Vereinigung vu Schwebisch-Alemannische Narrezimft

D Vereinigung vu Schwebisch-Alemannische Narrezimft (dt. Vereinigung Schwäbisch-Alemannischer Narrenzünfte, churz: VSAN) isch dr 1924 grindet Dachverband vu 67 draditionäll uusgrichtete Narrezimft vu dr schwebisch-alemannische Fasnet. D Narrezimft lige in dr Regierigsbezirk Fryybeg, Dibenge, Schwabe un in fimf Kanton vu dr Dytschschwyz.

Gschicht

Fasnet z Wolfe

D Vereinigung vu Schwebisch-Alemannische Narrezimft isch am 16. Novämber 1924 as erschte Dachverband vu dr schwebisch-alemannische Fastnet z Villinge grindet wore. Grindigsmitgliider sin 13 Narrezimft un -verein gsi vu Briilinge, Elzach, Eschinge, Hasle, Hifinge, Laufeburg, Oberndorf, Offeburg, Rautweil, Schramberg, Stocke, Villinge un Waldshuet. Grindet zerscht unter em Arbetstitel Gauverband badischer und württembergischer Narrenzünfte isch uf dr Hauptversammlig am 30. Novämber 1930 z Oberndorf dr Name Vereinigung Schwäbisch-Alemannischer Narrenzünfte bschlosse wore. Dr erscht Bresidänt vu dr Vereinigung isch dr Benjamin Grüninger vu Villinge gsi, wu scho anne 1927 gstorbe isch. Syy Noofolger isch dr Albert Fischer wore, wu au Mitgliid vu dr Narrozumft Villinge gsi isch.

Wu d Nationalsozialischte z Dytschland 1933 an d Macht chuu sin, het des au Folge gha fir d Vereinigung. Ab 1934 het sich dr Bresidänt Fierer gnännt un d Vereinigung isch dr Ryychskulturchammere vu dr NSDAP byydrätte. Anne 1937 het z Minche e vu dr Nationalsozialischte organisierte Karnevalskongress stattgfunde, wu au dr Albert Fischer as Vorsitzer vu dr Vereinigung deilgnuu het. D Vereinigung isch in dr nej grindete Bund Deutscher Karneval ufgnuu wore. Im nämlige Johr isch in dr Vereinigung e Erhebig durgfiert wore, bi welene Mitgliidszimft s e historisch gwagseni Fasnet am Ort gee het. E baar Zimft sin derno in d Kategorii vu dr nit historische Zimft yygordnet wore. Doderzue hän d Zimft vu Fryybeg un Brysach ghert. Wäge däm sin die derno us dr Vereinigung uusdrätte un hän dr Verband vu Oberryynische Narrezimft (VON) grindet. Mit em Uusbruch vum Zweete Wältchrieg isch d Detigkeit vu dr Vereinigung un vu ihre Mitgliidszimft fascht ganz yygstellt wore.

Noch em Zweete Wältchrieg sin ab 1946 mit dr Gnähmigung vu dr Militärverwaltige in dr franzesische Bsatzigszone einzelni Narrezimft wider grindet wore. Am 13. Oktober 1946 isch d Widergrindig vu dr Vereinigung vu Schwebisch-Alemannische Narrezimft uf ere Versammlig z Villinge bschlosse wore. Dr Albert Fischer isch wider zum erschte Vorstand gwehlt wore. Am 24. April 1949 het d Vereinigung alemannischer Narrenzünfte di ändgiltig Zuelossig dur di franzesisch Militärregierig iberchuu. D fufzger Johr sin gchännzeichnet gsi dur Ussenandersetzige in dr Vereinigung um d Wohrig vu dr Fastnetsdraditione. Anne 1953 isch s wäge däm zum Uusdritt vu dr draditionsbwusste Narrezimft vu Elzach, Rautweill un Iberlinge chuu. Ihne isch 1955 d Historisch Narrozumft Villinge 1584 e. V. noogange un 1958 d Narrezumft Oberndorf. Elzach, Rautweil, Oberndorf un Iberlinge bilde syt 1963 dr luck Viererbund ohni Satzig. Wel s Ufnahmeverfahre vu dr Vereinigung vu Schwebisch-Alemannische Narrezimft seli reschtriktiv isch, sin e Huffe anderi Narrevereinigunge im Ruum vu dr schwebisch-alemannische Fasnet grindet wore mit weniger stränge Regle zum Brauchtum un zue dr Uufnahm vu dr neje Zimft. Byyschpel sin d Narrevereinigung Hegau-Bodesee (NVHB - grindet 1959), d Vereinigung vu Hochryynische Narrezimft (VHN - grindet 1964) un dr Alemannisch Narrering (ANR - grindet 1969).

