Narrezumft

Us der alemannische Wikipedia, der freie Dialäkt-Enzyklopedy
Zur Navigation springen Zur Suche springen

D Narrezumft isch dr Uusdruck fir di lokale Fasnetsverein vu dr schwebisch-alemannische Fasnet. D Zimft sin vilmol in dr Rächtsform vun eme yydraite Verein e. V. organisiert.

Zwäck un Uusrichtig[ändere | Quälltäxt bearbeite]

Plätzlerzumft Waegaate

D Narrezimft bfläge d Fasnetsbryych in ihrene Heimetortschafte. Doderzue ghere d Uusrichtig vun dr draditionälle Veraastaltige wie s Narrebaumsetze am Aafang vu dr Fasnet oder dr Umzug, wu vilmol Narresprung gnännt wird. Jedi Narrezumft het ei oder mehreri Gruppe (Figure), wu s glyych Hees drage. D Figure gehn vilmol zruck uf historischi Ereignis, Legände oder Sage us em Heimetort vu dr Zumft. Näbe dr Gruppe git s in vile Narrezimft au no Einzelfigure. Jedi Narrezumft het e eigene Narreruef. Organisiert sin d Zimft zmeischt as gmeinnitzigi yydraiti Verein. Dr Vereinsvorstand wird vilmol Zumftmeischter gnännt.

Narrezimft sin syt em Aafang vum 20. Johrhundert grindet wore, vor allem ab dr 1920er Johr. D Name Narrezumft hätt d Uusrichtig uf s alt Fasnetsbruuchtum solle as bewusste Gegesatz zue rheinische Narre- oder Karnevalsgsellschafte bedone. Mittlerwyyli git s schetzigswyys 1.700 Narrezimft oder -verein[1] im Biet vu dr schwebisch-alemannische Fasnet, wu sich dur Nejgrindige allmeh au no Norde in di evangelische Biet vu dr Bade-Wirttebärg uusbreitet.

Narrevereinigunge[ändere | Quälltäxt bearbeite]

Di meischte Narrezimfte ghere zuen ere Narrevereinigung. Ufgabe vu däne Vereinigunge sin zem Byschpel d Rusgab un Wyterentwicklig vu Richtlinie fir d Yyhaltig vu dr Fastnetsdraditione, d Organisation vu regelmäßige Narredräffe un d Verdrättig vu dr Zimft no usse. Di 1924 grindet VSAN isch di eltsch vu sonige Vereinigunge.

D Narrezimft vu Rautweil, Oberndorf, Elzach un Iberlinge ghere zue keire vu däne Narrevereinigunge. Si bilde unterenander dr Viererbund ohni Organisationsstruktur un schriftligi Satzig.

Weblink[ändere | Quälltäxt bearbeite]

Fueßnote[ändere | Quälltäxt bearbeite]

  1. Quelle: Fasnacht zu Beginn des 21. Jahrhunderts uf www.narren-spiegel.de
Information icon.svg Dä Artikel basiert uff ere fräie Übersetzig vum Artikel „Narrenzunft“ vu de dütsche Wikipedia.

E Liste vu de Autore un Versione isch do z finde.