Tunesien

Us der alemannische Wikipedia, der freie Dialäkt-Enzyklopedy

الجمهورية التونسية al-Dschumhūriyya at-Tūnisiyya Tunesischi Republik
Amtsschpraach(e)	Arabisch(1)
Hauptschtadt	Tunis
Schtaatsform	Präsidialrepublik
Schtaatsoberhaupt	Präsident Zine el-Abidine Ben Ali
Regierigschef	Ministerpräsident Mohamed Ghannouchi
Flächi	163.610 km²
Iiwohnerzahl	10.276.158 (2007)
Bevölkerigsdichti	61 Iiwohner pro km²
BIP/Iiwohner	2.880 US-$ (2006)
Währig	1 Tunesisch Dinar (tD) = 1.000 Millimes
Unabhängigkeit	20. März 1956 (vo Frankriich)
Nationalhymne	Humat al-hima
Nationalfiirtig	20. März
Ziitzone	MEZ (UTC +1)
Kfz-Kennzeiche	TN
Internet-TLD	.tn
Vorwahl	+216
(1) Bildigssprache isch Französisch

Tunesie (amtlig die Tunesischi Republik) isch ä Staat in Nordafrika, wo im Norde und Oste an s Mittelmeer, im Weste an Algerie und im Süde an Libye gränzt. Si Name isch vom Name vo siiner Hauptstadt Tunis abgleitet. Tunesie isch s östligste vo de Maghreb-Länder. Die grössti vorglagereti Insle isch Djerba (514 km²). D Flechi vom Land isch dopplet so gross wie die vo Östriich.

Inhaltsverzeichnis 1 Bevölkerig 1.1 Allgemeins 1.2 Religion 2 Weblingg

[ändere] Bevölkerig

[ändere] Allgemeins

Öbbe 98 % vo de Tunesier si Araber und arabisierti Berber und 1,2 % Berber. Drnäbe git s Minderheite vo Franzose, Italiener und Malteser. Tunesie isch sehr ungliich besiidlet; 70 % vo de Iiwohner läbe im Norde vom Land, vor allem an der Küste. 65 % hai 2005 in Stedt gwohnt. Au wenn s Bevölkerigswaggstum (2004: 1 %) ufgrund vo intensive Familieplanigskampagne sinkt, isch 2005 der Adeil vo de Iiwohner under 15 Johr no 26 % gsi. Tunesie ghört zu de wohlhabendere Länder vo Afrika. Arbetsgsetz bestöhn scho sit 1910; s Sozialversicherigssystem wird wiiter usbaut. S relativ guet entwigglete staatlige Gesundheitswäse brobiert, s Stadt-Land-Gfäll abzbaue. D Läbenserwartig isch 2005 73 Johr gsi. D Schuelpflicht bestoht vom 6. bis zum 14. Läbensjohr; öbbe 17 % vo alle Mann und 35 % vo alle Fraue si 2004 no Analphabete gsi. Scho 1674 isch d Universität vo Tunis gründet worde.

[ändere] Religion

Der Islam isch in Tunesie d Staatsreligion; öbbe 99 % vo der Bevölkerig si sunnitischi Muslim. Es het nume wenig Christen (20.000 Katholike und protestantische Minderheit) und di si meistens vo europäischer Abstammig. Drnäbe git s no rund 2.000 Jude, dr Räst von erä uralte Bevölkerigsgruppe, wo früehner emol bedütend gsi isch. Uf der Insle Djerba stoht sit wohrschiinlig meh as 1.000 Johr d Al-Ghriba-Synagoge („Die Erstuunligi“), eini vo de ältiste Synagoge vo der Wält. Jedes Johr, am 33. Tag noch em Pessach-Fest (gliichziitig mit em westchirchlige Ostertermin), findet do die grössti jüdischi Wallfahrt vo Nordafrika statt. Zu dere Wallfahrt wärde Gläubigi us der ganze Wält erwartet. Uf Djerba läbe au no ä baar muslimischi Kharidjite.

[ändere] Weblingg

• Länderinformationen des Auswärtigen Amtes zu Tunesien
• Internetzensur in Tunesien
• Tunesischi Regierig (französisch)
• Fremdeverchehrsamt
• Tunesischs Institut für Statistik Quelle für die Bevölkerungsangaben

Koordinate: 30°-37° N, 8°-12° O

De Artikel Tunesien uss de Kategory Geografy isch leider no zimlig churz! Wenn dr meh züe dem Thema weisch, no schrib s dezüe und entfern nochher d Markierig {{Stumpen|1}}. Wenn de no nie e Stumpe erwitert häsch, no findsch do Hilf dezüe.