Im Juli 2012 isch mit dr Narrezumft Schnabelgiere Meersburg zum erschte e Zumft uussgschlosse wore. Noch eme Bschluss vu 1988 losst d Verainigung kkai neji Häxegruppe me zue. D Meersburger hän anne 1995 en Aadrag gstellt, ass e Burghäxegruppe zuegloo wird, hän sich aber nit chenne ainige mit dr Verainigung.

Bresidänte

• 1924 - 1927: Benjamin Grüninger, Villinge
• 1927 - 1952: Albert Fischer, Villinge
• 1952 - 1960: Weibert Zehnder, Villinge
• 1961 - 1977: Hans Ströhle, Markdorf
• 1977 - 1989: Karl Dilger, Eschinge
• 1989 - 1995: Horst Bäckert, Lindau
• syt 1996: Roland Wehrle, Furtwange

Narredräffe

• 1929: Villinge
• 1930: Rautweil
• 1933: Stocke
• 1935: Offeburg
• 1936: Oberndorf
• 1938: Iberlinge
• 1950: Radolfzell
• 1956: Riedlinge
• 1960: Singe
• 1964: Offeburg
• 1968: Bad Cannstatt
• 1972: Konschtanz
• 1976: Eschinge
• 1980: Waegaate
• 1984: Lindau/Bodesee
• 1988: Offeburg
• 1992: Bad Cannstatt
• 1996: Waldkilch
• 2000: Wange
• 2004: Singe
• 2008: Bad Waldsee
• 2012: Konschtanz
• 2016: Lindau

Struktur un Ziilsetzig

Zue dr Vereinigung vu Schwebisch-Alemannische Narrezimft ghere mittlerwyyli 69 Narrezimft vu 68 Ortschafte z Bade-Wirttebärg, z Bayern un dr Schwyz. Dr Sitz isch syt dr Yydragig in s Vereinsregischter 1978 Dirre. Ziil vum Verband sin d Bfläg un d Ferderig vum im schwebisch-alemannische Sprochruum vorhandene Fasnetbruuchtum, d Berotig vu dr Mitgliidszimft, d Verdrättig vu däne ihre Inträsse gegeniber Dritte un d Ferderig vu dr Fasmnetsforschig. Z Dirre bedrybt d Vereinigung syter em 5. Mai 1973 dr Narreschopf as Museum un Veraastaltigsort. Organ vum Verband isch d Zytschrift Journal schwäbisch-alemannischer Fastnacht, wu eimol im Johr erschynt. Dr Bresidänt isch syt 1996 dr Roland Wehrle. Vizebresidänte sin dr Otto Gäng un dr Johannes Muschal.

Mitgliidszimft

Syt 1964 sin d Mitgliidszimft acht Landschafte zugordnet: Boor, Bodesee-Linzgau-Schwyz, Donau, Hegau, Hochryy, Neckar-Alb, Oberschwobe-Allgai, Schwarzwald. Eimol im Johr findet Landschaftsdräffe statt, wu sich alli Mitgliidszinft vu eire Landschaft dräffe. All vier Johr dräffe sich alli 67 Zimft zuen eme große Narredräffe vu dr VSAN. S letscht Dräffe het am 23. Jänner 2016 z Lindau stattgfunde.

