Wikipedia:Stammtisch/Archiv 2013-2

Us der alemannische Wikipedia, der freie Dialäkt-Enzyklopedy
Hops zue: Navigation, Suech
IKBGasthof.jpg
Willkomme bim Wikipedia-Schtammtisch


Die Syte isch es Wikipedia-Forum für alles, was mit dr alemannische Wikipedia und em alemannische Schprochruum z’due hot! Do ka mer nuie Vorschläg macha und driber abschtimma.

» An neije Bytrag aafange «

Archivibersicht Archiv 2004 - 2005/1 - 2005/2 - 2006/1 - 2006/2 - 2007/1 - 2007/2 - 2008/1 - 2008/2
2009/1 - 2009/2 - 2010/1 - 2010/2 - 2011/1 - 2011/2 - 2012/1 - 2012/2 - 2013/1 - 2013/2 - 2014/1 - 2014/2 - 2015/1 - 2015/2 - 2016/1 - 2016/2


(Alemannische) Wikipedia[Quälltäxt bearbeite]

Mir isch ufgfalle, dass z.B. bi de pälzische Wikipedia im Tab vo mim Browser eifach "Wikipedia" steit, hiir aber "Houptsyte - Alemannische Wikipedia". Ich geb's zue, letzschtendlich isch es e Chlinigkeit, aber ich finde eifach numme "Wikipedia" tönt "seriöser" oder wi me das hüt mengisch sait "uf Augehöchi" mit de andere Wikipedie. Was meinet ihr? Sette mir das ändere? UNd wenn ja, cha das en Bürokrat oder wer? --Badener (Diskussion) 11:08, 24. Jun. 2013 (MESZ)

Luschtig isch jo, dass i uf dr Bairische letschti gfrogt wore bii, eb i s dert au eso cha mache wie do un jetz hän si au "Boarische Wikipedia" din stoo. Des "Alemannischi Wikipedia" stoht do, zum des go ändere mueß mer Admin syy, kai Bürokrat (e Bürokrat cha nume Rächt vergee un zem Dail wider furtnee, suscht nyt). Mir persenlig gfallt des aber mit däm "Alemannisch". Het e bitzli ebis vu 'Alleinstellungmerkmal' und 'Markenimage'. --Holder (Diskussion) 12:17, 24. Jun. 2013 (MESZ)
Dann lueg ich jetzt nöd, wo oder wii ich das chönnt ändere, sondern wart emoal, was di andere meine ;-) --Badener (Diskussion) 14:24, 24. Jun. 2013 (MESZ)
Me chas jo emole ändere und luege öbs näber merkt. Zruggmache chamers jo alewiil wider. --al-Qamar (Diskussion) 19:25, 24. Jun. 2013 (MESZ)
Ich hätt’s etz eender äso la sii, wiäs isch. Ä chliine Blick uf anderi Hoiptsiite zäigt, ass miär nid diä äinzige sind, wo das im Titel oder grad druifabbä agänd. Biischpil: Diä uf finnisch, kroatisch, latiinisch, pennsylfaanisch, ripuarisch und uf Zazaki. Ich cha mer vorschtellä, ass epper chennti dankbar sii, wenn är zuäfellig uf diä Siite chunnd und grad gseed, won är glanded isch. Miär wurds ämel uf däre oder däre Siite äso gaa. Diä da schiind d Bezäichnig im Logo dinnä z ha. Und bi däre han ich äinisch miässe ä chli lenger luäge, bis ich si ha chenne häituä. – Aber bsundrig wichtig isch diä ganz Sach oi wider nid. --B.A.Enz (Diskussion) 20:04, 24. Jun. 2013 (MESZ)
@al-Qamar: immerhin het s jo mol eber gmerkt, ass es des do git :-) Wämer des lesche un glych mache wie fascht alli andere, cha niemerem me ebis uffalle ...
@B.A.Enz: ich glaub, dr Badener het nit gmait, dass do Wikipedia stoht sundern "Alemannische Wikipedia" (ganz, ganz obe im Browser stoht dr Sytename en derno "Alemannische Wikipedia" un des het s in däne vu Dir ufzellte Wikipedie nit, dert stoht gan z obe nume "Wikipedia" (wie s au immer gschribe wird in sällene Sproche).
--Holder (Diskussion) 20:48, 24. Jun. 2013 (MESZ)
Jäsoo... --B.A.Enz (Diskussion) 22:03, 24. Jun. 2013 (MESZ)
Also i schätze da, as döt obe scho klar isch, i wellere Wiki as dä Artikel isch. Hani mehreri Fänster offe, oder suechi i de Chronik vo mine chürzlich aagluegte Internetsyte, so wird schnäll klar, um weli Sproochwärsion as es sich handlet. Gruess --Schofför (Diskussion) 23:27, 24. Jun. 2013 (MESZ)
Äh, un was haißt des jetz? Bisch Du derfir, dass mer des "Alemannisch" lesche oder isch s Dir glych? --Holder (Diskussion) 06:41, 25. Jun. 2013 (MESZ)
Wäni öpis schätze, dänn findis guet. Söll haisse, asi das guet finde, wänn döt obe «Alemanische Wikipedia» stoot. Bi drumm nöd för es Lösche vo däm Zuesatz. --Schofför (Diskussion) 23:46, 25. Jun. 2013 (MESZ)
No isch jo guet. Ich bii mer nit ganz sicher gsii, wel "Ich schätz" cha ebe zwaierlai haiße (zmindescht i mym Dialäkt): "Ich glaub" un "Ich find guet". --Holder (Diskussion) 08:05, 26. Jun. 2013 (MESZ)

Damit au ne jede waiß, um was es gnau goht, haan i mol Screenshot gmacht im Artikel Kirrzl (mit Firefox). --Holder (Diskussion) 08:48, 25. Jun. 2013 (MESZ)

Alemannische Wp-Titel-Browser.jpg

I wurds lieber lo sy - me darf sich durchuss au abgränze und zu Aigehaite stoo! --Dr Umschattig red mit mir 17:06, 28. Jun. 2013 (MESZ)


10 Johr Alemannischi Wikipedia[Quälltäxt bearbeite]

Sali mitenander,

im Novämber wird di Alemannisch Wikipedia 10 Johr alt. Mir chennten is mol langsam iberlgee, was mir do zue däm Jubiläum mache. Ich haa mol e Projäktsyte aagfange zum Idee sammle.

--Holder (Diskussion) 11:29, 1. Jul. 2013 (MESZ)

10 Johr Alemannischi Wikipedia 2[Quälltäxt bearbeite]

Salli Alemannè,

s isch zwar nu èn chlynè Schritt, abber mir sin übber d 14.800er Gränz kõ. Un des bi dem geilè Summerwetter. Nägschti Halteschtell : 15.000 On verra.

--fideli (Diskussion) 16:54, 5. Jul. 2013 (MESZ)

Ich glaub jetz nit, das mer des no vor dr Summerferine schaffe ... --Holder (Diskussion) 21:16, 5. Jul. 2013 (MESZ)
I schriib jetz nonemol öbbis zue däm Absatz, vielliicht werde dann meh Lüt übr ihri Beobachtigslischtene ufmerksam, was i dört vor drei Däg schon gschriibe ha. --Manuel Schneider(bla) (+/-) 17:12, 6. Sep. 2013 (MESZ)
Also do mein I: Wikipedia:10 Johr Alemannischi Wikipedia --Manuel Schneider(bla) (+/-) 17:13, 6. Sep. 2013 (MESZ)

Inaktive Administratoren[Quälltäxt bearbeite]

In Zukunft werden inaktive Administratoren ihre erweiterten Rechte verlieren, wenn sie zwei Jahre nicht aktiv waren. Dies ist das Ergebnis einer Diskussion auf meta.

