Deutsch-Französischer Krieg

Dr Dütsch-Franzöösischi Chrieg
S pröissische 7. Kürassier-Regimänt grift die franzöösische Stellige in dr Schlacht von Mars-la-Tour am 16. August 1870 aa. Zitgenössischi Darstellig us Canadian Illustrated News, 19. Novämber 1870, vol.II, no. 21, 336.
Datum 19. Juli 1870–10. Mäi 1871 Ort Frankriich und Rhiipröisse Usgang Siig vo Pröisse und sine dütsche Verbündete Territoriali Ändrige Frankriich muess fast s ganze Elsass und e Däil vo Lothringe abdrätte Folge Dr Norddütschi Bund und drei süddütschi Staate schliesse sich zum Dütsche Riich zämme; Ändi vom Zwäite Käiserriich in Frankriich, Gründig vo dr Dritte Republik Friidensschluss Friide vo Frankfurt
Konfliktparteie
Dütsches Riich Köönigriich Bayre Köönigriich Württebärg Groossherzoogdum Baade	Frankriich
Befählshaber
Wilhelm I.	Napoleon III.
Truppesterki
300.000 am Aafang vom Chrieg (alles in allem mobilisiert: 1.400.000)	400.000 am Aafang vom Chrieg
Verlust
44.781 Dooti 89.732 Verwundeti	138.871 Dooti 143.000 Verwundeti 474.414 Gefangeni

Schlachten und Belagerungen des Deutsch-Französischen Krieges (1870–1871)

Weißenburg – Spichern – Wörth – Colombey – Straßburg – Toul – Mars-la-Tour – Gravelotte – Metz – Beaumont – Noisseville – Sedan – Sceaux – Chevilly – Bellevue – Artenay – Châtillon – Châteaudun – Le Bourget – Coulmiers – Amiens – Beaune-la-Rolande – Villepion – Loigny und Poupry – Orléans – Villiers – Beaugency – Hallue – Bapaume – Villersexel – Le Mans – Lisaine – Saint-Quentin – Buzenval – Paris – Belfort

Kleve Forstgarte Obelisk

Im Dütsch-Franzöösische Chrieg vo 1870–1871 (zitgenössisch au dr Sibziger Chrieg oder 70/71 gnennt) het s Kaiserriich Frankriich em Köönigriich Pröisse bzw. em Norddütsche Bund dr Chrieg erkläärt. Druf häi sich au die drei süddütsche Staate, wo no 1866 gege Pröisse kämpft häi, uf die pröissischi Site gstellt. Innerhalb von e baar Wuche si im Spootsummer 1870 die franzöösische Armeä besigt gsi und dr Käiser Napoléon III. isch gfange gnoo worde. Frankriich het denn aber as Republik dr Chrieg witergfüert und isch erst im Früelig 1871 zum Friidensschluss baraat gsi, nochdäm Baris vom 19. Septämber 1870 aa belaageret worden isch.

Em Chrieg säit mä z Frankriich und au im änglische Sproochruum dr Franzöösisch-Dütschi Chrieg (Guerre Franco-Allemande bzw. Franco-Prussian War), wil mä dört zerst dr Aagrifer und denn dr Aagriffeni nennt. Usglööst isch dr Chrieg worde wil sich Frankriich bi dr spanische Dronfolg iigmischt het und wäge dr Emser Depesche, wo drüber brichdet het.

Dr Chrieg isch dr dritt und letscht vo de Dütsche Einigungschrieg und het zur dütsche Riichsgründig gfüert, wo dr Bismarck aagsträbt het. D Niderlaag, d Käiserbroklamazioon z Versailles, d Reparazioone und d Iigliiderig vo Elsass-Lothringe ins Dütsche Riich het zum franzöösische Revanchismus gfüert.