Ortschaft	Zumft	Landschaft	Narreruef	Figure
Auledorf	Narrenzunft Aulendorf e. V.	Oberschwobe-Allgai	Ha, ha, ha - jo was saischt au	Eckhexe Fetzle Schnörkele Tschore & Rätsch
Bad Cannstatt	Kübelesmarkt Bad Cannstatt e. V.	Neckar-Alb	Narri - Narro - Ahoi	Brunnegoischt (Einzelfigur) Felbekopf Geizig Mond Mondlescher Narremuetter
Bad Dirre	Narrenzunft Bad Dürrheim e. V.	Boor	Narri - Narro	Johli Narro Salzgeist Salzhansel Sieder Zunftwiber
Bad Säckige	Narrenzunft Bad Säckingen e. V.	Hochryy	Narri - Narro	Hüüler Maisehardt-Joggeli Narrepolizist Ranzegarde Römer (Einzellarve) Siechemännli Ur-Maisehardt-Joggeli Wälder
Bad Sulge	Doraus-Zunft 1355 e. V. Saulgau	Oberschwobe-Allgai	Doraus, detnaus - bei d'r alta Linda naus	Blumennärrle Büttel Dorausschreier Pelzteufel Riedhutzel Spitzmäule Zennemacher
Bad Waldsee	Narrenzunft Waldsee e. V.	Oberschwobe-Allgai	AHA	Faselhannes Federle Narro Schrättele Schorreweible s Werners Esel (Einzelfigur)
Boeafurt	Narrenzunft Henkerhaus e. V. Baienfurt 1936	Oberschwobe-Allgai	Henkerhaus - Lass d' Narre raus	Blumennarr Kardelhannes Vogelnarr
Berschis	Fasnachtsgesellschaft Berschis	Bodesee-Linzgau-Schwyz	Use mit de Butzi	Burefigure in Holzlarve
Bonndorf	Pflumeschlucker Bonndorf e. V.	Boor	Narri - Narro	Pflumeschlucker
Briilinge	Narrenzunft Eintracht Bräunlingen	Boor		Bluemehansel Stadtbock Stadthansel Trummler Urhexe
Donaueschinge	Narrenzunft Frohsinn 1853 Donaueschingen e. V.	Boor	Narro - Narro	Hansel un Gretle Kuhseckel Pläri
Egne	Narrenzunft Spritzenmuck Ehingen e. V.	Donau	Kügele - hoi	Dämone Kretteweiber Kügele Muckespritzer Pfanna-Mate un Mate-Kapelle Wild Weib (Hexe)
Ändinge	Endinger Narrenzunft 1782 e. V.	Schwarzwald	Respekt vor uns - Jokili	Altjokili Dialfraili (Einzelfigur) Galli (Einzelfigur) Jokili Rebwib Stadttier (Einzelfigur) Storch (Einzelfigur)
Enge	Narrenzunft Engen e. V.	Hegau	Narri - Narro	Katzemusik Hansele Munding (Einzelfigur) un Blaufärber Narrebüttel (Einzelfigur) Narreeltere Spöckmännle Spöckwieble Waldmann mit Wildsau (Einzelfigure) Narrerot
Fridinge	Narrenzunft Fridingen	Donau	Ju - Hu - Hu	Alti Weiber Bettelmann un Lisebeth (Einzelfigure) Fridinger Narr Pfluegheber Sämann Schneller
Furtwange	Narrenzunft Furtwangen e. V.	Schwarzwald	Narri - Narro	Bodewälder Alti Jumfere Fuhrkigili Hanseli Narrebaumsetzer Spättle Stadthexe
Goisenge	Narrenzunft Grünwinkel 1858 Geisingen e. V.	Boor	Narri - Narro	Gretele Hansele Hexe Narrebüttel Schäfer Theobald un Fridolin
Gengebach	Narrenzunft Gengenbach e. V. 1499	Schwarzwald	Hoorig, hoorig, hoorig isch de Bär	Alt-Gengebacheri Bott (Einzelfigur) Hexe Hemdeglunker Klepperlesbue Klepperlesmaidli Lumpehund Schalk (Einzelfigur) Schnaiger Spättlehansel Schurrer