  • Liste der Betroffenen auf alswiki

--Murma174 (Diskussion) 13:42, 16. Jul. 2013 (MESZ)

Hallo Murma174, vielen Dank für die Info. Die Projekte als.wiktionary.org und als.wikibooks.org sind seit vier Jahren geschlossen, von daher ist es nicht weiters schlimm, wenn der letzte Admin von damals nun auch die Rechte verliert. --Holder (Diskussion) 13:53, 16. Jul. 2013 (MESZ)

E Schwizerdytscher Isch gfragt[Quälltäxt bearbeite]

Mei Büachrschrank isch graoß. Francois de Capitani, wer könnt des macha. En Schwizerdytsch, weil r in Bern als Historiker am Mueseum gärbat hot. Die dnb-Liste ben i grad am nacha. Bussakendle (Diskussion) 20:26, 17. Jul. 2013 (MESZ)

Bärndütsch chani nid guet. Aber schrybe müesst me de Name so: François de Capitani (1950–2012), en Schwizer Historiker. Historiker François de Capitani verstorben, Artikel i de Bärner Zytig vom 11. Jänner 2013 Gruess --Schofför (Diskussion) 01:17, 18. Jul. 2013 (MESZ)
Hochdytschi Vorlag jetz unter Benutzer:Bussakendle/François de Capitani. --Holder (Diskussion) 15:23, 18. Jul. 2013 (MESZ)
En Aafang vo de Übersezig isch jetzt under François de Capitani z finde. Me chan witermache . . . Gruess--Schofför (Diskussion) 11:16, 19. Jul. 2013 (MESZ)

Chääs?[Quälltäxt bearbeite]

Guäd Tag midenand. Ufä aktuelli Hindergrund muäss ich hiä nid neecher igaa, aber kennd epper (hoiptsächlich us dr Innerschwiiz, wo si schiinds vorchääm) d Redewendig «mid Chäs verschiässä»? — Scheenä Dank, --B.A.Enz (Diskussion) 21:07, 16. Aug. 2013 (MESZ)

Ich ha gsee, ass dr Freigut underdessä hiä uf dr diitschsprachige Wikipedia än Antwort ggä hed. Beschtä Dank --B.A.Enz (Diskussion) 15:42, 21. Aug. 2013 (MESZ)

Houptsyte[Quälltäxt bearbeite]

Ich haa mol uf Wikipedia:Houptsyte (Test) e Tescht fir en Ergänzig vu dr Houptsyte gmacht un zwar haan i wie uf dr Bairische Wikipedia oben e baar Bildli yygfiegt. Was halten Ihr dodervu? Natyrli chennt mer do au anderi Bilder nee, s sotten aber nit mee wie vier syy.

Dr Titel vu däre Syte wird no aazaigt, des isch e Brobläm vu dr Teschtsyte, uf dr richtige Houptsyte wär des nit eso. Un s git die Teschtsyte au numen uf Schwyzerdütsch.

--Holder (Diskussion) 10:00, 4. Sep. 2013 (MESZ)

Also mir gfallt de Vorschlag. D Bilder sind guet gwählt. --Schofför (Diskussion) 17:23, 9. Sep. 2013 (MESZ)
Gseed guäd uis – und wiä fliissig settid diä Bildli uistuischd wärdä? Oder bliibid diä? (S Bildli us dr Schwiiz isch ä chli glischeehaft, Eeschtriich und s Siidtirol fälid.) --B.A.Enz (Diskussion) 17:59, 9. Sep. 2013 (MESZ)
D Bilder ab un zue uusdusche isch e gueti Idee, no wär s Matterhorn au wider ewäg (ich find s au ne weng klischeehaft, haa aber dert grad kai Rue ghaa zum anderi Bildli sueche). Uf dr Bairische hän si zum Byschpel an dr Oschtere Oschterbildli drydue, mer chennt au suscht uf aktuälli Sache yygoo, z. B. s Zürcher Chnabeschüüsse, dr Bärner Zibelemärit, d Friburger Mäss, dr Cannstadter Wase oder au d Art Basel, d Streetparade usw. E Bild us Vorarlberg chennt mer uf jede Fall no dryynee, au ebis vu dr Sidwalser, aber wieso Südtirol?
--Holder (Diskussion) 18:36, 9. Sep. 2013 (MESZ)
Güeta Idee! Un nìt numma àltmeedischa Bìlder (wia unsera ewiga Fàchwarkhiiser oder Elsasser ìm Tràcht), àwer aui moderna Bìlder; so ìsch's prima. --MireilleLibmann (Diskussion) 21:25, 9. Sep. 2013 (MESZ)
Gsiet guet uus, doch wööru druff luege, as nu ai Landschafts-/Ortsbildli dine isch. Astell vom Matterhorn chönnt mer e Bild us de Forschig oder Sport oder Musigszene nee. Me chönnt sich öberlege, öb nöd ais Bildli fliissiger uusgwechslet werd miteme aktuelle Thema, wo irgedwie au e Bizüchig zom alemannische Ruum hett. Laider isch mini Zitt grad knapp; dezue chunnt no, as i mi Amelde cha und s passiert nünt. Het nebert anders da Probleem au? Die Programmierer vo de Wikipedia wönd ales immer aifacher mache und d Folg isch as nünt me richtig funktioniert. Deföör fönds jetzen aa üüs mit herzig-infantile Mannsgöggeli bilästige. Süüfz. --al-Qamar (Diskussion) 12:36, 12. Sep. 2013 (MESZ)
Brobläm mit dr Aamäldig het s zurzyt bi fascht allne, si seie aber draa ... --Holder (Diskussion) 13:08, 12. Sep. 2013 (MESZ)
Ich haa dr Vorschlag jetz emol umgsetzt. Anderi Bildli cha mer jetz jo aafange sammle. --Holder (Diskussion) 06:56, 16. Sep. 2013 (MESZ)
Diä niiwä Bildli gfallid mer guäd. Ä glungni Sach! --B.A.Enz (Diskussion) 18:33, 26. Sep. 2013 (MESZ)
Ich haa mit däne Bilder au immer en Artikel verlinkt, laider git s (no) kaini Artikel zue Herbst, Weinlese oder Erntedankfest. --Holder (Diskussion) 19:07, 26. Sep. 2013 (MESZ)
D Bilder sin jetz uusglageret in e extra Vorlag. --Holder (Diskussion) 18:28, 2. Okt. 2013 (MESZ)

Facebook[Quälltäxt bearbeite]

Hoi zämme,

die alemannisch Wikipedia hät jo ä Facebook-FanPage mit 190 Likes. Hät's eigentlech die Überlegig ou scho gä, bi dä Artikel drunter es Like- und Send-Knöpfli z platziere? Und uf dr Houptsyte unte evtl. d FanPage z verlinke? --188.105.216.14 12:38, 14. Sep. 2013 (MESZ)

Hoi.
Jo, mir hän des scho mol diskutiert ghaa, aber s het glaub nieme gwisst, wie mer des tächnisch cha umsetze in dr Wikipedia ...
LG, --Holder (Diskussion) 14:03, 15. Sep. 2013 (MESZ)

Züüri[Quälltäxt bearbeite]

Sali mitenand, ihr sind wie immer herzlich iiglade am Träffe, und au am Vorprogramm. Mir gönd s'Theatermuseum Stok go alueg. Das isch so es Museum won ihr nume als Gruppe ine chömed, drum chas länger go bis ihr wieder en Glägeheit händ. De Itrit wird übrigens vom WMCH gsponsoret. Liebi Grüss --Horgner (Diskussion) 12:17, 16. Sep. 2013 (MESZ)

Vortrag zue Dialäktwikipedie[Quälltäxt bearbeite]

Grad gfunde:

Vor zwaiehalb Johr het s z Prag e Konferänz gee mit em Titel ,PRAGESTT‘ – Die erste internationale Studierenden-Tagung in Prag (Karls-Universität, 11.–12. März 2011).

