Daniel de Roche
De Daniel de Roche (* 1. Dezember 1954) isch en Schwiizer Pfarrer un Politiker (EVP). Er isch Synodalratspräsident vo de Evangelisch-reformierte Chiuche vom Kanton Fryburg, Präsident vo de Weschtschwiizer Chilekonferenz (CER) un Grossrot im Kanton Fryburg gsi.
Bruef[ändere | Quälltäxt bearbeite]
De Daniel de Roche het evangelischi Theologii studiirt un isch Pfarrer. Sini letschti Gmeinspfarrstell het er z Cordast gha. Sit 1999 isch er Synodalrotspräsident und im November 2009 isch er zum Präsident vo de Conférence des Eglises protestantes romandes (CER) gwählt worde.[1] Sit em 1. Januar 2011 isch er Mitgliid vom Rot vom SEK. Uf de Fryburger Synode vom 4. Juni 2012 het de Daniel de Roche uf e ernoiti Kandidatur für s Präsidium vom Synodalrat verzichtet. Zum Nachfolger isch de Pierre-Philippe Blaser gwählt worde, wo Pfarrer in der Chülchagmeind Môtier-Vully isch.[2] In de Folg het er au uf e Widerwahl zum Präsident vo de Weschtschwiizer Chilekonferenz verzichtet. Sit em 2013 isch er Pfarrer z Orvin.
Politik[ändere | Quälltäxt bearbeite]
Im März 2000 isch de Daniel de Roche in de Verfassigsrat vom Kanton Fryburg gwählt worde. Derte het er sich vor allem defür iigsetzt, dass es bi de öffentlich rechtliche Aerkennig vo de Chilene bliibt. Au d Möglichkeit andere Religionsgmeinschafte e öffentlich rechtlichi Aerkennig zu z erkenne isch uf sini Initiative hi i de noie Verfassig, wo im Mai 2004 vom Fryburger Stimmvolk isch aagno worde, verankeret.[3] Bi de Grossrotswahle am 5. November 2006 isch er für d EVP i de Grosse Rot vom Kanton Fryburg gwählt worde. Will er s einzig EVP-Mitgliid im Grossrot isch, het er sich de Fraktion "Mitte-Links-Bündnis" (MLB) aagschlosse, wo au di Grüene un CSP derbi isch. Bi de Grossrotswahl am 13. November 2011 het d EVP im Seebezirk mit numme 3,3% kei's Mandat übercho und de Daniel de Roche wird mit em Ablauf vo de Amtsperiode us em Grosse Rat usscheide.[4] De Daniel de Roche isch Mitglid bim VCS, ProNatura und ProFribourg.[5]
Weblink[ändere | Quälltäxt bearbeite]
- Kurzportrait mit Photi bi de Reformierte Medie (Site cha nüme abgrüeft wärde; Suche im Webarchiv)
- Sit vom Fryburger Synodalrot
Einzelnachwiis[ändere | Quälltäxt bearbeite]
- ↑ protestinfo.ch abgruefe am 15. November 2009 um 21:15 Uhr
- ↑ Reformierte FR: Daniel de Roche hört auf. Archiviert vom Original am 8. Juni 2012; abgruefen am 5. Juni 2012.
- ↑ http://www.evppev-fr.ch/de/medien/53125296d813dea06/index.html Info vo de EVP Fryburg
- ↑ Archivierte Kopie. Archiviert vom Original am 17. November 2011; abgruefen am 28. November 2018.
- ↑ http://www.evppev-fr.ch/de/downloads/evpgrossratswahlen2006.pdf (Site cha nüme abgrüeft wärde; Suche im Webarchiv) EVP Info zu de Grossrotswahle