Elsass

Us der alemannische Wikipedia, der freie Dialäkt-Enzyklopedy
Hops zue: Navigation, Suech
Elsàss
Fàhne vum Elsàss
Wappe vum Elsass
Rot un Wiss
Fàhne vum Elsàss
Wappe vum Elsass
Amtssprooch Franzeesch
Sprooche Franzeesch, Elsässerditsch,
Vosgien, Iiwandersprooche.
Häuptstàdt Strossburi
Fläche 8 280 km²
Hëchschter Punkt 1 424 m (Gross Bälche)
Inwohnerzàhl 1 794 000 Persone (2004)
Bevölkerigsdichti 217 Inwohner/km²
Regionalenhymne Elsässisches Fahnenlied
(vun Emil Woerth-1911)
Regionalenfeiertag 31. Mai
President vum CR Philippe Richert (UMP)
Prefekt Stéphane Bouillon
Làg vum Elsass Topographi vum Elsass
Dialäkt: Elsassisch

'S Elsass ésch e Region ém Oschte vun Frànkrich - un de Weschtsite vum (mittlere un süedlich) Owerrhin-Tal - àlso 's Ländel zwésche Rhin un Vogese. Mét ('m mittlere un süedlich) Bade z'sàmme bildt's àlso de (oweri) Owerrhin-Region zwésche Basel un Karlsrüeh, Schwàrzwald un Vogese.

'S Elsass (Région Alsace) ésch de kleinscht vun de Regione vun de France métropolitaine (europäisch Frànkrich) mét numme zwéi Départements (normalerwiss 3-4 Départements in e Region) un e Superficie/Flächi vun 8.280 km². De zwéi Departements sin de Bas-Rhin (Unt'relsass) - Departementszahl 67, Prefektür Strosburi - un de Haut-Rhin (Oww'relsass) - 68, Prefektür Còlmer. 'S geht vun de nàtionali, ditsch-frànzeeschi Grenz en d'r Mitt vum Fluss àn de heechschti Grate vun d'Vogese - met e pààr Stickele Lànd uff'm Oschtufer wo in elsassischi G'meinde g'heere. Numme ém „Krumme Elsass“ (frz.: Alsace Bossue) ém Norde vun Zawere geht's ewwer de Vogese néwwer bis ins Saartàl. Ém Süde steest's àn d'Schwiz, ém Norde ésch de Lauter de Grenz z'r Pfalz. De Nochbere én Frànkrich sin de Région Lothringe un de Région Franche Comté.

'S Elsass ésch de frànzeesch Ànteil vun de alemànnisch Länd'r, 's g'heert zue Frànkrich - mét Unterbrechunge - zitter'm 17. Johrhundert (westf. Fride 1648, Strosburi 1681) mét Üssnàhm vun Milhüse, wo bis 1798 Teil vun de Schwizer Eidgenosseschàft gsin ésch. 'S g'heert àlso nit zue de jüngschti Teile vun Frànkrich wie Savoye od'r öi noch Corsica - öi wenn's erscht 1945 (un dovor 1919) 's letscht mol wéd'r àn Frànkrich àng'schlosse ésch wore. Vun 1871 bis 1919 het's Elsass zuem Ditsche Rich g'hert un zwésche 1941 un 1944 hàn d'Nazis de Region àls e Teil vum „Südwest-Gau“ vum Dritt Rich bhàndelt.

D'Nàmme kummt vum altalemannische ali-sat (Fremdsitz) oder villicht aü vun Ill-sass (Sitz vum linksrhiinische Flessle Ill) her. Diss het wohrschins keltischi Wurzle. Vun do het sich's entwickelt zue Elsass un latinisch Alsatia un Alsace.

