Verena Müller-Schmid
D Verena Müller-Schmid (* 8. November 1927 in Rüegsau, Schwiz) isch en ih de Schwiz geboreni Keramikerin und Malerin. Sie wohnt bis hüt ih de Schwiz. Sie isch künstlerisch tätig gsi, bis sie in es Altersheim umzoge isch. Sie isch vorallem ih de Region für ihre vielsitige Kunstwerk bekannt.
Ihres Läbe
[ändere | Quälltäxt bearbeite]D’Verena Müller-Schmid isch im Ämmitau ufgwachse. Sie isch d’Tochter vom Robert Müller und de Margerite Wyssbrod und hät en Brüeder kah, wo Fred gheisse hät, aber scho früeh annere Chrankheit verstorbe isch.
In ihrne junge Jahr hät ihre Garte und d’Natur ihre als Inspiration für ihri Kunst dient.
Spöter isch sie Schüelerin anere Keramikgwärbsschuel z Bern gsi. Dört hät sie d’Künstlerin d Maja von Arx kenne glernt.
Zämme sind sie für es Jahr nach Paris an d’Académie de la Grande Chaumière gange, wo sie innnere bescheidene Wohnig gläbt händ. Ahschlüssend händ die en Künstlergmeinschaft im Elterehus vo de Maja von Arx gründet.[1]
Nachdem d’Verena Müller ihre Ehema, de Ernst Schmid, ih de 1960er Jahr ghürotet hät, sind sie in en andere Teil vo Äärlischbach zoge, wo au ihri einzigi Tochter d’Susanna 1963 ufd Wält cho isch. D’Verena isch in Äärlischbach bliebe, bis sie in es Altersheim umzoge isch.
Ihflüss uf ihreri Kunst
[ändere | Quälltäxt bearbeite]De Verena ihri Kunst wird durch verschiedenigs prägt, debi isch de Picasso, d’Bible, die griechische Mythologie sowie d’Natur die Eindütigste.
-
Keramikkunst us em Atelier vo de Verena Müller-Schmid -
Keramikengel us em Atelier vo de Verena Müller-Schmid
Kunstusstellige
[ändere | Quälltäxt bearbeite]Sie hät Usstellige nid sehr gern kah, drum hät sie ihri Kunstwerk meh an Bekannti als an Usstellige verchauft.
Wiehnachtsustellig vo bernischer Maler und Bildhauer i de Kunsthalle und im Kunstmuseum Bern 1982-1983
Ihri letzti Usstellig isch im 2010 bi Herr und Frau Grossenbacher in Erlinsbach gsi.
Weblink
[ändere | Quälltäxt bearbeite]- d Verena Müller-Schmid im SIKART-Lexikon
- d Verena Müller-Schmid bi dr Schwyzerische Gsellschaft vo bildende Künschtlerinne
- "Supraporten" vo dr Verena Müller-Schmid a dr Neue Kantonsschuel Aarau, em ehemalige Lehrerinnenseminar Aarau
Fuessnote
[ändere | Quälltäxt bearbeite]- ↑ Kalliope | Verbundkatalog für Archiv- und archivähnliche Bestände und nationales Nachweisinstrument für Nachlässe und Autographen (kalliope-verbund.info)