Wikipedia:Richtlinien

Us der alemannische Wikipedia, der freie Dialäkt-Enzyklopedy
Hops zue: Navigation, Suech

Die fimf Pinkt sin di nit veränderlige Grundsätz vu dr Wikipedia.

BluePillar.svg D Wikipedia isch e Enzyklopedii: D Wikipedia sott derzue gnutzt wäre, e Sachenzyklopedii ufzböue. Mir lege s Hauptaugemerk druf, Fakte z sammle un ufzbereite zue dr alemannische Regione, dr alemannische Kultur un dr alemannische Sproch.
 
GreenPillar.svg Neutralität: Dr neutral Standpunkt versuecht, Idee un Fakte in ere Art un Wys darzstelle, ass Lyt, wu gege die Idee sin, un au Lyt, wu fir si sin, d Bschrybig vu däre Idee in dr Wikipedia chenne toleriere. Er forderet nit d Akzeptanz vu allene; des wird s sälte gee, wel z. B. mänki Ideologie alli Standpinkt usser ihrem eigene ablähne. Wäge däm sott s Ziil syy, e Bschrybig z formuliere, wu fir alli Beteiligte tolerabel isch, wu „rational dänke“.
 
YellowPillar.svg Freji Inhalt: Wikipedia isch e freji Enzyklopedii. D Inhalt mien unter ere Lizänz stoh, wu ne Wyternutzig, sofärn d Autore gnännt wäre, un e wyteri Verbreitig unter glyche Bedingige (Copyleft) erlaubt. Dr Tekscht vu dr Wikipedia stoht unter dr Creative Commons-Lizenz Attribution-ShareAlike 3.0 Unported, viil Tekscht sin au no zuesätzlig lizänsiert unter dr GNU-Lizänz fir freji Dokumäntation, d Bilder hän verschideni Lizänze. Wänn Tekscht un Bilder ohni d Erlaubnis vum Rächtinhaber vereffentligt wäre, cha des Projäkt ärnschthaft gfährdet wäre.
Lueg au Urheberrächt.
 
OrangePillar.svg Kei persenligi Aagriff: D Teilnehmer bi dr Wikipedia chemme us unterschidlige Regione, Länder un Kulture un hän vylmol arg unterschidligi Aasichte un alli hän e verletzligi Syte. E sachlige, wänn meglig frejndschaftlige Umgang vu dr Autore unterenander isch des, was mir wänn. Wänn eber Fähler macht, sott mer zerscht emol drvu usgoh, ass er s guet meint, un sott em hälfe.
 
RedPillar.svg Leen ich nit abschrecke vu däne Regle. E jede cha an däre Enzyklopedii mitschrybe oder ebis dra ändere, verbessere, ergänze oder stryche. Machen ich keini Gedanke iber Fähler, wu ihr villicht chenne mache. Hälfe mit!

Wu dr Jimmy Wales d Wikipedia grindet gha het, het er au Prinzipie vun ere freje Enzyklopedii ufgstellt gha, die cha mer doo nooläse.