Seychellen

Republic of Seychelles (engl.) République des Seychelles (frz.) Repiblik Sesel (Seselwa) Republik vo de Seychelle
Wahlspruch: Finis Coronat Opus. Latein: „Dr Abschluss krönt s Wärk“
Amtsschpraach(e)	Seselwa, Englisch, Französisch
Hauptschtadt	Victoria
Schtaatsform	Republik
Schtaatsoberhaupt und Regierigschef	Präsident James Alix Michel
Flächi	455 km²
Iiwohnerzahl	84.600 (Stand: 2006)
Bevölkerigsdichti	177 Iiwohner pro km²
Währig	Seychelle-Rupie
Unabhängigkeit	29. Juni 1976 (vo Groossbritannie)
Nationalhymne	„Koste Seselwa“
Ziitzone	UTC +4
Kfz-Kennzeiche	SY
Internet-TLD	.sc
Vorwahl	+248

D Republik vo de Seychelle (dt. Seychellen: [zeˈʃɛlən], engl.: [seɪˈʃɛlz], frz.: [seˈʃɛl]) isch ä Inselstaat im Indische Ozean. Er lit östlig vo Afrika und nördlig vo Madagaskar und Mauritius. Zwüschen Afrika und de Seychelle liige d Komore.

D Seychelle si früehner ä britischi Kolonii gsi. D Selbstverwaltig hai si 1970, d Unabhängigkeit 1976 übercho. Die so genannti Ersti Republik isch aber erscht 1976 gründet worde. 1979 isch die Zweiti Republik usgruefe worde mit emä Ei-Parteie-System. Erst 1993 isch die aktuelli Verfassig, die Dritti Republik, in Chraft dräte, wo widr mehreri Parteie zueloot..

Bevölkerig

Die groossi Mehrheit vo der Bevölkerig (über 90 %) wärde hüfig as „Kreole“ bezeichnet. Si si ehnder dunkelhüütig und vo gmischter Abstammig us afrikanische und madagassische Sklave und europäische Siedler. Si schwätze Seselwa as Mueterschbrooch. Drnäbe existiert ä Minderheit vo Lüt wo vo Europäer abstamme, und chliini chinesischi und indischi Minderheite. Die groossi Mehrheit vo der Bevölkerig (90 %) isch katholisch, öbbe 8 % si Protestante. D Chinese und d Inder si Ahänger vo Religione us ihre Härkumftsländer.

Weblinks

• Länder- und Reise-Informationen des Auswärtigen Amtes
• Websiite vo der Republik Seychelle (englisch)
• Seychelles Nation – Einzigi Tageszeitig vo de Seychelle (englisch)
• Natur-Reisebricht über d Seychellen
• Video über d Gschicht und d Natur vo de Seychellevom Fremdenverkehrsamt vo de Seychelle
• SEZ Seychelle
• Bilder von den Seychellen