Hunschpàch

Us der alemannische Wikipedia, der freie Dialäkt-Enzyklopedy
Hunschpàch

Fachwerkhüser z Hunschpàch
Verwàltung
Land Frànkrich
Region Grand Est
DépartementBas-Rhin (67)
ArrondissementHaguenau-Wissembourg
KàntonWaisseburch
KommünàlverbàndPays de Wissembourg
Àmtliga NàmaHunspach
MaireBertrand Wahl (2014-2020)[1]
Code Insee67213
Poschtlaitzàhl67250
Iiwohner
Iiwohner621
Flech5,49 km2
Bevelkerungsdicht121,86 Iiw./km2
Làg
Koordinate48° 57′ 11″ N, 7° 56′ 32″ E / 48.953055555556°N,7.9422222222222°E / 48.953055555556; 7.9422222222222Koordinate: 48° 57′ 11″ N, 7° 56′ 32″ E / 48.953055555556°N,7.9422222222222°E / 48.953055555556; 7.9422222222222
Heche138–207 m
Hunschpàch hemen kokatua: Frànkrich
Hunschpàch
Hunschpàch
Hunschpàch (Frànkrich)
Website
https://www.hunspach.fr

Hunschpàch (IPA: [ˈhʊnʃbɑx]; frz. Hunspach, dt. Hunspach) ìsch e frànzeesche Gmein ìm Unterelsàss ìn dr Region Grand Est (bìs 2015 Region Elsàss). D Gmein ghert zem Kanton Waisseburch un zem Arrondissement Haguenau-Wissembourg. Wi vili Dörfli im Elsass isch au Hunschpàch prägt vo de vile Fachwerkhüser. S Dorf gilt als eis vo de schönschte Dörfer z Frankriich un het de Titel vo eme Plus beau village de France.

D Lag[ändere | Quälltäxt bearbeite]

D Chile vo Hunschpach

Hunschpàch ligt weschtlich vo de D 263 wo vo Waisseburch uf Hàwenau führt. Direkti Schtrosse gits uf Ìngelse, Seebàch, Hoffe u Scheeneburi.

D Gmeind ghört zum Parc naturel régional des Vosges du Nord em französische Teil vom Biosphärereservat Pfälzerwald-Nordvogese.

Name[ändere | Quälltäxt bearbeite]

S erscht Mal gnännt wird Hunschpàch 1324 als Hunespach. Dr Name chunnt vomene voreuropäische Wort *(W)UN ("Hügel, Büel") mit em gallo-romanische Suffix -acum > *Un(i)acum. Sekundär isch e /h/ vorgstellt und s Suffix durch s dt. -bach ersetzt worde. Nach ere lokale Sag chunnt dr Name vomene Riis, wo "Huno" (dt. Hüne) heig gheisse.[2]

Gschicht[ändere | Quälltäxt bearbeite]

Im Jahr 1324 gaht s Dorf als Gschenk an s Herrschaftsgschlecht Puller vo dr Hohenburg. Sit 1504 het Hunschpàch zum Herzogtum Pfalz-Zweibrücke ghört. S Verwaltigszentrum isch Kleeburi gsi. 1611 isch Pfalz-Zweibrücke unter dr Söhn vom Herzog Johann I. ufteilt worde in drü Linie: Pfalz-Zweibrücken-Veldenz, Pfalz-Zweibrücken-Landsberg u Pfalz-Kleeburg. Hunschpach het zue dr letschtere ghört. Wel dr Herzog Johann Kasimir vo Pfalz-Kleeburg 1615 d Katharina, Prinzessin vo Schwede ghirate het, isch d Gmeind 1619 unter schwedische Herrschaft cho. 1633 isch Hunschpàch im Drissigjährige Chrieg vo chaiserliche Truppe niderbrennt worde. Noch em Chrieg hän Sidler us dr Schwyz Hunschpàch wider ufbout. 1788 het Schwede alli Recht uf d Herrschaft an Frankrich übergää. In dr französische Revolution isch s Biet am 4. März 1790 Teil vom nöie Département Bas-Rhin worde.

Politik[ändere | Quälltäxt bearbeite]

Maire vo Hunschpàch isch de Bertrand Wahl. D Gmeind isch Mitglid im Gmeindsverband Pays de Wissembourg.

Galerii[ändere | Quälltäxt bearbeite]

Literatur[ändere | Quälltäxt bearbeite]

  • Hermann Gerst: Histoire de Hunspach et de la Paroisse de Hunspach, Hoffen, Ingolsheim. Oberlin, Strasbourg 1975
  • Michael Paul Urban: Lieux dits. Dictionnaire étymologique et historique des noms de lieux en Alsace. Édistions du Rhin, Strasbourg 2003

Weblink[ändere | Quälltäxt bearbeite]

 Commons: Hunschpàch – Sammlig vo Multimediadateie

Referanza[ändere | Quälltäxt bearbeite]

  1. Liste des maires au 25 avril 2014 (data.gouv.fr)
  2. Urban 2003, S. 172