Haigerloch	Narrenzunft Haigerloch e. V.	Neckar-Alb	Narri - Narro	Bräutelbuebe Bischefle Fledermaus Remple Rottweiler Stadtbutz (Einzelfigur) Uhrafiedla
Hasle	Narrenzunft Haslach i.K. e. V.	Schwarzwald	Narri - Narro	Elefant Gullerriter Haselnarro Klepperlesgarde Närrische Miliz Ranzegarde Schellehansel Storch
Hausach	Freie Narrenzunft Hausach e. V.	Schwarzwald	Narri - Narro	Hansele Spättlemadlee Urmadlee
Hechinge	Althistorische Narrenzunft Narhalla Hechingen e. V.	Neckar-Alb	Narri - Narro	Alte Butze Hacho (Einzelfigur) Pestmännle Roter Butz (Einzelfigur) Schalksnarr
Hirrlinge	Butzenzunft Hirrlingen e. V.	Neckar-Alb	Butz, Butz Dollia - hot an alta Doffel a' Narri - Narro	Butz Butzezuttel Schlosshexe
Hornberg	Narrenzunft Hornberg e. V.	Schwarzwald	Narri - Narro	Brunnehansele Hofschlurfe (Einzelfigur) Hornberger Horn (Teufel)
Hifinge	Narrenzunft Hüfingen e. V.	Boor	Narri - Narro	Baptistle Bärcheappeli Gretle Hansel Berghexe Scheeremanne Siireschalm Zimmermanne
Immedinge	Narrenzunft Strumpfkugler Immendingen e. V.	Boor	Narri - Narro	Bumbismaale (Einzelfigur) Donaugeischt Gretele Hansel Mettebergwiible (Einzelfigur) Strumpkugler
Kiebinge	Butzenzunft Kiebingen e. V.	Neckar-Alb	Narri - Narro	Butz Teufel
Kißlegg	Narrenzunft Kißlegger Hudelmale e. V. Kißlegg	Oberschwobe-Allgai	Schnarragagges - Heidenei	Grundhold Hudelmale Reitenderle Schnarragagges (Einzelfigur)
Konstanz	Konstanzer Blätzebuebe-Zunft e. V.	Bodesee-Linzgau-Schwyz	Ho - Narro	Blätzlebue Hansele Polizeiblätz (Einzelfigur) Gole
Laufeburg/Bade	Narro-Altfischerzunft 1386 Laufenburg	Hochryy	Narri - Narro	Narro Narrönin
Laufeburg/Schwyz	Narro-Altfischerzunft 1386 Laufenburg	Hochryy	Narri - Narro	Narro Narrönin
Lindau	Narrenzunft Lindau/Bodensee e. V.	Oberschwobe-Allgai	Hoppla - ho	Binsegeischter Büttel (Einzelfigur) Kornköffler Laufnarre Narreeltere (Einzelfigure) Moschtköpf Pflasterbuze Schanzegarde
Leffinge	Verein der Laternenbrüder Löffingen e. V.	Boor	Narri - Narro	Hansel Hexe
Markdorf	Historische Narrenzunft Markdorf e. V.	Bodesee-Linzgau-Schwyz	Narri - Narro	Alt-Markdorferi Hänseler Kaujohle Narrebolizei Narrebüttel Narreeltere Vermessungstrupp
Meßkirch	Katzenzunft Meßkirch	Hegau	Hoorig, hoorig, hoorig - isch die Katz	Fledermaus Hirling-Hansele Katze Petter Letzkopf (Einzelfigur) Vumässer
Mehringe	Narrenzunft Möhringen e. V.	Boor	Narri - Narro	Blätzle Hansele Kiltelmadlei (Einzelfigur) Konzeburggoascht (Einzelfigur) Möhrin (Einzelfigur) mit Narresome Schemerichter (drej)
Mihle	Narrenzunft e. V. Mühlheim/Donau e. V.	Donau	Narri - Narro	Holzmächer Kea-Weib Kindernarr Milleri Schellenarr
Munderkinge	Trommgesellenzunft Munderkingen e. V.	Donau	Narro - Hee	Brunnespringer Hofnarr (Einzelfigur) Rathaushexe Siebe Schwabe Trommgselle Wappelöwe (Einzelfigur) Wusele
Oberne	Hexenzunft Obernheim e. V.	Neckar-Alb	O-HO, O-HO, O-HO	Burgfräulein Folterhexe Hexe Ritterpaar Teufel