Dert het e Petr Píša vu Prag e Vortrag ghalte mit däm Inhalt:

„Dat friee Nokieksel“ Dialektale und regionale Wikipedias aus dem mitteleuropäischen Raum soziolinguistisch betrachtet
Jeder benutzt sie, fast kein Student wagt es, sie als Quelle anzugeben. Wikipedia, die freiwillige Internetenzyklopädie, die mittlerweile in 268 Sprachformen läuft. Wie kann man aus dem soziolinguistischen Standpunkt die Tatsache bewerten, dass sich darunter auch Wikipedias auf Bairisch, Alemannisch, Ripuarisch, Pfälzisch und Niederdeutsch befinden? Welche sprachpolitische Maßnahmen sind bei dem Prozess um Errichtung einer neuen Wikipedia zu beobachten? Kann Wikipedia als ein Mittel zum Sprachausbau betrachtet werden? Wiederholt sich hier ein Prozess, den wir im mitteleuropäischen Raum aus den nationalen Bewegungen des 19. Jahrhunderts kennen?

Laider haan i zue däm Vortrag nyt Gnauers gfunde. Villicht findet eber mit Tschechisch-Chänntnis meh ...

--Holder (Diskussion) 12:32, 16. Sep. 2013 (MESZ)

Stammtisch Lörrach[Quälltäxt bearbeite]

Dräffe vu dr Alemannische Wikipedia zum 10-jehrige Jubiläum[Quälltäxt bearbeite]

Sali mitenander.

Wie Ihr alli wisse, wird di Alemannisch Wikipedia 10 Johr alt am 13. Novämber. Schen wär s natyrli, wämer e Dräffe chennte mache zum Fyyre :-) .

Dr 80686 un ich hän vor churzem delifoniert fir e wyteri Organisation vum Jubiläum (Pressemidailig usw.) un hän beedi gmaint, am aifachschte wär, wämer des Dräffe uf dr WikiCon mache. Des isch e groß Dräffe vu Wikipedianer vu Dytschland, dr Schwyz un Eschtrych, wu alljohr stattfindet. Desjohr isch die Wikicon z Karlsrue un findet vum 22. bis zum 24. Novämber statt, luege de:Wikipedia:WikiCon 2013.

Dr Vordail wär, dass dert scho alles organisiert isch, Ibernachtig, Ryym, Ässe usw. Do chennte mer aifach anegoh un is z. B. am Samschtigzoobe zämmehocke un fyyre.

Ich halt uf dr WikiCon e Vortrag iber "10 Johr Alemannischi Wikipedia" un due au ne Workshop vu Wikipedia in chlaine Sproche organisiere.

Was maine Ihr doderzue? Wär des ebis fir Eich oder het eber e andere Vorschlag?

--Holder (Diskussion) 06:38, 17. Sep. 2013 (MESZ)

Din Vorschlag isch nit schlècht, quasi qudratisch, praktisch, guèt. An Samschtigobed wäred mo denn abber unter üüs, odder ? Mo muè jo efangè schu uffbassè, dass mo z Karlsruè nit unter Schnellschwätzer kunnt. Sell wär gruusig. Zu dim Vordrag müèsst mo jo fascht èn Hugo ( Sekt + Holder(blüètèsyrup) ) offeryrè :-)) Im Èrnscht, s freut mi, desell kennèzleerè, wo amed dè Güsel us minè Artikel zämmewüschè duèt. Usserdem goots i di badischi Hauptschtadt, wenn mo de Sing-Sang im badischè Mittel- un Unterland mengmol è chly weng uff dè Sack goot.
--fideli (Diskussion) 13:50, 17. Sep. 2013 (MESZ)

Zue der Fröj, wii diräkt àn mich gstellt wore-n-isch: Ja. ;-) --Stephele (Diskussion) 07:22, 14. Okt. 2013 (MESZ)

Et ce sera tout? Numme dée vier? Sin mir nét "sym-badisch" gnue, fr ass öi de Al-quamar noch emol én de (zugegeben, irgendwo) gruusig badisch Höiptstàdt kummt (un zue sinr Wikipedia zeruck)? Odr Lit vun de Anfangszitte?--Stephele (Diskussion) 09:56, 6. Nov. 2013 (MEZ)

Jetz wart s halt emol ab, wär alles chunnt. Uf dr WikiCon het s gnue Lyt, wu zum Fyyre ufglait sin :-). --Holder (Diskussion) 10:01, 6. Nov. 2013 (MEZ)
Ich bin mir schon „Schwob“ genug - meh brüch-i do nit! ;-) Awwr gued, wenn Luxeburjr, Baiere(-Eeschtrichr), (echti) Nordditschi, àndri Rhinländr usw., usw. mét uns feiere welle, ésch diss nàdirli scheen! „Schwowwe“-Skeptiker aber drücken auf die Laune, oder?--Stephele (Diskussion) 13:14, 6. Nov. 2013 (MEZ)

Kategorie för Persone (Ort und Kanton)[Quälltäxt bearbeite]

Uf Grund vo däre Diskussion bringi da Thema emol do zur Sproch. Wie wärded Persone a de Kategorie vo Ortschafte oder Kantön (i de Schwiz) zuegordned? Gilt de Heimatort (Bürgerort) oder Geburtsort (Daheim oder im Spital) oder wo öper ufgwachse isch, wo die Person schaffed, wirkt oder aifach wohnt? Wa isch de Underschiid vo Kategorie:Aargauer und Kategorie:Person (Kanton Aargau)? Wänns en Underschiid git, so wöri maine, as das innere Iilaitig vo de jewilige Kategorii churz beschribe wärde möst, damit klar werd, weli Person as me wo söll «versorge». Gruess --Schofför (Diskussion) 10:02, 18. Sep. 2013 (MESZ)

