Franche-Comté

Franche-Comté

Basisdate
Verwaltigssitz	Besançon
Präsident vom Regionalrot	Marie-Marguerite Dufay PS
Bevölkerig  – gsamt 2007  – Dichti	1158671 Iiwohner {{{Dichte}}} Iiwohner/km2
Flechi  – gsamt  – Adeil an Frankriich:	16202 km² 2,5 %
Département	4
Arrondissement	9
Kantön	116
Gmeinde	1.785
ISO 3166-2-Code	FR-I

D Franche-Comté (dütsch: Freigrafschaft) isch eini vo de 26 Regione vo Frankriich. Zu de Freigrafschaft, wo ihre Name vo de ehemolige Freigrafschaft Burgund het, ghöret di Departement Doubs (25), Jura (39), Haute-Saône (70) und Territoire de Belfort (90). Im 1999i het d Franche-Comté öppe 1,1 Mio Iiwohner gha.

Geographii

D Freigrafschaft gränzt an d Schwiiz, s Elsass, Lothringe, Champagne-Ardenne, Burgund und Rhône-Alpes. Im Norde ghöred Deil vo de Vogese zur Franche-Comté, im Oschte vom vom Jura. De höchschti Punkt vo de Region ligt uf em Crêt Pela mit 1495 Meter im Departement Jura. Di wichtigschte Flüss sind d Saône, de Doubs und de Ain. Öppe 43 % vo de Region sind bewaldet, dadermit isch d Freigrafschaft di waldriichschti Region vo Frankriich. Uf de andere Site isch d Franche-Comté ehnder dünn bsidlet. S het numme öppe 70 Iiwohner pro Quadratkilometer.

Di gröschte Schtädt vo de Freigrafschaft sind Besançon, Belfort, Mömpelgard, Dole und Pontarlier.