Leffinge

Basisdate
Dialekt:	Alemannisch
Hauptvariante:	Nideralemannisch
Regionalvariante:	Oberrhialemannisch; Ibergang zum Bodeseealem.
Lokalvariante:	Schwarzwald
Bundesland:	Bade-Wirttebärg
Regierungsbezirk:	Friburg
Landkrais:	Brisgau-Hochschwarzwald
Heh:	800 m i. NHN
Flech:	88 km²
Iiwohner:	7676 (31. Dez. 2018)
Bevelkerungsdicht:	87 Iiwohner je km²
Boschtlaitzahl:	79843
Vorwahle:	07654 07707 Ortsteil Unadingen
Kfz-Kennzaiche:	FR
Gmeischlissel:	08 3 15 070
Stadtgliderung:	Kernstadt un 6 Ortsteile
Adress vun dr; Stadtverwaltung:	Rathausplatz 1; 79843 Leffinge
Webpräsenz:	www.loeffingen.de
Burgermaischter:	Tobias Link (CDU)
Lag vo de Stadt Leffinge im Landkrais Brisgau-Hochschwarzwald

Leffinge isch e Stadt im badische Landchreis Brisgau-Hochschwarzwald, gläge an dr Hölledalbahn Titisee-Nöistadt-Doneeschinge un dr Bundesstross (B31).

Leffinger Innestadt mit Maieländer Dor im Hindergrund

Geographi un Naturruum[ändere | Quälltäxt bearbeite]

Als einzigi Gmei vum Landchreis Brisgau-Hochschwarzwald het Leffinge Adeil an dr naturrümliche Eiheit Baar. Dr plötzlich Ibergang vum dicht bewaldete Hochschwarzwald zum wittgehend offene Land vu dr Baar wird im uf dr B 31 vu Friburg im Brisgau nooch Doneeschige fahrende Beobachter bi Rötebach (4 km westlich vu Leffinge) dütlich vor Augen gfüehrt, wo dr Buntsandstei in Muschelchalch ibergot. Dr Grossdeil vu dr Naturruumeinheit Baar lit frili im sich nooch Norde un Oste anschliessende Schwarzwald-Baar-Chreis, vu dem Leffinge dur d'Gauchach abtrennt isch. Die südlich un westlich vu dr Gauchach glägene, vu Muschelchalch- un Keuperschichte prägte Gebite werre hüt zweckmässig als Westbaar beziegigswiis Löffinger Muschelchalchhochland bezeichnet. Im Süde bildet d'Wuetachschlucht e witteri natürlichi Leitlinie, wo glichzittig d'Gränze zum Landchreis Waldshuet-Tiengen bildet. D'Schluchte vu beide Gwässer sin gsi (Gauchach) bzw. sin (Wutach) vor allem bi winterlicher Wittering wirksami Verchehrsschranke. Witteri chleineie Bachlaif durfliesse s'Gebit vu dr Stadt Leffinge vor allem vu Nordwest nooch Südost.

Blick iber d'Westbaar westlich vu Leffinge zue dr Wallfahrtschilche Witterschnee

Au wenn d'Westbaar im Vergliich zum Schwarzwald uf dr erste Blick echer samft wellig erschint git's markanti Höcheunderschid. Dr höchst Punkt wird mit 935 m im Nordoste vum Stadtgebit am Hochmoos an dr Gmarkunigsgrenze zue Fridewiler erreicht. Vu dert fallt d'Gmarkig relativ gliichmässig nooch Süde un Weste ab, bis si dr Rand vu dr Gauchach/- Wuetachschlucht erreicht. Am Zämmenfluss vu Gauchach un Wuetach, wo d'Grenze vu dr Landchreise Brisgau-Hochschwarzwald, Schwarzwald-Baar un Waldshuet-Tiengen ufenander treffe, wird mit 574 m dr diefst Punkt vu Leffinge erreicht.

Entlang vu dr beide Schluchte, sowie im Norde vu dr Leffinger Gmarkig sin grossi Fläche bewaldet, während uf dr Hochflächi vu dr Westbaar landwirtschaftlichi Nutzung vorherrscht. Dr Waldadeil vu 45,4 % isch aber im Vergliich zue dr im Naturruum Schwarzwald zueghörige westlich glägene Noochbergmeie Iisebach (66 %), Lenzchilche (70,1 %) un Fridewiler (77,5 %) dütlich gringer. Dr Bewaldigsgrad vu dr beide südlich un nordöstlich glägene Noochberstädte Bonndorf un Brünlinge lit mit 55,1 % bzw. 50,9 % eweng iber em Wert vu Leffinge.

