Asien

Us der alemannische Wikipedia, der freie Dialäkt-Enzyklopedy
Hops zue: Navigation, Suech

Asie

Two-point-equidistant-asia.jpg
Flechi 43,810,582  km² )
Iiwohner 3,902,404,193
Bevölkerigsdichdi 89.07/km² (181/sq mi)
Demonym: Asiate
Regierige 37 Länder
D Lag vo Asie uf dr Wält

Asie isch dr gröschd Kontinänt (29,4% vo dr Landflechi vo dr Ärde), het die gröschdi Iiwohnerzahl (meh as 60% vo alle Mensche) und isch au am dichdischde bevölkeret. Es isch dr öschdlig Deil vo Eurasie. Im Weschde wird as Gränze zu Europa dr Ural gnoh und am Suezkanal schdoosst Asie uf Afrika. Im Norde lit dr Arktisch Ozean, im Oschde dr Pazifik und im Süde dr Indisch Ozean. Dr Groossdeil vo dr Landmasse lit in dr nördlige Hemisphäre.

D Iideilig vo Asie in Regione, noch dr UNO
    Nordasie
    Zentralasie
    Weschdasie (Middlere Oschde)
    Südasie
    Oschdasie
    Südoschdasie

Asie wird gschichdlig, kulturell, ethnisch und geographisch in Regione iideilt: Sibirie, Oschdasie, Südoschdasie, Zentralasie, dr indisch Subkontinänt und dr Middler Oschde.