Westsahara

Us der alemannische Wikipedia, der freie Dialäkt-Enzyklopedy
Hops zue: Navigation, Suech
D Westsahara isch hüte deilt, dr Weste stoht under dr Kontrolle vo Marokko (grüen), dr üssersti Oste und Süde under dr Kontrolle vo dr Polisario (gääl)
Nume die gääli „Freiji Zone“, wo asserhalb vom „Marokkanische Wall“ lit, befindet sich nid under dr marokkanische Herrschaft
Charte vo dr Westsahara

D Westsahara (schbanisch Sahara Occidental) isch e Territorium an dr Atlantikküste vo Nordwestafrika, wo noch em Abzug vo dr ehemolige Kolonialmacht Spanie vo Marokko beaasprucht und zum grösste Deil bsetzt worden isch. Marokko luegt das Gebiet, wo in dr vorkoloniale Zit vo ihm e bitzeli abhängig gsi isch, as Deil vo sim Territorium. D „Befreijigsfront“ vo de Sahrauis (dr Bevölkerig vo dr Westsahara), dr Frente Polisario wo scho in dr spanische Kolonialzit entstande und ursprünglig kommunistisch orientiert gsi isch, kämpft für en unabhängige Staat, die Demokratischi Arabischi Republik Sahara, uf em ganze Territorium vo Westsahara. Sit em Waffestillstand vo 1991 het d Frente Polisario d Kontrolle über en Oste vo Westsahara (lueg d Charte). Die Vereinte Natione verlange, ass e Referendum über en endgültig völkerrächtlig Status vom Gebiet duuregfüehrt wurd. Über d Modalidäte für sone Abstimmig si sich Marokko und d Frente Polisario nonig einig worde.

Litratur[ändere | Quälltäxt bearbeite]

  • Wolfgang Creyaufmüller: Nomadenkultur in der Westsahara. Die materielle Kultur der Mauren, ihre handwerklichen Techniken und ornamentalen Grundstrukturen. Burgfried-Verlag, Hallein (Österreich) 1983; 3. Auflage: Verlagsbuchhandlung Creyaufmüller, Stuttgart 1995, ISBN 3-9801032-1-8.
  • John Mercer: Spanish Sahara. George Allen & Unwin Ltd, London 1976

Weblingg[ändere | Quälltäxt bearbeite]

Wikiatlas Wikimedia-Atlas: Westsahara – geographischi un historischi Charte
 Allmänd (Commons): Westsahara – Sammlig vo witere Multimediadateie