Zwiebelwähe

Us der alemannische Wikipedia, der freie Dialäkt-Enzyklopedy
Hops zue: Navigation, Suech
E Ziibelewaije
Dialäkt: Baseldütsch
Quiche lorraine, dr lothringisch Schbäckchueche

D Ziibelewaje isch eins vo de draditionelle Basler Fasnachtsgricht und as Zibelechueche wird si z Bärn währed em Zibelemärit as Oobenässe gserviert. Si wird aber au im Räschd vo dr alemannische Schwiiz, z Bade-Württebärg und im Schwoobeland gässe. Am Kaiserstuehl ischs Zibelekuachä un im Elsass isch si as Quiche odr Quiche alsacienne bekannt.

Es isch ä Chueche us erä dünne Underlag vo Wajedeig, wo mä, fiini Ziibeleschiibli und je noch Gebiet und Vorliebi Schbägg odr Luuch drufduet und mänggisch mit Chäs überbacht. Es isch am beschde d Ziibele vo Hand z schniide, wil, wenn si von erä Maschine gschnäzlet wärde dr Belag z matschig wird.

In de Wiibaugebiet isst mä sä bsundrigs hüfig währed dr Wiiläsi. Mä dringgt drzue Suuser odr ä drochene Wiisswii wien ä Riisling.

Rezäpt für vier Persone[ändere | Quälltäxt bearbeite]

Für ä Deig nimmt mä 200g Wiissmähl, ä halbe Teelöffel Salz und vermischd s, duet 80g Anke, Säufett odr Margarine drzue und verriibt s, bis dr Deig gliichmässig isch. 5 bis 6 Ässlöffel Wasser und 10g Hefi wärde drin verrüehrt, zum enä homogene Deig knätet und, zuedeggt, lot me s währed erä halbe Schdund lo ufgoh. Denn duet me s noch em Uusrolle ins iigfettete Bläch und verschdicht dr Bode mit erä Gable.

Für d Füllig nimmt män ä Ässlöffel Öl oder Säufett und duets erwerme in dr Pfanne, 100g Schbäckwürfeli wo mä drin brötlet bis si hellbruun si, und git denn 500g Ziibele drzue, wo in Schdreifli gschnitte si, dämpft s ganze, lot s lo abküehle und verdeilt s uf em Deig.

Für ä Guss nimmt mä 2 dl Rahm, 1 dl Milch, 2 Eier, 1 Teelöffel Salz und ä Bitz Pfäffer, vermischd alles und giesst s über d Füllig.

Mä bacht d Wäje währed erä halbe Schdund oder a Bitzeli meh im vorgheizte Ofe bi 220 Grad.

Veraschdaltige[ändere | Quälltäxt bearbeite]

  • D Basler Fasnacht, vor allem am Morgeschdraich wenn mä au Mählsuppe isst.
  • Dr Zibelemärit z Bärn
  • S Ziwwl-Fescht z Achere-Fautebach
  • S Wii- und Ziibelechuechefescht z Bretzfeld-Adolzfurt
  • S Esslinger Ziibelefescht
  • S Ziibelechuechefescht z Kerne-Rommelshuuse
  • S Ziibelechuechefescht z Vogtsburg-Bickesohl


Weblinks[ändere | Quälltäxt bearbeite]