Tour de Sol
D Tour de Sol isch s erschte Ränne gsi für Faarzüüg won en Solaraatriib gha händ, statt en Verbränigsmotor fuhren.
Aafang
[ändere | Quälltäxt bearbeite]
D Idee häd de Josef Jenni gha, won häd wele Reklame für Sunenenergii mache. De Markus Heimlicher, de Gschäftsfüerer vo de Schwizerische Vereinigung für Sunenenergii (SSES) häd wele zäige, das d Solarenergii nöd nume i häisse Gebiet funktioniert, sondern au i de Schwiiz. Organisiert hät si de Ingenieur und Solarunternämer Urs Muntwyler, won 2010 Profässer für Photovoltaik a de Bärner Fachhochschuel worden isch. Di erschti Tour de Sol isch 1985 gsi. Wil si so erfolgrich gsi isch, häds dänn fascht jedes Jaar eini gee, bi 1993.
Di erschti Tour
[ändere | Quälltäxt bearbeite]Die erschti Tour de Sol isch 1985 i de Schwiiz i 5 Etappe vo Romanshorn über Winterthur bis uf Gämf gange. Am Start sind 73 Solarmobil losgfaare und 58 devo sind as Ziil cho. S Räne isch uf normale Strasse gsi, won nöd öppe gsperrt worde sind. D Faarer händ sich also müesse a ali Verchersregle halte. Gune häd es Solarmobil won vo de tüütsche Autofabrik Mercedes-Benz und em schwiizer Ingenieurbüro Alpha Real pout worden isch. D Faarzüüg händ Solarzäle uf em Dach gha und d Batterie händ höchschtens 480 Wp Leischtig oder Wp x 10 h Kapazität dörfe ha.
Di zwäiti Tour
[ändere | Quälltäxt bearbeite]Di zwäitei Tour de Sol isch vo Friburg im Brisgau (Bade) bis uf Suhr (Aargau). Bi dem Räne isch s schnällschte Auto oni Zusatzaatriib bis zu 120 km/h gfaare. Di mittleri Gschwindigkäit isch 49 km/h gsi.
Übersicht
[ändere | Quälltäxt bearbeite]- 1985: Romanshorn – Winterthur – Gämf
- 1986: Friburg (Br.) – Suhr
- 1987: Biel – Arosa
- 1988: Züri – Etoy VD
- 1988: s erschti Solarbooträne z Estavayer-le-Lac.
- 1989: Contone – Riifälde
- 1990: Schaffuse – Münsige
- 1990: Tour de Sol Alpine (uf Schnee): Länzerhäid – Valbella
- 1991: Suhr – Beatebärg
- 1991: Tour de Sol Alpine (uf Schnee): Länzerhäid-Valbella
- 1992: Pforzheim (Baden-Württemberg) – Saas-Fee
- 1991 Tour de Sol Alpine (uf Schnee): Arosa
- 1993: Luzärn – Adelbode
Quälle und Weblinks
[ändere | Quälltäxt bearbeite]
Commons: Tour de Sol – Sammlig vo Multimediadateie- Zwei Radiosendungen zum 30-Jahr-Jubiläum
- Interview mit Josef Jenni in 2008
- Video von einigen Tour-de-Sol-85-Fahrzeugen
- [1] Dasselbe Video und viele andere auf Youtube
- Publikationen zur Tour de Sol inklusive Reglementen im Katalog Helveticat der Schweizerischen Nationalbibliothek
- R. Reichel: Tour de Sol, elektromobiler Neubeginn vor 30 Jahren, EMobile plus solar Nr. 97 – Sommer 2015, S. 5–13
- Bilder am Etappenziel St.Gallen aus dem Jahr 1987