Des Thema hämer do mol diskutiert ghaa. E Kategori "Aargauer" soll fir die Lyt syy, wu wirkli us em Aargau stamme, un d Kategori "Person (Aargau)" fir die, wu im Lauf vu ihrem Läbe halt e Zytlang im Aargau gläbt oder gschafft hän. Ich zum Byschpel bii ne "Person (Heidelberg)", e "Person (Stuegert)" un au ne "Person (Züri)" aber natyrli kai "Heidelberger", kai "Stuegerter" un au kai "Zürcher". Bi dr Schwyzer hämer s glaub eso praktiziert, dass es um dr Geburts- un Ufwachsort goht, dr Burgerort isch jo me ne Verwaltigssach, s soll jo Schwyzer gee, wu no nie sälber in ihrem Burgerort gsii sin ... --Holder (Diskussion) 10:48, 18. Sep. 2013 (MESZ)
Ich ha di Diskussion vo 2010 no einisch gläse und mach de Vorschlag, dass mir Kategorie wi Basler, Aargauer und dergliiche düent lösche, au wil es sehr subjektiv isch, wen me wo duet iiordne. Bi de Nationalität isch es eidütig (Schwiizer, Dütscher, ... oder beides oder drü, ...), bi de Region im Sinn vo ere (gfüehlte?) Zughörigkleit nöd. Ich det deshalb d Kategorie Person (Kanton), Person (Ort) bhalte und - wi gsait - di ander lösche. Iiverschtande? --Badener (Diskussion) 17:21, 19. Sep. 2013 (MESZ)
Au i ha d Diskussion vo damals noche gläse und mir drumm die Gedanke gmacht:
1. Es wär guet, wänn i däne Kategorie oder mindestens uf de "Hauptkategorie" (z.B. Kategorie:Schwiizer) e churzi Iilaitig z finde wär, wo klar macht, wär as do worum «kategorisiert» wird.
2. Zum Name vo däne Kategorie isch mini Mainig, as «Kategorie:Aargauer» besser passt, als «Kategorie:Person (Aargau)». Zweiteres tönt irgendwie so gstiift, aifach nöd alemannisch. Mir isch also lieber wämmer d Kategorie «Aargauer», «Bärner», «Sanggaller», «Bündner» usw. bhalted und die andere lösche wür. Oder isch da wäg de Neutralität vo de Gschlächter? E Aargaueri isch ken Aargauer - aber baidi sind e «Person (Aargau)». --Schofför (Diskussion) 22:58, 19. Sep. 2013 (MESZ)
Gschlechterfrog schtellt sich scho, mir hei si aber ni diskutiert. De Grund für d Kategori Person (Ort) isch ja - wi es in de Diskussion ja au z läse isch -, dass en Aargauer (gilt bi allne entsprechen) nöd s gliiche isch, wie öpper, wo im Aargau schafft oder schuscht in ere Art "wirkt". Klar, git's immer Lüt, wo das zämme chunnt, aber je mobiler d Gsellschaft wird, je schwiriger isch so-n-e zuordnig (ich ha das in dere alte Diskussion mit de Bischpiel vom Daniel de Roche und de Claudia Bandixen versuecht ufzeige). Wenn öpper de Kanton wächslet und lang wo anderscht läbt, dann cha er eigetlich numme sälber säge, welli (Selbst-)Bezeichnig für ihn duet schtimme. --Badener (Diskussion) 08:59, 20. Sep. 2013 (MESZ)
Ich fänd s guet, wämer die zwee Kategorietype ("Aargauer" und "Person (Aargau)" zämmefiere. Drotz ass sich fir mi "Aargauer" alemannischer aahert, bin i aber ainewäg fir d Form "Person (Argau)", vor allem, wänn "Aargauer" e Unterkategori vu "Schwiizer" isch, wel nit jede, wu mol im Aargau gläbt het, isch e Schwiizer.
D Frog vu dr Gschlächterneutralitet in unserem Kategoriesyschtem haan i scho lang emol welle thematisiere. Bi uns stoot z. B. d Angela Merkel unter dr Kategori "Dütsche", also unter ere männlige Form. Bi "Schwiizer" cha mer jo no aanee, s chennt d Pluralform syy, aber "Dütsche" isch halt kai Plural. Ai Lesig chennt syy, ass mer alli sonige Kategorie in e Pluralform umwandlet, e anderi Lesig wär, ass mer fir Fraue wybligi Forme yyfiere ("Schwiizeri", "Dütschi" usw.). Mir persenlig deete wybligi Forme besser gfalle.
--Holder (Diskussion) 10:42, 20. Sep. 2013 (MESZ)
Ich gseh's insofern gliich wi du, dass ich e wibliche Form guet fänd. Me chönnt ja die männlich und die wiblich Form jewils im Singular bruuche und die "national" Oberkategori de Plural. Aus zämmeführe vo Bärner und Person (Bärn) fänd ich guet, aber us de obe gnennte Gründ müesst's letzschteri Kategorie si und si het in de Kategorie Schwiizer nüd verlore. --Badener (Diskussion) 20:32, 20. Sep. 2013 (MESZ)
Do isch d Diskussion glaub sto blibe!? - Wil i en nöije Fall im Paul Zinsli gfunde han, würd i disbezüglich gärn emol Nägel mit Chöpf mache, damit me i Zuekunft Persone chan optimaler kategorisiere und dodemit au chan besser finde. Wil wäni noch bekannte Bündner sueche, so mösst je en Zinsli uf jede Fall uuftauche, au wänn er mee als d Hälfti vo sim Läbe z Bärn gläbt hät.
@ Badener: Chönsch du nöd emol bi zwei söttige Kategorie, wo me wür zämefüere, en Aafang mache, sodas me gsiet, wies mössti uusgsie? Danke und Gruess --Schofför (Diskussion) 08:56, 3. Nov. 2013 (MEZ)

Vorläsige an dr Uni Fryybeg[Quälltäxt bearbeite]

An dr Uni Fryybeg git s im WS 2013/14 e Vorläsig iber „Medienlinguistik der romanischen Sprachen“. Ai Thema isch unter anderem „Wikipedia in Dialekten und Minderheitensprachen“, luege do. --Holder (Diskussion) 09:18, 25. Sep. 2013 (MESZ)

The test Swabian Wikipedia[Quälltäxt bearbeite]

Hello! Sorry in advance for using English.

I am Wikimedia Incubator user. In this project we have the separate test wiki in Swabian German (here). The problem is that Swabian, obviously, is a part of Alemannic; moreover I see many pages on your wiki written in that dialect.

I want to propose to speak out on this issue. What's better: a) move Swabian content from alswiki to incubator (actually there's nothing wrong 'cause Swabian has its own ISO code) or b) leave Swabian content here as is and remove the similar one on incubatorwiki.

Thx in advance for your responses (you also may discuss it in this topic). Contact me if you'll [suddenly] need my help. Best regards, --Midnight Gambler (Diskussion) 16:18, 29. Sep. 2013 (MESZ)

Hi Midnight Gambler. Thank you for your note.
On Alemannic Wikipedia all articles in Swabian German are welcome as Swabian German is an Alemannic dialect. There are plenty of Swabian-speaking contributors on this project (the most active being Henri Berger). The main page is available ([Wikipedia:Houptsyte_%28Schw%C3%A4bisch%29|in Swabian]), and Swabian articles make it on the main page as "article of the week" roughly every 2-3 months. Of course we want to leave all Swabian content here.
There is an own ISO code but on the other hand one of the requisite for a separate Wikipedia is "The language must be sufficiently unique that it could not coexist on a more general wiki." I think there is no need for a separate project as the Swabian dialects are clearly coexisting on the Alemannic Wikipedia.
Kind regards. --Holder (Diskussion) 07:01, 30. Sep. 2013 (MESZ)
Ich hab das gleiche auch auf English im Incubator geschrieben, nochmal hier: incubator:Special:Prefixindex/Wp/swg/ sind die Seiten, die wir da auf Schwäbisch haben. Die davon hier verwendbaren Seiten kann ich euch gerne importieren, ansonsten würden wir das ganze dann für Bearbeitungen sperren, damit keine "Doppelstrukturen" für schwäbische Artikel entstehen. --MF-Warburg (Diskussion) 14:16, 2. Okt. 2013 (MESZ)

Diplomarbet an dr Uni Wien[Quälltäxt bearbeite]

In syre Diplomarbet Ein digitales Wörterbuch der 200 häufigsten Wörter der Wikipedia in ägyptischer Umgangssprache - Corpusbasierte Methoden zur lexikalischen Analyse nicht-standardisierter Sprache schrybt dr Omar Siam uf S. 39:

„2003 gab es eine Diskussion über die Zulässigkeit von „Dialekten“ als eigene Sprachvarianten. Grund dafür war die Anfrage des Elsässers Alexis Dufrenoy, ob man nicht eine elsässische Wikipedia aufmachen könnte. Jimmy Wales sagt keinen halben Tag später: Ja, so schnell als möglich. Die Wikipedia wurde noch im November gegründet, aber nachdem sie ein Jahr später immer noch sehr wenig enthielt, wurde sie als alemannische Wikipedia für westoberdeutsche Dialekte (Elsässisch, Schwyzerdütsch und andere) und Sprachen weitergeführt.“

--Holder (Diskussion) 07:08, 1. Okt. 2013 (MESZ)

Da isch doch DA historischi Eraignis wo mer fiired! Lit do irged näbe no d Originalkorrespondenz ume? --al-Qamar (Diskussion) 11:58, 1. Okt. 2013 (MESZ)
Lueg do. --Holder (Diskussion) 12:04, 1. Okt. 2013 (MESZ)


Uusstiig[Quälltäxt bearbeite]

Hoi zäme,

in den letzten Wochen stellte ich kleinere Unebenheiten bei meinem Wikipedia-Konto fest. Teilweise wurde das Einloggen erschwert, funktionierte nicht richtig oder ich wurde während dem Editieren herausgeworfen. Auf meine Frage in einer kleinen Gesprächsrunde wurde gesagt, dass diese Probleme auch bei anderen Benutzern auftreten würden. Gestern erhielt ich eine e-Mail von der Wikimedia mit folgendem Inhalt: ([1]) und ich wurde gezwungen mein Passwort zu ändern, weil offenbar mein Konto während vier Monaten zu wenig geschützt war und eine grössere Anzahl Personen Zugang zu meinem Passwort hatte. Ob ein Zusammenhang zwischen den beiden Begegebenheiten besteht, vermag ich nicht zu sagen.

