Anna Rybaczewski
| Anna Rybaczewski | |
| |
| D’ Anna Rybaczewski ànna 2014 | |
| Porträt | |
|---|---|
| Geburtsdag | 23. März 1982 |
| Geburtsort | Olsztyn, Poola |
| Greßi | 1,85 m |
| Position | Mìttelblockera (bis 2002) Üssa-n-ààgriffera |
| Verain | |
| 1997–2000 2000–2001 2001–2006 2006–2007 2007–2009 2009–2013 2013–2014 2018–2020 |
 INSEP Vincennes ASPTT Mìlhüüsa Meulun-La Rochette Muszynianka Muszyna RC Cannes ASPTT Mìlhüüsa Legionovia Legionowo Constantia Schtroossburi
|
| Nationalmannschaft | |
2002–2013 |
Frànkrììch U–18 Frànkrììch U–20 Frànkrììch (A)
|
| Erfolg | |
| 2008, 2009 2008, 2009 2004, 2006, 2010–12 2005, 2010, 2012 |
frànzeescha Maischtera frànzeescha Pokààlsiigera frànzeescha Vìzamaischtera 2. ìm Frànkrììch-Pokààlwättbewarb |
|
Stand: 31. Mai 2023 | |
| Dialäkt: Mìlhüüserdiitsch |
D’ Anna Rybaczewski (* 23. März 1982 z’ Olsztyn, Poola) ìsch a ehamààliga frànzeesch-polnischa Volleybàllschpììlera, wo àls Mìttelblockera un Üssa-n-ààgriffera gschpììlt hàt. Zamma mìt’m RC Cannes ìsch sa zwaimol frànzeescha Maischtera un Pokààlsiigera worra. Üsserdam hàt sa mìt dr frànzeescha Nàzionààlmànnschàft gschpììlt.
ìhr Laawa un Kàrriar
[ändere | Quälltäxt bearbeite]ìhra Fàmìlia un Jugend
[ändere | Quälltäxt bearbeite]D’ Anna Rybaczewski ìsch z’ Olsztyn ìm Nordoschta vum Poola-n-uff d’ Walt kumma. Sa ìsch d’ Tochter vum polnischa Volleybàllschpììler Mirosław Rybaczewski, wo ànna 1974 Waltmaischter un ànna 1976 Olümpiasiiger worra-n-ìsch. Noch ìn ìhrem Geburtsjoohr ìsch sa uff Mìlhüüsa ìm Elsàss kumma. Sa hàt z’äärscht ìn ìhrer Kìndhait Tennis gschpììlt un hàt a schportliga-n-Üssbìldungbìldung àn dr Bel-Air-Sekundààrschüal z’ Mìlhüüsa bikumma. Mìt 13 Joohra hàt sa zem äärschta Mol Volleybàll gschpììlt. Zwai Joohra schpeeter hàt sa àm Nàzionààla Schportsìnschtitüüt z’ Vincennes bii Pàriis a Volleybàll-Üssbìldung bikumma — doo ìsch sa dräi Joohra làng blììwa. D’rwillscht hàt sa a wìssaschàftliga-n-Àbitüür bschtànda.[1][2][3]
ìhra Verainskàrriar
[ändere | Quälltäxt bearbeite]Ìhra äärschta Profi-Saison hàt d’ Rybaczewski mìt 18 Joohra ìm Joohr 2000/2001 biim elsassischa Verain ASPTT Mìlhüüsa gschpììlt. Doo hàt sa àls Mìttelblockera gschpììlt.[1] Mìt dr Verainsmànnschàft ìsch sa uff Plàtz 5 vu dr frànzeescha Maischterschàft un uff Plàtz 9 vum Frànkrììch-Pokààl ànakumma. Üsserdam ìsch dr Verain bis uff Plàtz 5 vum öiropäischa CEV-Pokààl glunga. Ìm Joohr druff ìsch sa zem Verain vu Melun-La Rochette ìn dr Île-de-France gànga ge schpììla, wu sa fìmf Joohra làng blììwa-n-ìsch. Ìn dr äärschta Saison mìt dam Verain hàt sa eewafàlls àls Mìttelblockera gschpììlt[1] un ìsch uff Plàtz 3 vu dr Nàzionààlmaischterschàft ànakumma. Ànna 2003/2004 ìsch sa àls Üssa-n-ààgriffera frànzeescha Vìzamaischtera un Drìtta ìm nàzionààla Pokààlwättbewarb worra. Ìm Joohr druff ìsch sa Drìtta ìn dr Nàzionààlmaischterschàft worra un ìsch bis àm Andschpììl vum Pokààlwättbewarb glunga, wu sa geega dr RC Cannes mìt 3:0 verloora hàt. Ànna 2005/2006 ìsch sa nochamol frànzeescha Vìzamaischtera worra un ìsch bis uff Plàtz 5 vum CEV-Pokààl glunga.
