Allgai

s Allgäu – di südligscht Region vo Dütschland

Dialäkt: Weschtallgairisch

s Allgäu ohni di politische Gränze

As Allgai wird d Region im Siide vo Obrschwobe bezoichnet. Dazua ghert a Doil vum boirische Regiirungsbezirk Schwobe, sowia kloine Doil vu Baade-Wirtebearg, Vorarlberg und Tirol. As Allgai isch huit vor allem als Ferieregion bekannt.

E genaue Grenz fir s Allgai gibts nit. Dia hot im Lauf vo da Gschicht variart. Im 16. Johrhundert bispilswis is ganz Obrschwobe als Allgai bezoichnet wore. Da s Allgai touristisch en guate Name wore isch, isch in d lezde Johrzehnt Mindlhaim, Memminge und Werishofe wieder dazuagrechnet wore.

Allgmoi

Ma unterschiidet folgende Doilregiona:

• Oberallgai (d Allgaier Alpe und s uumittlbare Vorlånd)
• Unterallgai (des si nerdlich dra aaschließende Hiigllånd, ghärt aber zm gröschta Doil nimma zum Allgäu)
• Oschdtallgai (grenzt a Oberbaiern)
• Weschdtallgai (mit Dtoil vo de zwoi Låndkrois Linde und Raveschburg; Åltkrois Wange)

In dr Region Allgai leabet uugfähr 560.000 Mensche.

Schdtädt und Gmoinde

Bekanndte Schdtädt und Gmoinde im Allgai sind:

Alteschried Blaicha Buachebearg Dietmaschried Duure Isebearg Fiassa Fische Haldewang Hindelong Immestadt im Allgai

Isny im Allgai Kaufbeuire Kempte im Allgai Laitkirch im Allgai Lindebearg im Allgai Obrschdoarf Schtoufe Pfronte Rettebearg Sonthofa Wange im Allgai

Gwässer

Die greeschde Fliss sind d Iller und dr Lech; zwoi Neabefliss vu dr Donau. Dur s Weschdtallgai fließt d Arge, weele in de Bodesee mindet. Dr Alpsee bi Immeschdtadt und dr ufgschdtaute Forgesee zääled zue de bedidtendschdte See vu dr Region.

Bearg

D zehn hegschte Gipfl

D hegschte Gipfl vo d Allgaier Alpe liege entwedr in Eschtrich odr an dr dytsch-eschtrichische Grenz.

Beargname	Hech	Staat / Bundesland	Untergruppe vo dr AA
Großer Krottenkopf	2.656 m	Eschtrich / Tirol	Hornbachkette
Hohes Liacht	2.651 m	Eschtrich / Tirol	Zentrale Hauptkamm
Hochfrottspitz	2.648,8 m	Bayre + Eschtrich / Tirol	Zentrale Hauptkamm
Mädelegabl	2.644 m	Bayre + Eschtrich / Tirol	Zentrale Hauptkamm
Urbeleskarspitz	2.632 m	Eschtrich / Tirol	Hornbachkette
Stoischartespitz	2.615 m	Eschtrich / Tirol	Zentrale Hauptkamm
Marchspitze	2.610 m	Eschtrich / Tirol	Hornbachkette
Bretterspitz	2.609 m	Eschtrich / Tirol	Hornbachkette
Bockkarkopf	2.608,5 m	Bayre + Eschtrich / Tirol	Zentrale Hauptkamm
Biberkopf	2.599 m	Bayre + Eschtrich / Tirol	Zentrale Hauptkamm

Witere beditsame Gipfl im Allgai

Hoochvogl – 2.591 m Widderschtui – 2.533 m (im Kluiwalserdtaal) Schåfalpekepf – bis 2.320 m (Mindlheimer Kletterschdtoig) Großer Daume – 2.280 m d Naglfluhketta vum Middag – 1.450 bis 1.800 m (Huusbärg vu Immestadt) Lailachschpitz – 2.273 m Hefats – 2.258 m (uiner vu dr beriimdteschdte Allgaier Grasbärg)

