Hochfirstturm

Us der alemannische Wikipedia, der freie Dialäkt-Enzyklopedy
dr Turm vo Weschte gseh

Dr Hochfirstturm isch e Ussichtsturm, wo anno 1890 uf em Hochfirst im Schwarzwald errichtet wore isch.

Dr Hochfirst isch e bewaldete Berg zwische Saig, wo zu Lenzchilche un Nöistadt, wo zu Titisee-Nöistadt ghört, in Bade-Württeberg. Dr Turm stoht uf Lenzchilchner Bode. Si Platz isch uf 47°54'04" nördlicher Breiti un 8°11'03" östlichi Längi in 1192 m Höchi.

Dr Turm isch in Stahlfachwerchauwiis bout. Er isch 25 Meter hoch un stoht uf eme Natursteisockel. Dr Natursteisockel stammt vu eme 1888 errichtete Holzturm, wo 1890 ime Orkan zum Opfer gfalle isch. E Besunderheit vum Hochfirstturm isch, dass er noch zuesätzlich abgspannt isch.

Dr Hochfirstturm trait hüt Sendeantenne fer Richt- un Mobilfunk.

Gege Itritt, wo mer im Rasthus näbedra löse ka, ka mer dr Turm au bestiige, vo obe het me en Ussicht uf dr Südschwarzwald un bi klarem Wetter au bis zue dr Alpe, uf die Schwäbisch Alb un in dr Hegau.

Weblink[ändere | Quälltäxt bearbeite]

 Commons: Hochfirstturm – Sammlig vo Multimediadateie
  • Hochfirstturm uf freiburg-schwarzwald.de abgruefen am 7. Augste 2019
  • Hochfirstturm mit Aagabe zu den aktuelle Öffnigszite vom Turms uf hochschwarzwald.de abgruefen am 7. Augste 2019

Koordinate: 47° 54′ 4,5″ N, 8° 11′ 3,1″ O

Dä Artikel basiert uff ere fräie Übersetzig vum Artikel „Hochfirstturm“ vu de dütsche Wikipedia. E Liste vu de Autore un Versione isch do z finde.