Was mich aber vor allem stört, ist, dass Wikimedia meinen Account als Versuchskaninchen benutzte, ohne mich vorher anzufragen oder wenigstens zu informieren. Es ist mir zudem entschieden zu mühsam nun alle Wikipedien zurchzuprüfen, ob dort jemand unter meinem Pseudonym unflätige Einträge getätigt hat, erachte es auch nicht als meine Aufgabe.

Leider verspüre ich unter den gegebenen Umständen keinen Bedarf mehr, bei der Wikipedia mitzuarbeiten und möchte um Verständnis für diesen abrupten Ausstieg bitten.

Allen konstruktiven Mitarbeitern möchte ich ein herzliches Dankeschön aussprechen, ganz besonders Chlämens, Holder und Albärt.

Weiterhin viel Erfolg im Wikipedialeben und ganz besonders im echten Leben ohne Kompjuter wünscht euch --al-Qamar (Diskussion) 11:38, 4. Okt. 2013 (MESZ) (Stefan)

Sali al-Qamar, des find i seli schad, ass Du do uusstygsch. Dy Account isch im Ibrige nit missbrucht wore, des cha mer ganz aifach mit däm Tool nooluege. Ich winsch Dir uf jede Fall alles Guete un hoff, ass mer irgendwänn wider ebis vu Dir heere. --Holder (Diskussion) 13:44, 4. Okt. 2013 (MESZ)
??? Chum wider zrugg, al-Qamar! Dich bruuchts! --Freigut (Diskussion) 16:00, 4. Okt. 2013 (MESZ)
So trüürig. :-( --MireilleLibmann (Diskussion) 19:35, 4. Okt. 2013 (MESZ)
Mit däm Abgang gäng aber vil verloore för di alemannisch Wiki. I verstand jo de Ärger vom al-Qamar, aber i finds schaad, ases ke anderi Lösig git. --Schofför (Diskussion) 02:13, 5. Okt. 2013 (MESZ)
Das cha nid diis letschtä Woord sii...--B.A.Enz (Diskussion) 10:21, 5. Okt. 2013 (MESZ)
I schliaß-me de Kommendar vo meine Vorredner ôô! --Henri Berger (Diskussion) 11:14, 5. Okt. 2013 (MESZ)
...  :-O ...--Stephele (Diskussion) 21:36, 21. Nov. 2013 (MEZ) (Nooch 6 Woche kànn-i de Sproochlosikeit wenigschtens in Zeiche uemsetze...)

Frànkophon Schriib-nitwettbewerb[Quälltäxt bearbeite]

Àn de frànzeesch(sproochig) Wikipedia ésch öi gràd e Schriibaktion! - De (international !) „Monet vum Bidraa (mois international de la contribution)“. `S ésch nit so e nett`s Imädsch-Gschichtle wii bi uns, fr d´Ehr, `s ésch e großi Sàch mét effentlig-wirksàmi Vrànstaltunge un Undrstitzung vun Wikimedia Frànkrich. - Kleini Wikipedie: kleini Aktione - grossi Wikipedie...

Ich hàb gràd bim Statischtike-Recherchiire ém Inkubator de „Diwan“ (Keim uff Bretonisch) fr de Wikipedia uff Mapudungun gfunde - diss ésch de Sprooch vun de Mapuche-Indiaanr ze Chile un Argentinie. Dii sin jetz bi 353 Site, schiint`s. - Mir lewwe in e Walt, wo hundrti vun Sprooche vum Üssterwe, vum Vrschwinde bedroht sin - bsundrs selle, wii ken Traditione én de schriftlich Transmission hàn un so de Iwwrliiferung àbbricht - un de Wikipédiens vun de Frànkophonie bekimmere sich do druem, `s Frànzeesch én`s Internetzitàltr ze „rette“! Pàrdon fr de bitter Kommentar, `s sott de Wichtichkeit vun Contribs (nàdirlich) öi uff Frànzeesch nit schmälere, leigne, negiire - àwwr...

Nà - villicht steert de uff ihri Sprooch so stolzi Frànzeeschsprechr ja, ass de schwedischi Wikipedia dur véel Robotràrweit se jetz iwwrholt het!? E Teil vum „àwwr“ ésch, dass-i mich jetz schun fröj, wàs Wikimedia Frànkrich eigentlig fr de langues régionales vun Frànkrich (patrimoine de la nation lüt Vrfassung!) màcht! - Villicht màche se ja ebs, zemindescht wenn de Bretone odr Okzitane fröje (?) - àwwr ich weiß dodevun nix! Hàw-i ebs vrpasst?

Fàscht wii én d´Schuel: Zsàmme contribüiire ze Strosburi - French only (bien sûr)! - Ém Bild: letscht Johr.

De gànzi Sach ésch àwwr noch bessr - „perseenlichr“, wenn mr wott... : Strosburi ésch nit nume én de Lischt vun Orte uff de Walt, wo ebs organisiirt ésch fr zsàmme, effentlich Bidrää ze schàffe - `s ésch de einzigscht Ort, wii zwei mol uff de Lischt ésch(!!), wo`s zwei Vranstaltunge gibt - nit Bàriss, nit Montréal, nit Brüssel! - C´est un haut lieu de la francophonie, Strasbourg! (Non non, ça va, ça va! Je n´y vois aucun mal!! - Pas là! En tout cas pas là...) De eini Aktion ésch hit - én däm Rohme gibt`s ze Strosburi, schint`s, jetz schun e Zit làng „Wikipermanences“ - àlso e Art temporär „Büro“, wo sich Interessirti treffe kenne un Neii e Infehrung bikumme.

De Frànzose sin (typisch) nit so stàrik mét Treffe wii de Ditschi (un „Àrtverwandti“), un drbi ésch e „Stàmmtisch“ echt e essentiell Teil vun de Elsassr Kültür (un `s ésch do vun dr Beditung har gàr nit so eng, so „àngstammt“ wii én Ditschlànd - `s muess ken feschtr „Stàmm“ sin, wii sich trifft - e „Stamm“-thema làngt schun). Ich muess awwr - neidlos, àwwr doch mét e bissele Eifrsucht un perseenlich Fruscht - feschtstelle, dass de „Hase“ - un e pàar Wikipedischte üss`m Elsass - so ziimlich genöi diss organiséert hàn, wàs ich zittr Johre fr`s „Friehjohr“ én minem Kepfel mét mr eruemtraa! Un se hàn Plätzele dodefir gfunde, wo ich gàr nit druff kumme bén, wii öi nit mini erschti Wahl ware, wii àwwr ziimlich guet mini Bedingunge 'rfülle, fr mini Wénsch pàsse! - Nix dodevun fr`s Elsassisch, nàdiirli!