Offeburg	Althistorische Narrenzunft Offenburg e. V. Offenburger Hexenzunft e. V.	Schwarzwald	Schelle, Schelle, Sechser, Alli alde Hexe, Narro - s'bist mi ä Floh, weiss nimmi wo, am Popo	Althistorische Narrezumft: Bott (Einzelfigur) Domino Fahneschwinger (Einzelfigur) Nachtwächter (Einzelfigur) Veef un Andres (Narreelterne) Ranzegardist Spättlehansel Hexezumft: Büttel Hexe Hexemeischter (Einzelfigur) Spättlehansel Büttel Alt-Offeburgeri
Pfulledorf	Narrenzunft Stegstrecker Pfullendorf e. V.	Bodesee-Linzgau-Schwyz	Narri - Narro	Hexehänsele Narreeltere Narrepolizei Nidler Schaalweib Schneller
Radolfzell	Narrenzunft Narrizella Ratoldi 1841 e. V. Radolfzell	Bodesee-Linzgau-Schwyz	Narri - Narro	Hansele Holzhauer Kappedeschle Klepperle-Narro Narrebolizischt Sämaa Schlegelebeck mit Asmodeus, Beelzebub, Galan, Geiz, Höllebock, Lumpeseggel un Narrefresser (Einzelfigure) Schnitzwiib Schulerbue
Riedlinge	Narrenzumft Gole 1865 e. V. Riedlinge	Donau	Gole	Beseweib Boppele Doppelgsicht Gelbsucht Alter Gole Neuer Gole Golebegleiter Kupfernäs Storch un Fresche
Rauteburg	Narrenzunft Rottenburg Zunft zur Pflege alten Brauchtums	Neckar-Alb	Narri - Narro	Ahlande Bogges Gräfin Mechthild mit Hofstaat Pompele Laufnarr Stadthexe
Sachsene	Urzelnzunft Sachsenheim	Neckar-Alb	Hirräi	Bär un Treiber Mummerl Reifeschwinger Schneider-Rössel Urzel
Schemberg	Narrenzunft Schömberg e. V.	Neckar-Alb	Juhu	Alter Harzer (Einzelfigur) Blätzle (Einzelfigur) Fuchswadel Fransenarr Halbschwarzer (Einzelfigur) Husare Sauglock (Einzelfigur) Warz (Einzelfigur) Zwanz'ger
Schramberg	Narrenzunft Schramberg e. V.	Schwarzwald	Narri- Narro	Briele Da-Bach-Na-Fahrer Endiviebutz (Einzelfigur) Hansel Kehraus (Einzelfigur) Narro
Schwenninge	Narrenzunft Schwenningen e. V.	Boor	Narri - Narro	Hansel Helzlekenig (Einzelfigur) Mooshexe Moosmulle Schantle
Sibne	Röllizunft Siebnen	Bodesee-Linzgau-Schwyz	Rölli Rölli Suppechnölli	Domino Einscheller Fossli Rölli
Simmerenge	Narrenzunft Vetter Guser Sigmaringen e. V.	Donau	Nauf auf d' Stang	Braune Fledermaus Bräutlingsgselle Schlossnarro Traditionsfledermaus
Singe	Poppele-Zunft Singen 1860 e. V.	Hegau	Hoorig	Eierweib (Einzelfigur) Hänsele Hooriger Bär Poppele vom Kraye (Einzelfigur) Rebwiieber Schellehansele Zunftgselle Stadtbär mit Treiber
Stette	Bockzunft Stetten a.k.M. e. V.	Donau	Bock - Mäh	Bock Hudl Ann (Einzelfigur) Johann Jakob Scheiffele (Einzelfigur) Marktfrau Zunftschäfer
Stocke	Das Hohe Grobgünstige Narrengericht zu Stocken e. V. Stockach	Hegau	Narro - Narro	Alt Stockacherinne Grichtsnarre Hans Kuony (Einzelfigur) Hänsele Laufnarre Marketenderinne Zimmerer
Tettnang	Narrenzunft Tettnang e. V.	Oberschwobe-Allgai	Montfort - jehu	Gätterlet Gickeler Hopfenarr Hopfesau (Einzelfigur) Rote Spinne Ur-Hopfenarr