Ànna 2006 ìsch d’ Rybaczewski zem polnischa Verain Muszynianka Muszyna gànga ge schpììla. Doo ìsch sa Fìmfta ìn dr Nàzionààlmaischterschàft worra un ìsch bis uff Plàtz 4 ìm nàzionààla Pokààlwättbewarb glunga. Ìn dr Champions League ìsch d’ Verainsmànnschàft àn dr Vorrunda-n-üssgschììda.
Fìr d’ Saison 2007/2008 ìsch d’ Rybaczewski ìn Frànkrììch z’ruckkumma, dàsmol biim süüdfrànzeescha Verain RC Cannes. Sa ìsch doo zem äärschta Mol frànzeescha Maischtera un Pokààlsiigera worra — s’ Andschpììl geega Le Cannet hàt d’ Verainsmànnschàft mìt 3:1 gwunna. Ìn dr Play-Off-Runda vu dr Champions League ìsch d’ Verainsmànnschàft vum Volero Züri gschlààga worra un ìsch uff Plàtz 8 ànakumma. Ìn dr Saison 2008/2009 ìsch d’ Rybaczewski nochamol mìt’m RC Cannes frànzeescha Maischtera un Pokààlsiigera worra — dàsmol hann sa d’ Finààla vum Pokààlwättbewarb geega Mìlhüüsa mìt 3:0 gwunna. Bii dr Champions League ìsch dr RC Cannes ìn dr Play-Off-Runda vun dr Rybaczewski ìhra ehamààliga polnischa Verain Fakro Muszynianka Muszyna gschlààga worra un ìsch uff Plàtz 8 ànakumma.
Ànna 2009 ìsch d’ Rybaczewski zem Verain ASPTT Mìlhüüsa z’ruckkumma. Ìn dr Saison 2009/10 ìsch sa nochamol frànzeescha Vìzamaischtera worra un hàt s’ Andschpììl vum Pokààlwättbewarb geega dr RC Cannes mìt 3:1 verloora. Bii dr Champions Leauge ìsch d’ Verainsmànnschàft ìn dr Vorrunda-n-üssgschììda. Ìm Joohr druff ìsch d’ Rybaczewski zamma mìt Mìlhüüsa zem drìtta Mol frànzeescha Vìzamaischtera worra un ìsch bis uff Plàtz 5 vum frànzeescha Pokààl-Wättbewarb ànakumma. Biim CEV-Pokààlwättbewarb ìsch dr Verain eewafàlls uff Plàtz 5 ànakumma. Ìn dr Saison 2011/2012 ìsch d’ Rybaczewski nochamol mìt Mìlhüüsa frànzeescha Vìzamaischtera worra un hàt s’ Andschpììl vum Pokààl-Wättbewarb geega dr RC Cannes mìt 3:0 verloora. Biim CEV-Pokààlwättbewarb ìsch sa nochamol uff Plàtz 5 ànakumma. Àm Ààfàng vu dr Saison 2012/13 ìsch d’ Rybaczewski àm Unterliib verlätzt worra.[4] D’ Verainsmànnschàft ìsch Drìtta ìn dr Nàzionààlmaischterschàft worra — d’ zwai lätschta Schpììler hàt d’ Rybaczewski nìt känna schpììla, wial sa àm lìnka-n-Achillessähna verlätzt worra-n-ìsch.[5][6] Friahjer ìm Joohr ìsch sa zwaimol àm Füassglank verlätzt worra gsìì.[7]
Ìhra lätschta Profi-Saison (2013/2014) hàt d’ Rybaczewski biim polnischa Verain Legionovia Legionowo gschpììlt.[8][9][10][11] Doo ìsch sa uff Plàtz 8 vu dr polnischa Maischterschàft ànakumma, un uff Plàtz 9 vum nàzionààla Pokààlwättbewarb. D’rnooh hàt sa ìhra Profikàrriar schluss gmàcht.[12] D’rnooh ìsch sa jedoch zem elsassischa Verain VBC Kìngerscha ìn dr Liiga Nationale 3 gànga ge schpììla. Doo ìsch sa unteràndrem vun ìhrem Vàtter träniart worra.[13] Àb 2018 hàt sa biim Schtroossburjer Verain Constantia ìn dr Liiga Nationale 3 gschpììlt.[1]
mìt dr Nàzionààlmànnschàft
[ändere | Quälltäxt bearbeite]Wahrend ìhrer Üssbìldung àm INSEP z’ Vincennes hàt d’ Rybaczewski ìn dr frànzeescha Nàzionààlmànnschàft vu da U–18 un da U–20 àls Mìttelblockera gschpììlt. Sa hàt d’rnooh àls Üssa-n-ààgriffera fìr d’ A-Nàzionààlmànnschàft gschpììlt un ìsch doo Mànnschàftskàpitään worra.[1][14] Ànna 2013 ìsch sa mìt dr Nàzionààlmànnschàft bii dr Öiropàmaischterschàft bis ìm Viartelfinààla glunga,[1] wu s’ Frànkrììch geega Belgia mìt 3:2 verloora hàt. Wu sa ìhra Volleybàllkàrriar schluss gmàcht hàt, ìsch sa noch offiziäll ìn dr Nàzionààlmànnschàft berüafa worra, ìsch àwwer ìn d’ Träänìngs nìt gànga.[15][16]
Weblìnks
[ändere | Quälltäxt bearbeite]Ainzelnoohwiisa
[ändere | Quälltäxt bearbeite]- ↑ 1,0 1,1 1,2 1,3 1,4 1,5 Shirley: VOLLEY-BALL : Que sont-elles devenues ? Anna Rybaczewski. In: PA-Sports. 14. April 2020, archiviert vom Original am 31. Mai 2023; abgruefen am 31. Mai 2023 (französisch).