Hit biite se Raim un Netz àm-e Computrzentrum vun dr Fac (Uni) àn un noochhar (on est en France!) e Ze-n-owenasse un àm Dunnrschdaa welle se dr gànze Daa (10-17 Ühr) ém (beriehmte) Modern Kunschtmuseum (MAMCS) zsàmme schaffe:

  • Hit un jetz àn de „Soirée inter-projets“ ém Centre de culture numérique ésch`s Thema „Multi-projets (Wikimedia, OpenStreetMap, Archi-Strasbourg, etc.)“ mét`m Ziil, Aktivi vun de vrschiide Projekte zsàmmezebringe un éwwr de „bonnes pratiques“ ze rede. Nooch numme e hàlwi Stund Präsentation welle se zsàmme éwwr e Thema editiire un sich drbi gejesitich informiire. Nooch zwei Stunde dodevun geht`s én`s Resto(rant). Organisiire duet`s „StrasWeb“ un de fr.Wikipedianr Pierre Rudloff (de-1) un Psychoslave (de-0; slawisch ém iwwrige öi nix...) (Alemannisch Fehlanzeige).
  • Énteressantr wurd`s àm Dunschtig (17. Oktowr)! Do geht`s, wii gsaat, fàscht e gànzr (Àrweits)Daa, un där ésch gànz gwidmet im ... Germain Müller (!): de „Journée contributive Germain Muller“ („Germain Muller-Bidraa-Daa“) un gschafft were sott éwwr àlls ém Themekreis! Ànlass ésch do nit numme de francophone-Contribs-Monet sundrn öi noch de « Année Germain Muller » (2013-2014 - lancée officiellement par le maire Roland Ries le 20 septembre 2013)! Béldr dodevun (vun de `Reffnung vum Johr mét`m Maire Ries) fr e guedr Indruck fénd mr uff de Allmänd àn de Kategorii „Dinah Faust“ (de Frau bzw. Witwe vum Germain M.) Vràntwortlich ésch (u.a.) „unsr“ Benutzer:Ji-Elle (de-4, gsw-2)!--Stephele (Diskussion) 18:49, 14. Okt. 2013 (MESZ)
Én mehreri Sinn e Atelier: editiire én de Bibliothèque des Musées.
Üs wellem Grund ésch's bloss so schwar, öi dr Rescht noch ze schriwwe un ze vrzähle wii's gsin ésch?? Àlso, ich hàb schun e ziemlichi Iwwrràschung 'rläbt, àn däm Daa (öi wenn's mi nit vun de Fiess ghöit het)! Ich bén do ànne gànge - un 's het glich ém Foyer Bànnr vun Wikimedia Frànkrich („Libérons la connaissance“ - bifreie mr's Wisse) un scheeni, grossi Fotos vum Germain! Én de Bibliothek noch meh - 's ésch wii e Àrt Germain Muller-Üsstellung gsin! Iwwràll Beechr un Materiàlie éwr dr Germain un de Bàràbli üssgebreit - un üssnàhmswiis e pààr Computr drzue, ass mr öi schàffe kànn.
Ich bén innrlich noch gànz druff ingstellt gsin, emol de Lit, wii mr zitr Johre uff'm dertij „Projekt Alsace“ ze avertiire un kontàktiire vrsueche un nii nix vun heere, „mit Nachdruck“ dràn ze 'rinnere, ass 's Elsàss un de Wikipedia nit numme uff Frànzeesch pàssiire. Drin begriesst mich dr Benutzer:Ctruongngoc - Claude Truong Ngoc (ken Sproochbabel), dr siiht so (süd)oschtàsiàtisch üss, wii sinr Nàmme àwwr 'r ésch üss Wàssle un sini Muedr ésch e Elsassere. 'R ésch öi dr Autor vun àll dene Fotos(!) öi de süpr-schwàrz-wiss-Portraits vum Germain! 'R het ne perseenlich gekennt (schun àls Kénd - är, nit de Germain)! Dr Claude màcht öi meh uff dr Allmänd mét, àls àn de Tekschte, un öi do bi uns, wo'r àngemeldt ésch, àwwr bis jetz ohni Benutzersite, het'r bsundrs fr d'Illuschtràtion gschàfft. 'R präsentiirt, mr kumme àn's Redde (uff Frànzeesch) - un vor ass-i noch ebs drzue sàje kànn, ohni Zeiche (ich hàb öi selbsch ken Bannr odr Button („Wiki.als“ ;-) ) gtràje...) fàngt'r àn un meint: „Mr wàrte do öi uff de Lit vun de Wikipedia uff Elsassisch...(fr.)“!!
'S ésch schwar ze bschriwwe, wàs bi so e Situation durich dr Kopf geht... öi wenn-i jetz nit stumm gsin bén vr Stüüne. Stàrik vrinfàcht: SÜPR!! Se hàn doch ebs vun uns métbikumme! Àm meischte beindruckt het mich de „Nàdirlichkeit“, de Selbschvrständlichkeit, ass mr doch e Teil devun sin, vun de Wikiproduktion ém un iwwr's Elsàss. Un uff de àndri Site - odr noochhar - dr Gedànke: wenn se's àls gewisst hàn, wenn 's fr se klàr gsin ésch - wiso hàn se uns nii gfröjt, kontaktiiert, reagiirt???
De Quelle, Màteriàlie, wii àn däm Daa do bisàmme gsàmmelt wore sin üss'm MAMCS, üss'm Elsàssr Müseum, üss dr BNUS, sin e einmolig Fundus gsin, wii mr sunsch nit zsàmme findt! Diss het mr dr Repräsentànt vum dr Bibliothèque des Musées - kurz vor'm End noch emol klàr gmacht. Ich hàb mich nit druff konzentriire kenne àwwr àndri hen's gued gnutzt: dr fr.Àrtikel éwwr dr Germain ésch jetz (zitr uem dr 30.) e richtigi Biogràphii, de Ji-Elle het màssiv dràn gschàfft - do gibt's jet ebs zem Iwwrsetze! (Bessr geht's wohrschins nit...)
Indrüeck vum Daa kriejt mr uf de Allmänd uff der Site drzue vum Ctruongngoc.
Un jetz geht's noch ém Gebutsdaasmonet (so) widdrsch: àm Fridaa - gràd vor'm Start vun de WikiCon ze Kàrlsruehi wurd's e erscht Wikiatelier àn dr gross Strosburjr Mediathek Malraux genn, wii àn däm Daa ihri nei Coputrsääl inweihe wéll - „l'@ppli“. Wikipedia ésch de bsundre Gascht - so heischt's Atelier „l@pplipedia“. Jetz Fridaa, de 22. vun 16 bis 18 Ühr! Un àn de Dischküssion vum Portail:Alsace heischt's: „Les contributeurs de Wikipédia en alsacien sont attendus avec impatience.“ (De Autore vun dr Wikipedia uff Elsassisch were ungeduldich 'rwàrt...)!!!--Stephele (Diskussion) 18:08, 20. Nov. 2013 (MEZ)

Seit i mir's leischda kô![Quälltäxt bearbeite]

Seit i mir's leischda kô!, dr nei Wärbespot vu Lotto-Bade-Wirttebärg. --Holder (Diskussion) 10:08, 16. Okt. 2013 (MESZ)

Houptsyte nei ufböue[Quälltäxt bearbeite]

Villicht isch s Eich au scho mol ufgfalle, dass wänn mer nit aagmäldet isch, d Dagesvorlage uf dr Houptsyte hinterhär hinke, d. h. zem Dail isch d Aazaig, was am Dag bassiert isch, um ain oder zwee Däg verzegeret. Wänn mer sich derno aamäldet, erschynt dr aktuäll Dag. Bi unsre Jubiläumssyte bassiert jetzt s Glych bi dr Bilder ganz obe. Ich vermuet, dass des dodraa lyt, dass unsri Houptsyte relativ kompliziert ufböue isch (u. a. wäg em Dialäktwächsel). Ich haa jetz d Syte ganz nei strukturiert, si siit genau glych uus wie vorhär, isch aber andersch ufböue, mit ganz andere Vorlage. Jetz mueß mer in dr negschte Däg emol luege, eb jetz d Dagesvorlage aktuäll sin fir nit aagmäldeti Läser. --Holder (Diskussion) 06:48, 5. Nov. 2013 (MEZ)