De Buri St. Ulrich

Symbole un Beditung vun de Region[ändere | Quälltäxt bearbeite]

Mét'm (lothringisch) Departement Moselle z'sàmme bild't's Elsass de „ditsch Teil“ vun Frànkrich - de Teil wo historisch immer vum Ditschlànd „z'rüeck“ esch v'rlàngt wore - „Elsass-Lothringen“. De Moselle ésch awwer numme 's nördlichi vun de vier Departementi én de Region Lorraine. Nàtional neitraler g'saat sin's Elsass un de Moselle de ditschsproochig (frz.: germanophone) Teil vun Frànkrich - se gehn de gànz ditsch-frànzeeschi Granz làng vun Basel bis Luxeburi. Làngi Zit sin so selli Gebiete de Grund fr nàtionali Konfrontatione un Kriej gsin. Hitzedaas sin se in de Konsequenz öi bsundersch europäisch odr europhil - fascht e europäisch Modell vun Granzregione, awwer glichzitig öi e nàtional sehr symbolisch Teil vum Frànkrich „une et indivisible“. Ditschlànd drgeje hàlt si politisch hitzedaas ziemli komplett rüss - e Pris fr de ditsch-frànzeesch Frindschàft.

.

'S Elsass ésch e Bispiil vun dene Regione, wie nit licht én nàtionali Kategorie passe. 'S ésch àn d'üsserschti süedweschtli Üssdehnung vun de germanisch B'siedelung z'r Zit vun de gross Migratione (frz. „Invasion des Barbares“) gsin - ém oweri Teil vun de reemisch-germànisch Begenung ém Ow'rrhintàl. Un àn de Grenz mét d'r romànisch Walt. So ésch's b'sundersch exponéert gsin f'r Inflüess vun do (wie öi de weschtlich Ditsch-Schwiz od'r Luxeburi) - àww'r öi f'r de Üssdehnung vum frànzeesch Künnijrich.

Wappe[ändere | Quälltäxt bearbeite]

D'Fàrwe vum Elsass sin „Rot un Wiss“. `S hitige Wappe symboliséert de zwei Departementi un siiht historisch'r üss als's ésch. De Région Alsace b'nutzt àls Logo e finfstrahlig Stern, mét-e (àbgetrennt!) goldi Strahl rachts - fer de Oschte, 's Elsass.
Üss de Zit vun de ditsch Federaliséerung (1911) gibt's e Hymne vun de Region (Elsass-Lothringe): 's „Elsässische Fahnenlied“, diss ésch àww'r nit numme hit nimm offiziell, 's ésch öi nit sehr bekànnt ém Elsass. Véel popülär'r ésch's VolliksliedDe Hans ém Schnookeloch“, wovun vili sàje ass's de Chàrakt'r vun d'Elsass'r gued b'schriibt. E ander's Liedele ésch „S Elsass, unser Ländel“ - mànchi Elsass'r identifizéere sich un ihri Heimet dodemit.

Symboltiir[ändere | Quälltäxt bearbeite]

'S elsassisch Symboltiir, fàscht e Wappevöjel, ésch de Storich (Wisstorich - Ciconia ciconia). Wie én de meischte ditschsproochigi Lend'r v'rzehle d'Elsass'r ihri Kénd'r, ass'r de Bubbele bringt. Ém iwwrigi Frànkrich wurd g'sàjt, m'r find se ém Kohl. E ànder's wichtig's Tiir ésch de Schnack - wil m'r oft sàjt, de Elsass'r sitzt in si'm Schnackehüs. Uff Anglisch ésch Alsatian e àndri B'zeichnung f'r de Ditsch Schäferhund (German Shepherd).

Richwihr, Dolder

Geböje[ändere | Quälltäxt bearbeite]

Geböje un Orte, wie f'r's Elsass e stàrik Symbolwart han, sin (z.B.): 's Strosburj'r Ménscht'r, d'r Odilieberi, Mürbach ('s Kloscht'r), d'Hohkünnijsburi, de Dompeter, de Gros Chêne (Dicki Eich) ém Höienöir Forscht un de Heidemüre uf'm Mäennelstein un'm Tännchel.

