nit vo allgemeinem Inträssi.
  • E Artikel sott uf Alemannisch gschriibe sii un d Grundsätz vo Wikipedia:Wiä schriib ich guets Alemannisch? yyhalte.
  • Er sött sachliche un neutral gschrybe sy un z.B nit in dr erschte Person. Ebefalls sött mer Umgangssproch vermeide, also zum Byspiil „im Französische seit mer em Bodesee Lac de Constance un im Änglische Lake Constance“ statt „Andre främdi Schnufer säget denn au "Lackdekonsstoas", odr no besser "Läikuffkonschdenss"“.
  • Do wo's notwändig isch, sötte d Quelle belegt sy (lueg unte).
  • E Artikel söt usser statistischi Informatione im Normalfall mindeschtens 5 Satz lang sy; e Infochaschte zählt debi nüt. Also: Naters isch es Dorf im Oberwallis, mit ca. 7'500 Iwoner. Z'Wappe vo Naters zeigt zwei gikritzti Bischofsschtäb ufeme rote Grund. Witer weissi nimme längt nüt.
  • E Artikel sott nit numme e Wörterbuechiitrag si, wo e Wort übersetzt wird. E Artikel sott e Begriff vu verschiidene Sitte erchläre. Also: "E Büezer isch e Arbeiter. Bin öis sait me halt eso." längt nit. Do sott erchlärt wärde, was e Büetzer macht, was er verdient, was si gsellschaftlig Asähne isch usw.

Artikel, wo die Aforderige nit erfülle, chönne glöscht werde.

Quälle[ändere | Quälltäxt bearbeite]

  • E enzyklopädische Artikel soll Wisse vu dr Wält, bi dr Alemannische Wikipedia bsunders vu dr Alemannia, widerspiägle. Mit "Wält" un "Alemannia" isch do nit dr Artikelautor gmeint, nai, do sin anderi Autore gmeint, wu gforscht un publiziärt hän oder publiziärts Wisse zämmegfasst hän. Mer soll also nit "Wisse" üs em eigene Büch zämme süüge oder eigeni Forschige driibe (= kei original research driibe). Bi alemannische Theme, wus kei vereffentligts Wisse driiber git, ka do drvu abgwiche wäre.
  • En Artikel sött d Quälle aagee (Literatur, Weblinks), wo d Informatione herstamme. Zitiere chammer au diräkt mit Fuessnote, die werre mit <ref>Quelle</ref> i de Teggscht ybaut. Usserdäm muess no unter Literatur <references/> ytippt werre.
  • Verbotte isch, ganzi Gedankegäng vu främde Autore z ibernämme, ohni e Quälleagab z mache. Verbotte ischs aü, wertlig abzschriibe oder wertlig z ibersetze, ohni des as Zitat z kännzeichne. Des isch geischtige Diäbstahl (Plagiat). So derfe aü nit grossi Gedichter abdruckt wäre, üsser, wänn s Urheberrächt abgloffe isch (70 Johr noch em Dot vum Dichter) oder wänns dr Dichter üsdricklig unter e freji Lizänz stellt (im Zwiifelsfall muess des nogwiise wäre). Plagiat miän vum e Ammann (Administrator) glescht wäre.
  • Wertligi Zitat mit Quälleagab sin erlaübt, wänn si dr Inhalt vum Artikel erkläre un ime vernimpftige Gresseverhältnis sin (Zitat mueß viil gleiner sii wiä dr Artikel).
  • Ibersetzige vu gmeinfreie oder GNU-FDL-Text, also zum Biispiil vu andere Wikipedia, sin erlaübt. Lueg aü: Rootschläg för Übersetzige.
  • Banals Allgmeinwisse - zum Biispiil dr Satz "dr Mont Blanc isch 4.810,9 m hoch" - muess nit belegt wäre, wel des in Hunderte vu Quälle stoht.

Lueg au Wikipedia:Profil.