Uui - do hät aine rächt gschaffet ! ! ! Wili aigentli nu aagmäldet i de Wikipedia läse, isch mir so öpis no nie ufgfalle. D Hoptsite gset guet us! Jetzt isch au de aaklickbar Titel bi «Àrtìkel vu dr Wucha:» i de richtige Posizion und d Schlussklammere ")" bi «De Artikel aaloose:» au no e Zile ufe grutscht - super! Danke an Holder! Gruess --Schofför (Diskussion) 09:29, 5. Nov. 2013 (MEZ)
E chlinni Froog hani no; worom hört d «Gschicht» bi 06/2011 uuf? Us Platzgründ? --Schofför (Diskussion) 09:39, 5. Nov. 2013 (MEZ)
Nai, des het kai Blatzgrind. In däre Lischt sin halt luter Premiere ufglischtet un in dr letschte zwai Johr het s kaini Premiere me gee, zmindescht kaini, wu mir yygfalle sin, Aber was chennt mer denn us dr letschte zwai Johr no uflischte fir bsunderigi Eraignis? --Holder (Diskussion) 17:32, 5. Nov. 2013 (MEZ)
Jetzt isch alles klar. Dass das luter Premiere sind, isch mer nöd ufgfalle. Bsunderigi Eraignis us de letschte zwai Johr? Vilicht as es sit em Augschte 2013 scho 15'000 Artikel git und dä Herbscht scho de 3. Schrybwettbewärb duregfüert worde isch. Uf di ander Site; die Lischte sött jo au nöd z lang wärde. Susch gsehts i de rächte Spalte (Nawaprojekt:) plötzlich läär us. I dänk, isch eso scho guet - los es wies isch. Gruess --Schofför (Diskussion) 19:59, 5. Nov. 2013 (MEZ)

Härzliche Glückwunsch![Quälltäxt bearbeite]

Härzliche Glückwünsch zum Gebortsdag vum Melibokus (vo da Rheifränggische Wikipedia, Eure Nochbarn)! Do habt Ihr jo in derre Zeit beachtliches uff di Fieß gschdellt. Ich wünsch Euch weiterhie viel Erfolg un nadirlich aa Freid dabei! --Melibokus (Diskussion) 11:35, 13. Nov. 2013 (MEZ)

Mèrci viilmols üss Strosburi - in d'Lit, wii fàscht so redde, wii d'Nordelsassr! Ass's schallt bis àn d'Làndmarke iwwr'm hessisch Ried. Uff e guedi Zsàmmeàrbeit (KA?)!--Stephele (Diskussion) 18:43, 13. Nov. 2013 (MEZ)
(KA?) – ehnder di Gejend vun Heidelberg :-) Mir in da Rheifränggische Wikipedia hawwe noch viel vor – falls mer-s jemols so weit schaffe (ich geb di Hoffnung net auf). Sie isch jo erscht im Juni uff di ganze Rheifränggische Dialegd erweidert worre. Uff e gudi Zammeärwet! --Melibokus (Diskussion) 19:30, 13. Nov. 2013 (MEZ)
Àlso de Pfälzisch WP ésch offiziell 'rwitert wore? De Nordelsassr kennte (wenn welle schriwwe däte) do öi métmàche? Un Dü bésch e KurPfälzr? Kreis HD Nord? Vun do luegsch noch uff dr Melibokus? Mét KA hàw-i de WikiCon z Karlsrue gmeint - do wurd's (bsundrs àm Samschdaa) Glejeheit genn, éwwr Zsàmmeàrwet ze redde! Griessele,--Stephele (Diskussion) 10:12, 16. Nov. 2013 (MEZ)
Ah so, di WikiCon *lach, des waa halt e ajg verkirzdi Froog ;-) Des is grad en uugischdischer Termin fir mich. Awwer villeicht gehts korzfrisdich doch, mol sehe. – Jo, wenn ich unser hegschde Berg nuffsteig, kann ich zum Melibokus gugge, un em winke, awwer aach zu de Vogese – wanns klaa isch. – Seidem Juni isch unser Wikipedia zur Rheifränggische erweidert worre. Un di Nordelsassr kennde schun immer mitmache. Manche Dialegdwisseschaftler, nämlich grad die, wo sich am intensivschde damit befaßt hawwe, rechne des Nordelsassische ganz zum Pälzische. Un die ausem Krumme Elsaß kenne jetzat nadirlich aach mitmache. – Ehrlich gsaat, mecht-s mir derzeit kää rechti Freid mehr, in der Rheifränggische WP zu schaffe. Do hots zu wennich Audore, kaum Dialog, un zu viel Fehler, geje die ma grad wennich mache kann. Ich gugg immer mol bei Eich in die Alemannisch nei, was sich do so dut. Schad, daß ich net besser Alemannisch kann, ich glaab, do hinn dets ma mähner Freid mache. Grieß, --Melibokus (Diskussion) 18:21, 16. Nov. 2013 (MEZ)
Allez! Wo's wenijr Autore het, wursch Dü doch meh gebraucht! Dodezue un zue de àndri Fröje do villicht e àndrs mol (un àn e àndri Stell?) noch meh... Do erscht emol diss noch - öi wenn-i jetz dr richtig Zitpunkt sichr längscht vrpàsst hàb: De erscht un bescht Gläjeheit fr uem éwwr Zsàmmeàrweit ze redde ésch àn de WikiCon hit dr Workshop zu Wikipedien in "kleinen Sprachen" vun 11 Ühr én Röim 3. Villicht siiht mr's bessr so? Öi àm Sunndaa geht's noch àn dr Vorstellung vun dr alemànnisch WP. Ob diss noch ebs nutzt? - Gràd wenn's si erscht kurzfrischtig entschiidt... Jedefàlls ésch KA jà numme uem's Eckle - noch wenijr àls vun Strosburi. - Geht öi numme fr e Vormiddaa.--Stephele (Diskussion) 03:15, 23. Nov. 2013 (MEZ)

10 Jaar..: Afraag vom Bodesee-Radio[Quälltäxt bearbeite]

Sehr geehrte Damen und Herren,

10 Jahre alemannische Wikipedia. Wir würden gerne ein Interview mit einem der Gründer machen und würden uns freuen, wenn Sie sich melden. Bitte so schnell wie möglich. Vielen Dank!

Heiner Vaut, SWR 4 Bodenseeradio in Friedrichshafen, Tel 07541 3746 48 210.