Beditung in Kultur und Technik[ändere | Quälltäxt bearbeite]

'S Elsass ésch de Heimet od'r de Ursprungsregion vun

Geographi[ändere | Quälltäxt bearbeite]

Klima[ändere | Quälltäxt bearbeite]

D Vogése ém Wèste stèlle e Klimagrànze dar; wènn wie màistens d Luftmasse vu Wèste kumme, légt s Èlsass ém Ràgeschatte. Én der héchere Lage ghàie bis zu 2000 mm Niderschlàg bro Johr, màistens én Form vu Schnée. Zwar lége an der Col de la Schlucht ém Johr an 130 Dàg Schnée und sàller ka bis zu 2 Méter hoch sé, s Èlsass ésch awer wàge de blètzlige Dàuwàtter bi de Wéntersportler nét eso bliebt wie zum Bispil der Schwarzwald. D méttlere Tèmperatur légt ém Jànner bi 0 und ém Juillet bi 19 Grad. Zwésche Mèrz un Mài kènne vu Sidfrankrich Luftmasse durch d Burgunder Pforte éns Èlsass kumme und es wérkt wàge de Mandle-, Abrikose- und Kastaniebaim fast méditèrran.

Kültür[ändere | Quälltäxt bearbeite]

Sproche[ändere | Quälltäxt bearbeite]

'S Elsass ésch tràditionell bis uff e pààr Derfer àn de Grenze ditschsprochig gsin. Én Frànkrich (un mét de Grenzv'rschiibunge) sin d'Lit meh un meh zweisprochi wore. De Elsass'r heisse ihri Regionalsprooch Elsasserditsch (Alsacien) od'r Elsässisch. De Regionalsprooch b'steht üss'm lokal Dialekt - ém greescht Teil vum Elsass redd m'r alemànnischi, ém Norde sidfrankischi oder rhinfränkischi (pfälzisch) un ém Krumme Elsass saar-rhinfränkischi Mundàrte - un àls Schriftsprooch Hochditsch. Offiziell Amts- - un z'meischt öi Schuelsprooch - ésch àww'r numme Frànzeesch. So geht de Zweisprochikeit hit meh un meh z'rüeck.

Spezialitäte üss d'r elsassisch Kéch[ändere | Quälltäxt bearbeite]

Veritable Flammekuech
Sürkrüt
Baeckeoffe

D'Schpezialitäte üs'm Elsass sind hoipsachlich d'Brauerej (wie Kronenbourg, Fischer (Eijeschàft von Heineken), Schutzenberger, Meteor), sin Rabgebiet, sini "franzéésch Qualität un' diitsche Portionen" Gastronomie: (Keüjlhopf, Sürkrüt, Bäckhoffe, Lappkeüche uzw)!

  • Flammeküeche (Flammekööch - Flammaküacha, frz.: Tarte flambée, hochdt.: Flammkuchen)
  • Köjelhopf (hochdt.: Kugelhopf) (Gugelhupf ésch e Schwowwedings!) (frz. oft: "Kouglof")
  • Choucroute - Sürkrüt (Sauerkraut)
  • Baeckeoffe (= "Bäckerofen"), e Intopf üss vier Sorte Fleisch, Grumbeere un Ziwwele, [1]
  • Bredele ("Brötlein" - Keksgebäck)
  • Mignardises (siaßi Töertle)
  • Friands (siaßi Teigpaschtete)
  • Crémant d'Alsace (Sekt)
  • Tarte aux pommes (Elsasser Àpfelkuech)
  • Galettes de pommes de terre - Grumbeerekiechle (Kartoffelpuffer)
  • Quiche Lorraine
  • Tarte aux oignons - Ziwwelkuech
  • Coq au vin (nàdiirli mét'me gued'r Elsasser Riesling!)
  • Foie gras (Paté üss de Leew'r vun gestopfti Gens od'r Ente)
  • Munster - Minschterkas
  • Asperge (Spargel)

G'schicht[ändere | Quälltäxt bearbeite]

E pààr Date: (E detailliirti Version vun de Gschicht esch em Àrtikel Gschicht vum Elsass)

