Australien

Australie

Dä Artikel behandlet dr Staat Australie. Für e Kontinänt Australie lueg do

Commonwealth of Australia Commonwealth von Australien
Wahlspruch: kei Wahlschbruch früehner: Advance Australia („Gang vorus, Auschdralie“)
Amtsschpraach(e)	Englisch (de facto)
Hauptschtadt	Canberra
Schtaatsform	Parlamentarischi Monarchii
Schtaatsoberhaupt	Königin Elizabeth II. verdräte vom Generalgouverneur Major General Michael Jeffery
Regierigschef	Premierminister Julia Gillard
Flächi	(6.) 7.692.030 km²
Iiwohnerzahl	(52.) 20.572.356 (Stand 2. Juli 06)
Bevölkerigsdichti	(191.) 2,7 Iiwohner pro km²
BIP/Iiwohner	33.120 US-$ (2005)
Währig	Australischer Dollar
Nationalhymne	Advance Australia Fair
Ziitzone	UTC +8 bis +11
Kfz-Kennzeiche	AUS
Internet-TLD	.au
Vorwahl	+61

Australie (engl. und lat. Australia, abgleitet vo lat. terra australis ‚südligs Land‘; offizielle Name Commonwealth of Australia) isch vo dr Flechi us dr sächstgrössti Staat uf dr Wält. Er lit uf dä Südhalbchuglä vo dä Erde, uf em Kontinänt Australie.

D'Hauptstadt vo Australie isch Canberra. Wirschaftszentre sind aber d'Millionestädt Sydney und Melbourne. Dur s'Nothern Territory goht de südlich Wendekreis. Drum sind döt d'Trope z'finde. 80% vo de rund 20,6 Mio. Aussis (Australier) wohned in Küstenöchi. Im Zentrum vo de Insle isch Wüeschti und nur sehr wenig menschliches Läbä. Anderi, inoffizielli Näme für Australie si Down Under oder Oz, Bezeichnige wo vor allem vo de Australier sälber bruucht wärde.

Perth

Die grossi Stadt im Weste vo Australie mit cirka 1,5 Mio Iwohner isch d Hauptstadt vo Western Australia. Isch a beliebte Reisedestination für Sprachschüeler us Europa (vorallem Schwiizer), Asie (Japaner u Koreaner) und Südamerika (Kolumbier und Brasilianer). D Stadt wird düre Swan River i North u South Perth trennt. Eine vo de schönschte Plätz isch dr Kings Park. Gläge ufemne Hügu het mr e gueti Ussicht uf dr Swan River ud Stadt. Er bietet Möglichkeite für Barbis (BBQs) u schöni Ligewiesene. Mit Gratisbussene oder z Fuess ischer problemlos vom Stadtzentrum erreichbar.

Externi Syte

• Offizielli Syte vo Perth (Änglisch)
• Australie Reisefüehrer speziell für alle Ziehfegg un Backpacker gdacht (Ditsch)