Viele Grüße

Heiner Vaut

(Hiwiis: Vo dr Siite Ammanne hiähäre verschobe vom --B.A.Enz (Diskussion) 16:10, 13. Nov. 2013 (MEZ))

I han's grad probiert, aber niemeds erreicht. Ab morn bin i bis am Sunndig z'Nacht z'Wien un übr +43 680 2437847 z'erreiche. --Manuel Schneider(bla) (+/-) 18:18, 13. Nov. 2013 (MEZ)
Dii sotte bessr ebbr vum Bodesee nemme, odr? Ich bén àwwr öi ken Begrindr, dr Terfili ésch wit, wii's schiint. Dr "mach"? - Dr Melancholie war dr bescht :-( - "àlt" un vum See (odr üss de Nochberschàft)! Dü weisch doch selbsch meh un bésch längr do àls de meischte...--Stephele (Diskussion) 18:30, 13. Nov. 2013 (MEZ)
Dr Holder het's mir grad per E-Mail gschickt, dass i mi schnell mälde soll... abr wie gsait, es goht niemeds an's Telifon. --Manuel Schneider(bla) (+/-) 18:32, 13. Nov. 2013 (MEZ)
Eso vil Lyt hämer nit, ass mer do ne großi Uuswahl hätte. Wär s macht, macht s. Merci, Manuel, fir Dyni schnäll Reaktion uf my Mail. --Holder (Diskussion) 18:34, 13. Nov. 2013 (MEZ)

D'r Herr der Klingel[Quälltäxt bearbeite]

Haan i grad gfunde: e Herr der Ringe-Parodi uf Elsässisch: «D'r Herr der Klingel» episode 1, episode 2, episode 3. --Holder (Diskussion) 13:39, 15. Nov. 2013 (MEZ)

Vum Schosseph un vum (Italo-)Remes!!?? Jetz weiss-i andlich, wo sich dr Schosseph vum Birschtefàwrik-Theàtr vrirrt het!!! :-D--Stephele Un dr Bobbits ésch dr Christophe Voltz - ich bikumm a Àff!! :-)) Jetz wàrt-i gspànnt uff dr Ufftritt vun d' Isabelle (G.)! Ah do ésch se schun! (Caracala)
Do bi uns brücht se sunsch wohrschins niemes - àwwr 's gibt's öi mét frànzeesch Untrtitel. (Diskussion) 14:38, 15. Nov. 2013 (MEZ)
Lueg do. Jetz muesch aber au en Artikel schrybe iber s Birschtefàwrik-Theàtr! --Holder (Diskussion) 14:44, 15. Nov. 2013 (MEZ)
Hé, Holdr! Diss ésch e Wiki! ;-) (Ich mein nit Dich!) 'S gibt hüffewiis Elsassr, wii mehr driwwr vrzehle kennte, àls ich! Do nimm ich jetz finalement léwr de „Method Terfili“: Ich suech dr Schmittbiel, setz ne vor e Mikro un làss ne e Àrtikel läse! Odr e (Tàschte-)Clavier und e pààr Àrtikel korrigiere. Wann'r drnooch denn andli emol àn e „journée contributive“ kummt, schriibt'r villicht öi emol anr!?--Stephele (Diskussion) 14:57, 15. Nov. 2013 (MEZ)
Selbsch geh-i jetz léwr zruck én min Bettele un läs e Märle üss däm Beechel do vum Schosseph... :-)--Stephele (Diskussion) 15:01, 15. Nov. 2013 (MEZ)
Do gibt's öi Neis vun Miss France '12!--Stephele (Diskussion) 16:10, 15. Nov. 2013 (MEZ)

Wikipedia-Träffe z'Basel[Quälltäxt bearbeite]

Solly zämme, allässlich zuem 10. Geburtsdag han i mol e Träffe z'Basel organisiert: Am Mittwuch, 20. Novämbr, um 19:00 im Les Gareçons am Badische Bahnhof. I würd mi uff Euer Cho freue! --Manuel Schneider(bla) (+/-) 19:48, 15. Nov. 2013 (MEZ)

WikiCon 2013: Artikel im Wikipedia-Kurier[Quälltäxt bearbeite]

Dr Matthiasb un dr Achim Raschka hän im Kurier vu dr dytsche Wikipedia ne Artikel iber unser Dräffen uf dr WikiCon gschribe: Dr Milhüüser Tràm ist keine Person! (in dr rächte Spalte). --Holder (Diskussion) 07:47, 28. Nov. 2013 (MEZ)

Ich haa jetz do mol e Churzprotokoll zue unsrem Dräffen uf dr WikiCon gschribe. --Holder (Diskussion) 21:32, 1. Dez. 2013 (MEZ)

Projäkt an dr Uni Stroßburi[Quälltäxt bearbeite]

An dr Uni Stroßburi lauft e Projäkt zue dr Situation vu dr Dialäkt im Elsass un z Bade uf bode Syte vu dr Gränze: Les effets de la frontière politique sur la situation linguistique de la région du Rhin supérieur (Alsace / Pays de Bade). --Holder (Diskussion) 06:25, 3. Dez. 2013 (MEZ)

Musée Lalique[Quälltäxt bearbeite]

S Musée Lalique z Wìnge het jetz au ne Audioguide uf Elsässisch: Découvrir le Musée Lalique en alsacien. --Holder (Diskussion) 06:37, 3. Dez. 2013 (MEZ)

VisualEditor[Quälltäxt bearbeite]

Moin, und Pardon für das Benachrichtigen in Deutsch. Das Tech-Department der Wikimedia Foundation (WMF) hat die Einführung von VisualEditor (FAQ, Handbuch), dem neuen Interface zur Verbesserung der Bearbeitbarkeit von Artikeln insbesondere durch neue Benutzer, in diesem Wiki für voraussichtlich Mitte Januar 2014 angesetzt. VisualEditor kann bereits über Beta bzw. die Einstellungen des jeweiligen Benutzerkontos freigeschaltet und getestet werden. Dabei gefundene Probleme können und sollten in Bugzilla angesprochen werden.

Naturgemäß wäre WMF dankbar, wenn die Gemeinschaft bei der Übersetzung von Interface und Handbuch ins Alemannische die Führung übernehmen könnte und Tech dann nicht erstmal ein Interface in falscher Sprache (vermutlich Deutsch) einsetzen müsste. Zur Übersetzung des Interfaces ist ein Account bei TranslateWiki erforderlich, da die dortige Gemeinschaft sich um die generelle Aufgabe kümmert. In TranslateWiki werden Benutzerkonten von der dortigen Gemeinschaft genehmigt. Sobald dies geschehen ist, kann die richtige Sprache für VisualEditor aus diesen Listen 1, 2, 3 ausgewählt und die Liste der zu übersetzenden Nachrichten aus dem Englischen angezeigt und mittels "edit" übersetzt werden.

Allgemeine Fragen beantworte ich gern, bei massiven technischen Problemen während der Einführung im neuen Jahr wäre James Forrester (jforrester at wikimedia.org), der verantwortliche Productmanager für VisualEditor, der effektivste Ansprechpartner. Gruß, --Jan (WMF) (Diskussion) 15:18, 16. Dez. 2013 (MEZ)

Merci vielmools für d'Nochricht. Wer Froge odr Problem zuem Visual Editor het cha sich au bi mir mälde. --Manuel Schneider(bla) (+/-) 15:37, 16. Dez. 2013 (MEZ)

Scheeni Wynäächte[Quälltäxt bearbeite]

Ich winsch Eich allne scheeni Wynäächrte un e guets Neis. Dankschen fir die guet Zämmearbet un di vile inträssante Artikel. --Holder (Diskussion) 07:41, 24. Dez. 2013 (MEZ)

Danke glichfalls! --Schofför (Diskussion) 10:30, 24. Dez. 2013 (MEZ)
Merci. Scheena Fiirtig! --MireilleLibmann (Diskussion) 16:17, 24. Dez. 2013 (MEZ)
Merci, öi au! --Freigut (Diskussion) 17:16, 24. Dez. 2013 (MEZ)
Au vo mir härzlichi Wiehnachtswünsch und danke für oiri :-) --Badener (Diskussion) 22:33, 24. Dez. 2013 (MEZ)
Wiänachtä isch etz scho faschd vrbii; drum allnä nu scheeni Täg & äs guäds Niiws. --B.A.Enz (Diskussion) 19:05, 25. Dez. 2013 (MEZ)
Aach vo mir als "Nochber" noch e scheeni Wiehnachtsziit un e Gudes Neies. --Melibokus (Diskussion) 19:22, 25. Dez. 2013 (MEZ)