D'Abtei Murbach
Rjivaljuzija! Strasbourg 21/7/1789
Monüment f'r d'Malgré-Nous
  • 53 vor Chr.: Julius Cäsar schlajt de "Suebe" unt'r ihrem Künni Ariovist nit wit vun do wo emol Milhüse geböjt wurd und setzt so in de erscht Welle vun alemannisch Inwànderung e End.
  • 12 vor Chr.: De Reem'r böje bi Argentoratum e b'feschtigt Lajer - de Geburtsstund vun Strosburi.
  • 357 : Én d'Schlacht vun Argentoratum un öi nooch e Infàll 366 iww'r de zueg'frore Fluss schàffe d'Reem'r's noch emol d'Alemanne iww'r de Rhin zeruckzedrucke. Àb 401 kenne d'Reem'r de Rhingrenz nimm gànz sichere un geje 455 quere d'Allemanne andli de Rhin un b'siidle 's Elsass.
  • 496 : De Frankekünnij Chlodwig b'siigt de Alemanne én de Schlacht vun "Zülpich" un zwei àndri. 'S alemànnisch Herzogtum kummt bis 531 gànz unter d'Herrschaft vun de fränkisch Merowinger. Bis 746 exischtiirt's Herzogtum Alemannia noch àls Teil vum Frankeriich. 'S Elsass g'heert e Teil vun d'r Zit dezue, teils wurd's zue-m-e e eije Herzogtum, wo öi Lothringe un Burgund intereséert.
  • 728 : De Pirmin grindet d'Abtei Murbach.
  • 842 : de Strosburjer Eide, üsg'sproche vun Karl däm Kahle (frz.: Charles le Chauve) un Ludwig däm Ditsche (frz.:Louis le Germanique) geje ihr Brüed'r Lothar (frz.:Lothaire) (alli Enkel vun Karl däm Grosse) teile's Rich uff en drei Teili. 'S Elsass gheert züem Mittelrich Lotharinge.
  • 962 : 'S Elsass ésch Teil vum Heilich Reemisch Rich.
  • 1211 : Die erscht Erwähnung fo Sulzbach.
  • 1354 : Grindung vun de "Décapole", de Zehnstäedtebund vun de Richsstäedt am Oberrhin.
  • 1552 : Schlacht vun Hüsberje - de Stadt Strosburi b'schiesst's Heerlajer vum frànzeesch Künni Henri II, (Heinrich de Zweit) un bricht sini B'lajerung.
  • 1648 : Nooch'm Westfälisch Fride (Traité de Westphalie) annektéert s absolutistisch Frànkrich under em Louis XIV. de Teili vum Elsass, wo im Kaiser un de Habsburjer g'heere.
  • 1681 : De fréji Richsstadt Strosburi wurd vun d'r Armee vum franzeesch Künni b'lajert un müess ihri Tore effne.
  • 1790 : De revolutionäri franzeesch Regierung richt de Departementi Bas-Rhin un Haut-Rhin in.
  • 1798 : De fréji Repüblik Milhüse, v'rbunde mét d'r Schwiz'r Eidg'nosseschaft, müess nooch-m-e militarischi un wirtschàftlichi Blocus durich's revolutionäri Frànkrich kapitulére.
  • 1870 : Bim Siège vun Strosburi, de Belajerung im ditsch-frànzeesch Kriej, b'schiesse de ditschi Truppe d'Stàdt un de Bibliothek vun de Universität, eini vun d'greeschti ditschsprochigi, humanistischi Bibliotheke zitt'r de Renaissance, v'rbrannt.
  • 1871 (18. April) : (ditschi) Schüelpflicht ém Elsass (Obligation scolaire) - noch vor'm Fréde un 11 Johr vor Frànkrich (Jules Ferry àm 28. März 1882).
  • 1871 : nooch de franzeesch Néderlaa vun Sedan un'm Vertraa vun Frankfurt un de Grindung vum néiji Ditsch Rich kummt's Elsass widd'r züe Ditschland - ohni de (franzeeschsprochigi) Gejend vun Belfort aww'r mét'm greescht Teil vun de Moselle inklusive de Höiptort Metz: "Reichsland Elsass-Lothringen".
  • 1911 (31. Mai) : de Verfassung vum - jetz autonomer rejierte Elsass-Lothringe wurd ém Lànddaa àng'numme.
  • 1915 : Bluetischi Käempf um de Felseheh' vum Hartmannswillerkopf (frz.: Vieil Armand) 17 km vun Milhüse un uff'm Lingekopf frz.: Col du Linge iww'r Menscht'r - hit "monument national".
  • 1919 : 'S Elsass kummt's mét d'r Ratifikation vum Versailler Vertraa widd'r züe Frànkrich.
  • 1920er : Ém Elsass wurd de autonomistischi Bewejung un Parteie émm'r stärik'r - m'r wéll nit v'rliere f'r wàs m'r z'r ditschi Zit so làng gekäempft het.
  • 1940-1944 : nooch de "drôle de guerre", de frànzeesch Waffestillstand un de ditsch Besetzung, wurd's Elsass "de facto" vum "Dritte" Reich annektiirt un kummt widd'r züe Ditschland.
  • 1944 : de frànzeeschi Truppe vum General Leclerc b'fréie Strosburi àm 23. Novamb'r, die vum General de Lattre Milhüse àm 21. Novamb'r, während de Amerikan'r v'rsueche ém Norde de ditsch Gejeoffensive (Opération Nordwind) uffzehàlte. 'S Elsass kummt wédd'r züe Frànkrich.