Källeschpitz – 2.239 Wengekepf – bis 2.235 m (Hindelanger Kletterschdtoig) Hoher Ife – 2.230 m Neablhorn – 2.224 m Kanzlwånd – 2.058 m Fellhorn – 2.038 m Obere Gottesackerwänd – 2.033 m Walmedinger Horn – 1.990 m Aggeschdtui – 1.987 m

Broiteschdtui – 1.838 m (Huusbärg vu Pfronte) Hohgråt – 1.834 m (Huusbärg vu Stoufe) Riedberger Horn – 1.786 m (hekschdter Bärg vu dr Hernergruppe) Grinte – 1.738 m (Wächter vum Allgai ) Wertacher Hörnle – 1.685 m Besler – 1.680 m Schwarzer Gråt – 1.114 m (hekschdter Gipfl ußerhalb vo d Allgaier Alpe) Pfänder – 1.063 m

D Noardsite vo d Allgair Alpe zwische Füassa und Pfronte mid m Hopfasää im Voardrgrund.

Tuurismus

s Schloss Nuischwanschtoi – en Touristemagnet

Roisebericht verwended geleagendlich die oft loobende Formuliirung „wie im Allgäu“. Si dtaucht z. B. bi Låndschaftsbeschriibunga vo Iislånd, Tschiile, Südamerika und Hesse, sowie zu viile åndere Geegende uf.

Burge und Schlössr

• Schloss Nuischwanschtoi,
• Burgruine Falkenstein bei Pfronte
• Burgruine Eisenberg
• Burg Hohenfreyberg im Oschtallgai
• Schloss Kronburg

Gwässer

• Schoidegger Wasserfälle
• Braitachklamm

Muaddrsproch

D Muaddrsproch vum Allgai isch es Allgairisch, wo zum schwäbisch-alemannische Sprochberiich gheert und zimle näh mit m Vorarlbergische, em Liechteschdtoinische und em Schwäbische verwåndt isch.

Allgaier Kuche

Muasmähl, Hauptzuadad vom Brenntar

D traditionelle Kuche im Allgai isch oifoch. An Haufa Gerichte sin als arme Leit Esse bzw. Restlesesse entstande. Gesse wore isch des, wo mer drhoim odr in dr Umgebig erwirtschaftet hod.

Alb-Leisa Bavesa Brenntar (Häbresmuas, Schwarzer Brei) Katzagschroi Katzete Kirschamichl Nonnefürzle

Ofaschlupfer Rallemues Schliefarnudla Schupfnudla (as Buebaspitzle odr Nackete Mariele) Spätzle (Kässpätzle, Krutspätzle usw.) Versoffene Jungfer

Allgaier Luit

dr Ludwig Ganghofer

• Ludwig Aurbacher (* 26. August 1784 z Tirke, Schwobe; † 25. Mai 1847 z Minke), Leahrer und Schriftsteller
• Michael Bredl (* 1916; † 1999 z Hindelong), Volksmusiker
• Hans Magnus Enzensberger (* 11. November 1929 z Kaufbeira), Dichder, Schriftsteller
• Ludwig Ganghofer (* 7. Juli 1855 z Kaufbeira; † 24. Juli 1920 z Tegernsee), Schriftsteller und Erfinder
• Alfred Weitnauer (* 1905 z Kempte; † 1974 z Obergenzburg), Hoimatpfleger, Schriftsteller, Hischtoriker

Weblink

 Commons: Allgäu – Sammlig vo Multimediadateie

• Hilmar Sturm: Das Allgäu uf heimatbund-allgaeu.de
• 3sat Kulturlandschaften: Allgäu, mit Wladimir Kaminer, vom 22. August 2016, 19:30 Uhr, 28 min.
• Tourismus- und Wirtschaftsinformationen aus dem Allgäu / Tirol uf allgaeu-abc.de
• Dein Allgäu uf dein-allgaeu.de

Beleg

Dä Artikel basiert uff ere fräie Übersetzig vu dere Version vum Artikel „Allgäu“ vu de dütsche Wikipedia. E Liste vu de Autore un Versione isch do z finde.