Spotsummerdräffe 2016

Us der alemannische Wikipedia, der freie Dialäkt-Enzyklopedy
Zur Navigation springen Zur Suche springen


Di bishärigi Diskussion findsch uf em Stammtisch.

Termiin: Sunntig, 18. Septämber, ab halber drei.

Ort: D-70173 Stuegert.

Mir dräffen is im „Paulaner“, Calwer Str. 45, in dr Nechi vu dr U-Bahn-Station Stadtmitte.

Hallo mitnander! D Plätz em »Paulaner« send reserviirt (bei-ma scheena Wedder em Biirgarda ond bei-ma wiaschda Wedder em Haus). Jetzt erklär i eich noh, wia-nr dui Wirtschaft am schnellschda fendet: Ihr vorlasset d U-Haldestell „Stadtmitte” en dr Fahrtrichdong. Noo kommet’r en an ondrirdischa Ladabereich. Dean vorlasset’r glei lenks uff dr Trepp. Oba goht’s a baar Schritt rechts, ond no glei wiidr lenks. I wart uff eich am Haupteigang. Also: bis zom Sonndich! Henri Berger (vum Stammtisch dohär kopiert)

Churzprotokoll[Quälltäxt bearbeite]

Am Träffe z Stuegert sind deby gsy de Henri Berger, de Holder, de Horgner, de Pakeha, de 80686 und de Freiguet. Wils tüchtig gstrèèzt hät, hämer müese dine sitze – wos aber ganz schön gmüetli gsy isch. Mer händ vil Hischtoorischs über d Schwaabe ghöört, öppe das s de Chupfertraat erfunde händ. Me isch aber ganz sicher, wie s dezue chaa isch – äitwäder wil zwee Schwaaben eso lang um en Pfänig gchèèret händ, bis er ganz lang und tünn usenandzoge gsy isch, oder aber wil en Schwaab en Pfänig dèrewääg lang zwüsched de Finger umetrület hät, wil er nöd gwüsst hät, öb er en sel uusgèè oder nööd, bis er zumene Traat woorden isch… Me händ is au i d Spraachgschicht vertüüfft, öppe vo woo di früenöihoochtüütsch Diftongierig chaa sei – aso das mit de Slaawe lömer glaub lieber nöd in en Wikipedia-Artikel la yflüüsse. Heftig drüber tischgeriert hämer, öbs es «Mittelalemannisch» im Sinn vom Mittelhoochtüütsch gäb oder nööd. Daa simer aber zu käim Schluss chaa, wil en Täil vo de Gruppe scho nach nu guet anderthalb Stund hät müesen uf de Zuug springe. Vorane sind aber na wyteri Träffen aatänkt woorde – Idee hetts gnueg, vo Württebèèrg bis uf Alagna, aber öb au gnueg Lüüt chèèmted?

E Gruppe-Foti mache hämer läider vergässe. Übrigens: Das en Schwaab e bairischs Gaschthuus voorgschlage hät, isch aso nu drum gsy, wils nööch amene Baanhoof glägen isch! Und überhaupt: Vile Dank, Henri Berger, für d Organisazioon vo dèm gmüetliche Träffe! --Freiguet (Diskussion) 21:18, 18. Sep. 2016 (MESZ)

Noodrag: Uf dr WikiCon vorhär z Kornweschte hämer au no dr Ventus55, dr Giftzwerg 88 und dr Micha droffe, wu au scho Artikel bi uns gschribe hän, dezue luter bekannti Gsichter vum Züri-Stammtisch un natyrli au no ne Huffe anderi Wikipedianer un Wikipedianerne. --Holder (Diskussion) 22:10, 18. Sep. 2016 (MESZ)