Wértschàft[ändere | Quälltäxt bearbeite]

Mét sine Èxport stéht s Èlsass uf em Platz àins vu Frankrich un es ésch oi am màiste fér Üslandinvestitione gèffnet.

Fémfedrissig Brozànt vu de Undernàmme hàn e Bedàiligung üs em Üsland, vor allem üs Ditschland, de Schwiz, de USA, Japan un Skandinavie. Ém Johr 2002 hat Ditschland 38,5 Brozànt vu de Import vum Èlsass üsgmacht.

Mét drài Brozànt hat s Èlsass di sèchstgréschti Bedàiligung am Bruttoénlandbrodukt vu Frankrich, sàll légt bi 26.196 Èiro bro Iwohner.

Wàge de Konjunktur én Ditschland én de Johr 2002 un 2003 ésch d sunst rèlativ diefe Arwetslosigkàit agstige, dènn d'Wértschaft hàngt séhr vu dère vu Ditschland ab. Friehner hat d Industrikrise e Broblém fér s Èlsass dargstèllt, vor allem én de Berich Tèkschtilie un Mine.

Èrschter Sèktor[ändere | Quälltäxt bearbeite]

S Wiboigebiet vu Kàisersbàrg üs

Ém èrschte Sèktor sén s Wiboigebiet, der Aboi vu Hopfe, Tabak, Mais und d'Bierbraierei wéchtig. D Wàlder wère oi landwértschaftlig gnutzt. Ém Norde (Merkwiller-Pechelbronn) un ém Side ésch oi Bènzin gwunne wore un der Gwénn vu Kaliumcarbonat (bis 2004) hat s sognànnt „bassin potassique“ (Kaliumcarbonat-Bècke) bràgt.

Zwàiter Sèktor[ändere | Quälltäxt bearbeite]

Mét de Tekschtilindustri, wu ganzi Dàler bschàftigt, awer én der Méttle vum 20. Johrhundert nochglo hat un jètz vor allem noch durch Industribrache bràsànt ésch, de Dransportunternàmme (Peugeot, Citroën, Lohr, De Dietrich, Bugatti), em Fèrnmàldewàse un der Mèchanik ésch der zwàit Sèktor ém Èlsass verwurzelt. Dank siner Lag am Rhi hat's ém Èlsass zwài große Hàfe, nàmlig én Stroßburg un én Milhüse; sé sén zwài wéchtige logistésche Stitzpunkt. Milhüse mét de Tekschtil-, Automobil- und chemésche Industri wérd oi s „Manchester vu Frankrich“ gnànnt, es briicht awer héte dréngend e Umstèllung zum Wèttbewèrbsfàhig bliwe.

Drétter Sèktor[ändere | Quälltäxt bearbeite]

Zu de wéchtigste Branche ém drétte Sèktor ghére d Biotèchnologi, wu én Stroßburg vor allem mét der Association Alsace Biovalley und der IRCAD bràsànt ésch. Oi d pharmazeutésche Industri ésch konzentriert séch um Stroßburg. Mét der PSA én Saushàim un Montbéliard ésch oi d Automobilindustri verdràtte. Én Zàwere ésch d PFT Extrusion, e Kunschtstofftèchnik-Undernàmme, asàssig. Zudèm gét's vil Banke un Versécherunge (Crédit Mutuel, Crédit Industriel d'Alsace-Lorraine, Comptoir national d'escompte de Mulhouse).

Städt[ändere | Quälltäxt bearbeite]

Die Städt Strossburi, Milhüse un Colmar leien im Elsass.