Uf Leffinger Gmarkig befinde sich Deiler vum Natur- un Landschaftsschutzgebit Wuetachschlucht. Anno 1991 isch südwestlich vu dr Chernstadt s'Natur- un Landschaftsschutzgebit Oxeberg-Litzelstette usgwiise worre, um die wänige dert noch vorhandene Quellsümpf, Füchtgebite mit Straiobstweide, un fer d'Westbaar typische Heckenlandschafte z'erhalde. Dur e Gmeirotsbeschluss vu anno 1992 isch fer die ubebaute Deiler vu dr Gmarkige Leffinge un Seppehofe e Biotopvernetzigskonzept erstellt worre.

Gschicht[ändere | Quälltäxt bearbeite]

Leffinge früeher

Wichtigi Date us dr Leffinger Stadtgschicht

4.-6. Jh. - Besidlig vu dr Westbaar dur d'Alemanne

819 - Ersti urchundlichi Erwähnig vu Leffinge

1270 - Verleihig vu dr Stadträchte dur d'Fürsteberger

ab 13. Jh. - Zentraler Ort vu dr Westbaar

1485 - Ersti Stadterwitterig; wohlhabendi Ackerbürgerstadt

1535 - Erster grosser Stadtbrand; numme d'Chilche blibt erhalde

16.-19. Jh.- Chrieg un Iquartierige füehre numme zue chleinere Krise

1728-1772 - Waldprozess gege d'Fürsteberger; d'Stadt erhaldet Wald

ab 18. Jh. - Bedütender Wallfahrtsort (Winterschneechrüz)

ab 1880 - Verlust der zentralen Marktfunktion

1901 - Aschluss an d'Hölledalbahn

1922 - Zweiter grosser Stadtbrand

1945 - Bombardierig un Wiiderufbau; d'Aldstadt behaldet wittgehend ihr Gsicht

1970-1975 - Igmeindig vu Seppehofe, Dittishuse, Unadinge, Bache, Riselfinge und Gschwiler

1989 - Eröffnig vum Kultur- und Fremdeverchehrszentrums

1997 - Eröffnig vum Interkommunale Gwerbegebit an dr B 31

Ortsdeiler[ändere | Quälltäxt bearbeite]

Bache
Dittishuse
Gschwiler
Riselfinge
Seppehofe
Unadinge

Wahle[ändere | Quälltäxt bearbeite]

Ergebnis vo dr Landdagswahle sit 2006:^[2]

Johr	CDU	SPD	FDP	Grieni	Linki¹	AfD	Suschtigi
2016	28,5 %	13 %	8,5 %	29,6 %	2,7 %	14,4 %	3,3 %
2011	40,3 %	24,3 %	7,7 %	21,4 %	2,3 %		4,1 %
2006	46,1 %	25,5 %	12,6 %	9 %	2,2 %		4,7 %

¹ 2006: WASG, sit 2011: Die Linke

Behörde un Irichtige[ändere | Quälltäxt bearbeite]

Leffinge isch Sitz vum Dekanat Nöistadt vum Erzbistum Friburg.

Fueßnote[ändere | Quälltäxt bearbeite]

↑ Statistisches Landesamt Baden-Württemberg – Bevölkerung nach Nationalität und Geschlecht am 31. Dezember 2018 (CSV-Datei) (Hilfe dazu).
↑ Statistisches Landesamt Baden-Württemberg: Landtagswahl (Memento vom 7. Juli 2019 im Internet Archive)

Weblink[ändere | Quälltäxt bearbeite]

Commons: Löffingen – Sammlig vo Multimediadateie

Des isch e Artikel oder e Absatz über e regionali Bsunderheit. Er dät no besser wirke, wänn er in dr Dialäktspiilart vu sälere Region gschriibe wär. Ich, dr erscht oder dr Hauptautor vu däm Artikel oder däm Absatz, dät mi freie, wänn eber esach in s lokal Alemannisch ibersetze dät. Schryb bitte i dr Zämmefassig dass du de Artikel i de lokale Dialäkt umänderesch.

Lueg dezue au Froge un Antworte zum Dialäkt.

Dä Artikel basiert uff ere fräie Übersetzig vum Artikel „Löffingen“ vu de dütsche Wikipedia. E Liste vu de Autore un Versione isch do z finde.

[Metadaten_Einwohnerzahl_DE-BW-1] Statistisches Landesamt Baden-Württemberg – Bevölkerung nach Nationalität und Geschlecht am 31. Dezember 2018 (CSV-Datei) (Hilfe dazu).

[2] Statistisches Landesamt Baden-Württemberg: Landtagswahl (Memento vom 7. Juli 2019 im Internet Archive)

[1]

[2]