33 Thomas Street
| 33 Thomas Street AT&T Long Lines Building | |
|---|---|
| |
S’ Gebäi ànna 2007
 dr Schtàndort uff’ra ìnteràktiiwa Kàrta | |
| Basisdate | |
| Ort: | Näi York,  Verainigta Schtààta
|
| Eröffnig: | 1974 |
| Status: | schuu bàuija |
| Baustil: | Brutàlìschmus |
| Architekt: | John Carl Warnecke |
| Nutzig/Rächtligs | |
| Nutzig: | Vermìttlungsschtälla |
| Eigedümer: | AT&T |
| Technischi Date | |
| Hööchi: | 168 m |
| Stöck: | 29 |
| Baustoff: | Betoon, Schtààhl, Gràniit |
| Adrässe | |
| Adrässe: | 33 Thomas Street |
| Bostläitzaal: | NY 10007 |
| Stadt: | New York City |
| Land: | Verainigta Schtààta |
| Dialäkt: Mìlhüüserdiitsch |
33 Thomas Street 
[ˈθɝtiθɹi ˈtɑməs stɹit](info) (zallamols AT&T Long Lines Building) ìsch a 168 Meeter hoocher Wulkakràtzer oohna Fanschter ìm Näi Yorker Schtàdtviartel Tribeca z’ Lower Manhattan. Ìm Gebäi ìsch a Kommunikàzioonsknootapunkt mìt 4ESS-Switches fìr Farng’schpraacha un àndra Vermìttlungsschtälla fìr lokààla-n-Ààbìater. A pààr Litt hann àui gsajt, àss ìm Gebäi a Kommunikàzioonspunkt vu dr National Security Agency (NSA) ìsch.
wu ’s lììgt
[ändere | Quälltäxt bearbeite]S’ Gebäi àm 33 Thomas Street lììgt uff dr Oschtsitta vu dr Church Street zwìscha dr Thomas Street un dr Worth Street.
B’schriiwung vum Gebäi
[ändere | Quälltäxt bearbeite]S’ Long Lines Building ìsch vum Àrkitäckt John Carl Warnecke ìm brutàlìschta Schtiil zaichent worra. D’ Bàuiàrweta hann ànna 1969 ààg’fànga un sìnn ànna 1974 fartigg’màcht worra. Jeeder Schtock ìsch ìm Durschnìtt 5,5 Meeter hooch, dänn s’ Gebäi ìsch fìr Telefoonvermìttlungsànlààga bàuija worra — dàs ìsch vììl meehr àls ìn’ma normààla Hoochhüüs. D’ Beeda sìnn ung’weehnlig schtàrk un känna bis züa 1,5 t/m² trààga.
D’ Üssawander sìnn Betonplàtta, wo mìt schweedischa Gràniit verklaida sìnn. Säcks grossa Vorschprìnga vum rachtäckiga Grundrìss sìnn fìr Luftkànaala, Schtaaga un Uffzììg bàuija worra. Ìm 10. un 29. Schtock gìtt’s a Räihja vu groossa Lìftungsäffnunga. Dr Näi Yorker Schurnàlìscht William H. Whyte hàt g’schrììwa, àss dàs d’ heechschta laara Wander vu dr Walt sìnn.[1][2]
’S wìrd oft àls ain vu da sìcherschta Gebäijer ìn Àmerikà b’schrììwa. ’S ìsch fascht vollschtandig salbschtversorgt, mìt aigana Gààs- un Wàsservorräät sowia-n-era aigana Schtroomärziigung. Domìt ìsch’s bis züa zwai Wucha noh era nukleààra Explosioon vor’m ràdioàktiiwa Nììderschlààg g’schìtzt.[3]
wia ’s b’nutzt wìrd
[ändere | Quälltäxt bearbeite]D’ Firma AT&T betriibt ìn dam Gebäi a Kommunikàzioonszäntrum. Ìm Long Lines Building làuifa Verbìndungsschtranga fìr Kommunikàzioons üss dr gànza Walt zamma. Àmerikà ìsch Transitlànd fìr d’ waltwitta Glààsfààserkààwel.[4]