De greeschti Stäedt vum Elsass (meh àls 10 000 Inwohner im Johr 1999) sind:

  • Strosburi (dt.: Straßburg, frz. Strasbourg) (264 115 Inwohner)
  • Milhüsa (dt.: Mülhausen (Elsass), frz. Mulhouse) (110 359 Inwohner)
  • Còlmer (offz.: Colmar) (65 136 Inwohner)
  • Hawenau (sidlich devun (alemannisch): Höjenöi) (dt.: Hagenau, frz.:Haguenau) (32 242 Inwohner)
  • Schilike (30 841 Inwohner) (offz.: Schiltigheim)
  • Illkirich-Graffestade (frz.: Illkirch-Graffenstaden) (23 815 Inwohner)
  • Sankt Ludwig (frz.: Saint-Louis) (19 961 Inwohner)
  • Schlettstàdt (frz.: Sélestat) (17 000 Inwohner)
  • Gawill'r (dt.: Gebweiler, frz.: Guebwiller) (11 525 Inwohner)
  • Sawere (dt.: Zabern, frz.: Saverne) (11 201 Inwohner)

Derfer of em Netz[ändere | Quälltäxt bearbeite]

  • Sultzbach (frz. Soultzbach-les-Bains ) (651 Inwoh'r 2008)
  • Biese (frz. Biesheim ) ( 2300 Inwoh'r)

Démografi[ändere | Quälltäxt bearbeite]

Der gréscht Dàil vu der Bevèlkerung vum Èlsass wohnt én der Stèdt Stroßburg, Milhüse un Kolmer un éhrer Umgéwung, awer oi d'Agglomeratione vu Basel, Friburg im Brisgai un Karlsrüe iewe e Ifluss üs. Wàge dàm ésch s Èlsass (abgséh vum Nordwèste vum Bas-Rhin un de Gépfel vu de Vogése) zémlig décht bsidelt; d'Iwohnerzahl ésch 2006 bi 1.817.000 un 1999 bi 1'734'145 glàge. Bis uf d Zit vu de bàide Wàltkrieg ésch d'Bevèlkerig stétig agstige, was zum Dàil oi an der Immigration glàge ésch, un sàlle Èntwécklung hat séch am Ànd vum 20. Johrhundert noch verstèrkt. Mét ere Bevèlkerungsdéchte vu 209 Iwohner pro Quadratkilométer hat s Èlsass d drétthéchste Bevèlkerungsdéchte vu Frankrich.

Johr Bevèlkerung am 1. Jànner
Département
Bas-Rhin
Département
Haut-Rhin
Gsamts Èlsass
1801 450.238 303.773 754.011
1851 608.000 437.000 1.045.069
1901 659.432 495.209 1.154.641
1936 711.830 507.551 1.219.381
1946 673.281 471.705 1.144986
1968 827.000 585.000 1.412.385
1982 915 676 650 372 1 566048
1990 952.158 670.652 1.622.810
1999 1.025.033 707.555 1.732.588
2006 740.000 (gschàtzt) 1.817.000
Johr Département
Bas-Rhin
Département
Haut-Rhin
Gsamts Èlsass

Noch de Schàtzunge vu der INSEE stigt d Bevèlkerung zwésche 1999 und 2030 um 12,9 bis 19,5 Brozànt uf èbbene zwài Millione Iwohner.

D erwèrbsdètige Pèrsone konzentriere séch bsunders um d drài gnànnte Großstèdt, sàlle éhre Izugsgebiet déhne séch allewil witer üs.

B'riehmti Elsass'r[ändere | Quälltäxt bearbeite]

Lüej öi[ändere | Quälltäxt bearbeite]

 Portal:Elsass

Literatür[ändere | Quälltäxt bearbeite]