Düenge	Bürger- und Narrenzunft 1503 Tiengen	Hochryy	Narri - Narro	Chatzerölli Narrerot Narregricht + Henker Schnurrewyber
Triberg im Schwarzwald	Narrenzunft Triberg e. V.	Schwarzwald	Narri - Narro	Federeschnabel (Einzelfigur) Roter Fuchs (Einzelfigur) Spättlehansel Triberger Teufel
Unterägeri	Wylägerer Fasnachtsgesellschaft Unterägeri	Bodesee-Linzgau-Schwyz	Narrety - Narretei ... bi üs dähei	Badjöggel Möstliblöser Nüssler mit Alter Mann Bjass Blätz Domino Hudi Tiroler Zigeunerin
Walkilch	Narrenzunft Krakeelia e. V. Waldkirch	Schwarzwald	Narri - Narro	Bajass Kandelhexe Kläpperlebue
Waldshuet	Narro-Zunft Waldshut 1411 e. V.	Hochryy	Narri - Narro	Geltetrummler Hansele Narro
Wange	Wangemer Narrenzunft Kuhschelle Weiß/Rot e. V. Wangen	Oberschwobe-Allgai	Schelle, schelle - Schell - au	Aneweible Flachsnarr Spindelnarr Schellenbue (Einzelfigur)
Wehinge	Narrenzunft 1939 e. V. Wehingen	Neckar-Alb	Narri - Narro	Harrasweible Wehinger Narro Pfhus (Einzelfigur)
Waegaate	Plätzler-Zunft Altdorf Weingarten 1348 e. V.	Oberschwobe-Allgai	Breisgau - Ofaloch	Fasnetsbutzerössle Lauratalgeist Roter Plätzler Rot-weißer Plätzler Schlesslesnarr Waldweible Weißer Plätzler Wurzelsepp
Welledenge	Narrenzunft Wellendingen e. V.	Neckar-Alb	Narri - Narro	Hexe Hexereiter (Einzelfigur) Schellnarr 3 Sterch mit Ehpaar
Wilflenge	Narrenzunft Wilflingen e. V.	Neckar-Alb	Narri - Narro	Clon Narresomestreier Schellnarr Strohbär Teufel
Willisau	Karnöffelzunft Willisau e. V.	Bodesee-Linzgau-Schwyz	Narri - Narro	Altherre Enzilochmanne Moorsträggel Nachtwächter Stadttier Willisauer Wöschwyber Zunftgselle Zünftigi
Wolfe	Freie Narrenzunft Wolfach	Schwarzwald	Narro	Bretschelhans (Einzelfigur) Geldbitelwäscher Grof Konrad (Einzelfigur) Gullerreiter (Einzelfigur) Kaffeedante un Trummler Landsknecht Mehlwurmhansel Narrepolizei Narrogeischt (Einzelfigur) Nasezigler Nussschalehansel Risedame (Einzelfigur) Reslehansel (in schwarz un rot) Rungunkel un Miller Schellehansel Spättlehansel Streifehansel Tambourmajor (Einzelfigur) Wohlaufmann
Zell	Narrenzunft Zell am Harmersbach e. V.	Schwarzwald	Hoorig, hoorig, hoorig isch die Katz, und wenn die Katz nit hoorig wär, no dät sie keini Misli fonge.	Bändelenarro Spielkartennarro Schneckehiislinarro Welschkornnarro

Lueg au

• Fastnacht

Literatur

• Martin Blümcke: Gestalten der schwäbisch-alemannischen Fastnacht. (Südkurier), Konstanz 1989, ISBN 3-87799-050-9
• Vereinigung schwäbisch-alemannischer Narrenzünfte (Hrsg.): Zur Geschichte der organisierten Fastnacht. Doldverlag), Vöhrenbach, ISBN 3-927677-17-5

Weblink

• Homepage der Vereinigung Schwäbisch-Alemannischer Narrenzünfte (VSAN)
• Lischt vu Links zue dr 69 Mitgliidszimft
• Yytrag im Narrewiki
• Alli Ortschafte mit Mitglidszimft vu Vereinigung uf Google Maps