Dr Whistleblower Edward Snowden hàt gezaigt, àss d’ AT&T ang zamma mìt dr àmerikàànischa G’haimdianschtbeheerda NSA düat schàffa. Waagadam maina vììla Litt, àss ìm Long Lines Building a grooss „Àbheerràuim“ nàmmens „TITANPOINTE“ gìtt. Dia Theorii sajt, àss d’ USA vum Long Lines Building d’ Kommunikàzioon üss 38 Lander (drunter Diitschlànd), àwwer àui vu da Verainta Nàzioona un dr Waltbànk, düat mìtlaasa un -heera.[5][6][7]
D’ Gebäija vun a pààr àndra Sìcherhaitsbeheerda, wia zem Biischpììl s’ Büroo vum FBI, laaga ìn dr Umgaawung.[8][9]
a pààr Bìlder
[ändere | Quälltäxt bearbeite]-
a Blìck uffs Gebäi -
s’ Gebäi vum Oschta har gsah -
a Tail vum Hoochhüüs ànna 2017 -
s’ Gebäi vu dr Kriizung vu Church Street un Worth Street har gsah -
d’ Fàssààda -
dr Iigàng
.jpg)
Weblìnks
[ändere | Quälltäxt bearbeite]
Commons: Long Lines Building – Sammlig vo Multimediadateie- Informàzioona biim Council on Tall Buildings and Urban Habitat (CTBUH)
Ainzelnoohwiisa
[ändere | Quälltäxt bearbeite]- ↑ Sam Roberts: Metro Matters; Urban Dance: Choreographing The City Streets. In: The New York Times. 20. Februar 1989, ISSN 0362-4331 (amerikanisches Englisch, nytimes.com [abgerufen am 6. April 2020]).
- ↑ White, Norval, 1926–2009., Willensky, Elliot., American Institute of Architects. New York Chapter.: AIA guide to New York City. 4. Auflage. Crown Publishers, Näi York 2000, ISBN 0-8129-3106-8 (amerikanisches Englisch, Iigschränkti Vorschau uf books.google.de).
- ↑ Alexander Meyer-Thoene: Das ist der mysteriöseste Wolkenkratzer New Yorks. In: Stern. 22. November 2016, abgruefen am 13. Juni 2021.
- ↑ Florian Rötzer: Die brutalistische Lauscharchitektur von NSA und AT&T. In: heise online. 27. Juni 2018, abgruefen am 13. Juni 2021.
- ↑ New York: Steckt in diesem Hochhaus eine NSA-Abhörstation? In: Spiegel Online. 17. November 2016, abgruefen am 13. Juni 2021.
- ↑ Ryan Gallagher, Henrik Moltke: Titanpointe: The NSA's Spy Hub in New York, Hidden in Plain Sight. In: The Intercept. 16. November 2016, archiviert vom Original am 18. September 2024; abgruefen am 20. September 2024 (amerikanischs Änglisch).
- ↑ Jim Dwyer: National Security Agency Said to Use Manhattan Tower as Listening Post. In: The New York Times. 17. November 2016, abgruefen am 20. September 2024 (amerikanischs Änglisch).
- ↑ Long Lines Building: Das steckt hinter dem Wolkenkratzer ohne Fenster – Bauen. In: Focus Online. 27. Januar 2018, archiviert vom Original am 30. Juni 2021; abgruefen am 14. Oktober 2018.
- ↑ Daniel Fersch: New York: Snowden-Dokumente offenbaren Geheimnis des fensterlosen Wolkenkratzers. In: Welt Online. 17. November 2016, archiviert vom Original am 1. Juni 2023; abgruefen am 13. Juni 2021.
|
Dä Artikel basiert uff ere fräie Übersetzig vu dere Version vum Artikel „33_Thomas_Street“ vu de hochdütsche Wikipedia. E Liste vu de Autore un Versione isch do z finde. |
Koordinate: 40° 42′ 59,9″ N, 74° 0′ 21,8″ W