- ↑ Christian Entz: Anna Rybaczewski : « Dis-moi papa… Comment t’as fait ? ». In: L’Alsace. 28. Februar 2013, abgruefen am 31. Mai 2023 (französisch).
- ↑ Volley-ball. Anna Rybaczewski n’est pas qu’une fille à papa. In: L’Alsace. 24. April 2010, archiviert vom Original am 31. Mai 2023; abgruefen am 31. Mai 2023 (französisch).
- ↑ Christian Entz: Volley-ball. Rybaczewski : « Je fais du sport pour vivre des émotions ». In: L’Alsace. 28. August 2012, abgruefen am 31. Mai 2023 (französisch).
- ↑ FRA W: MULHOUSE without Rybaczewski. In: WorldOfVolley. 18. April 2013, archiviert vom Original am 31. Mai 2023; abgruefen am 31. Mai 2023 (änglisch).
- ↑ Fin de saison pour Anna Rybaczewski. Volley Mulhouse Alsace, 17. April 2013, archiviert vom Original am 11. August 2022; abgruefen am 31. Mai 2023 (französisch).
- ↑ FRA W: Rybaczewski absent for three weeks. In: WorldOfVolley. 16. Januar 2013, archiviert vom Original am 4. Dezember 2021; abgruefen am 31. Mai 2023 (änglisch).
- ↑ Serge Bastide: Volley-ball. Anna Rybaczewski va rejouer en Pologne : au pays où papa est resté roi. In: Dernières Nouvelles d’Alsace. 6. Juni 2013, archiviert vom Original am 31. Mai 2023; abgruefen am 31. Mai 2023 (französisch).
- ↑ Christian Entz: Volley-ball. Anna Rybaczewski a le cœur gros. In: L’Alsace. 6. Juni 2013, abgruefen am 31. Mai 2023 (französisch).
- ↑ POL W: Rybaczewski in Legionowa. In: WorldOfVolley. 1. Juni 2013, archiviert vom Original am 16. Januar 2022; abgruefen am 31. Mai 2023 (änglisch).
- ↑ Serge Bastide: Volley-ball. Anna Rybaczewski quitte l’ASPTT Mulhouse : Ce n’est pas une belle fin. In: Dernières Nouvelles d’Alsace. 19. Mai 2013, archiviert vom Original am 31. Mai 2023; abgruefen am 31. Mai 2023 (französisch).
- ↑ Anna Rybaczewski arrête sa carrière. In: L’Équipe. 24. Juli 2014, archiviert vom Original am 12. März 2016; abgruefen am 31. Mai 2023 (französisch).
- ↑ Christelle Himmelberger: Anna Rybaczewski signe au VBC Kingersheim. In: L’Alsace. 3. August 2014, abgruefen am 31. Mai 2023 (französisch).
- ↑ Emilie Jafrate: Anna Ribaczewski, l’œil d’une capitaine privée de terrain : « Frustrant… ». In: Dernières Nouvelles d’Alsace. 9. Juli 2011, archiviert vom Original am 31. Mai 2023; abgruefen am 31. Mai 2023 (französisch).
- ↑ Christian Entz: VOLLEY-BALL. Anna Rybaczewski : « Je n’ai jamais fait l’autruche ! ». In: L’Alsace. 5. Januar 2014, abgruefen am 31. Mai 2023 (französisch).
- ↑ S.Ba.: Équipe de France féminine. Anna Rybaczewski : « J’ai dit non ». In: Dernières Nouvelles d’Alsace. 3. Januar 2014, archiviert vom Original am 31. Mai 2023; abgruefen am 31. Mai 2023 (französisch).