Mali

Us der alemannische Wikipedia, der freie Dialäkt-Enzyklopedy
Hops zue: Navigation, Suech
République du Mali

Republik Mali

D’Flagge vo République du Mali Republik Mali
S Wappe vo République du Mali Republik Mali
Wahlspruch: Un peuple, un but, une foi
(frz. für „Ei Volk, ei Ziil, ei Glaube“)
Amtsschpraach Französisch
Hauptschtadt Bamako
Schtaatsform Präsidialrepublik
Schtaatsoberhaupt De Vorsitzende vom Nationalkomitee, de Amadou Sanogo (de facto)
Regierigschef Amadou Sanogo (de facto)
Flächi 1.240.192 km²
Iiwohnerzahl 11.716.829 (S 2006)
Bevölkerigsdichti 10 Iiwohner pro km²
BIP/Iiwohner 367 US-$ (2004)
HDI 0,338 (Stand 2004)
Währig CFA-Franc BCEAO (XOF)
Unabhängigkeit vo Frankriich am 22. September 1960
Nationalhymne Pour l'Afrique et pour toi, Mali
Ziitzone UTC
Kfz-Kennzeiche RMM
Internet-TLD .ml
Vorwahl +223
Ml-map.png
Mali Topography.png

Mali (dt. Aussproch: [ˈmaːli]; frz.: [maˈli]) isch ä Schdaat z Weschdafrika, wo früehner ä französischi Kolonii gsi isch und Französisch-Sudan ghaisse het, aber sit 1960 vo Frankriich unabhängig isch. Im Norde gränzt er an Algerie und Mauretanie, im Weschte an Senegal und Guinea, im Oschte an Niger und im Süde an Burkina Faso und d Elfebeiküschde. Ä groosse Deil vo dr Sahara ghört zu Mali, und au Deil vom Sahel und em Sudan. Mali zelt as glungnigs Bischbiil von erä Demokratisierig z Afrika, isch aber eins vo de ärmschte und am wenigschte entwickelede Länder uf dr Wält. Noh 2003 hai d Lüt, wo vo weniger wie eim US-Dollar pro Dag hai müesse läbe, 73 % vo dr Bevölkerig usgmacht. In de Folg vo emem Militärputsch hei d Tuareg de Norde vom Land unter ihri Kontrolle brocht und am 6. Aprile 2012 de Staat Azawad usgruefe, wo abe rbisher international nöd aaerkennt worde-n-isch.

Name[ändere | Quälltäxt bearbeite]

S Groossriich Mali im 13. Johrhundert

Dr Name Mali chunnt vom Groossriich Mali, wo vom 13. bis zum 15. Johrhundert in däm Gebiet exischdiert het. In dr iiheimischen Schbrooch Bambara isch Mali au s Wort für s Wappedier vom Land: em Flusspfärd.