  • Das Elsass. Ein literarischer Reisebegleiter, 251 S., mehrere Abb., Insel Verlag, Frankfurt a. M. 2001, ISBN 3-458-34446-2 − Elsässische Impressionen von fünfzig Schriftsteller/-innen aus fünf Jahrhunderten
  • Assall, Paul: Juden im Elsass, 252 S., zahlr. s/w-Abb. Rio, Zürich, ISBN 3-907668-00-6
  • Erbe, Michael (Hrsg.): Das Elsass. Historische Landschaft im Wandel der Zeiten, Ill., Kohlhammer, Stuttgart 2002, ISBN 3-17-015771-X
  • Faber, Gustav: Elsass. Artemis-Cicerone Kunst- und Reiseführer, München 1989
  • Gerson, Daniel: Die Kehrseite der Emanzipation in Frankreich. Judenfeindschaft im Elsass 1778 bis 1848, 332 S. Klartext, Essen 2006, ISBN 3-89861-408-5
  • Haeberlin, Marc: Elsass, meine große Liebe, 279 S., zahlr. Farbfotos. Orselina, La Tavola 2004, ISBN 3-909909-08-6
  • Hartweg, Frédéric: Das Elsaß. Stein des Anstoßes und Prüfstein der deutsch-französischen Beziehungen in: Robert Picht u.a. Hg.: Fremde Freunde. Deutsche und Franzosen vor dem 21. Jahrhundert Piper, München 2002, ISBN 3-492-03956-1, S. 62–68
  • Herden, Ralf Bernd: Straßburgs Belagerung 1870, BoD, Norderstedt 2007, 198 S., ISBN 978-3-8334-5147-8, mit zeitgenössischen Bildern und Anekdoten um das Elsaß und seine wechselvolle Geschichte
  • Mehling, Marianne (Hg.): Knaurs Kulturführer in Farbe Elsaß, 259 S., überw. ill. Droemer Knaur, München 1984
  • Schreiber, Hermann: Das Elsaß und seine Geschichte, eine Kulturlandschaft im Spannungsfeld zweier Völker, 358 S., ill. Weltbild, Augsburg 1996
  • Ungerer, Tomi (2004): Elsass. Das offene Herz Europas, DNA, 48 S., 40 farb. Abb. Édition La Nuée Bleue, Straßburg, ISBN 2-7165-0618-3
  • Ungerer, Tomi / Brison, Danièle / Schneider, Tony: Die elsässische Küche. 60 Rezepte aus der Weinstube L'Arsenal, ill. von Tomi Ungerer, 120 S., 60 Abb., gebunden. Édition DNA, Straßburg 1994, ISBN 2-7165-0341-9
  • Vogler, Bernard & Lersch, Hermann: Das Elsass, 127 S., 240 meist farb. Abb., Éditions Ouest-France, Morstadt 2000, ISBN 3-88571-260-1

'S Elsass ém Netz[ändere | Quälltäxt bearbeite]

 Allmänd (Commons): Elsass – Sammlig vo witere Multimediadateie


Bandera francesa Adminischtràtivi Regione vun Frànkrich Bandera francesa

France métropolitaine : Flag of Aquitaine.svg Aquitanie • Flag of Auvergne.svg Auvergne • Flag of Brittany (Gwenn ha du).svg Bretagne • Flag of Bourgogne.svg Burgund • Flag of Centre (France).svg Centre • Flag of Champagne-Ardenne.svg Champagne-Ardenne • Flag of Corsica.svg Corsica •
Flag of Alsace (historical).svg Elsass • Franche-Comté.svg Freigrafschàft • Flag of Île-de-France.svg Île-de-France • Flag of Languedoc-Roussillon.svg Languedoc-Roussillon • Flag of Limousin.svg Limousin • Flag of Lorraine.svg Lothringe • Midi-Pyrénées flag.svg Mittleri Pyrenee •
Flag of Flemish Region (De Vlaamse Leeuw).svg Nord-Pas-de-Calais • Haute-Normandie flag.svg Oberi Normandii • Flag of Basse-Normandie.svg Unteri Normandii •
Flag of Pays-de-la-Loire.svg Pays de la Loire • Flag of Picardie.svg Picardi • Poitou-Charentes flag.svg Poitou-Charentes • Arms of the French Region of Provence-Alpes-Côte d'Azur.svg Provence-Alpes-Côte d'Azur • Flag of Rhône-Alpes.svg Rhône-Alpes

Iww´rseeregione : Flag of Guadeloupe (local) variant.svg Guadeloupe • Blason de la Guyane.svg Guyane • Flag of Martinique.svg Martinique •Coat of Mayotte.png Mayotte •Blason Réunion DOM.svg Réunion