Mauritius

Us der alemannische Wikipedia, der freie Dialäkt-Enzyklopedy
Hops zue: Navigation, Suech
Republic of Mauritius

Republik Mauritius

Flagge von Mauritius
Wappen von Mauritius
Flagge Wappen
Wahlspruch: Stella Clavisque Maris Indici.
Latiinisch, „Schtärn und Schlüssel vom Indischen Ozean“
Amtsschpraach Englisch
Hauptschtadt Port Louis
Schtaatsform Republik
Schtaatsoberhaupt Kailash Purryag
Regierigschef Navin Ramgoolam
Flächi 2.040 km²
Iiwohnerzahl 1.220.481 (Schtand Juli 2004)
Bevölkerigsdichti 598 Iiwohner pro km²
BIP/Iiwohner 4.244 US-$ (2004)
Währig Rupie
Unabhängigkeit 12. März 1968 (vom Vereinigte Königriich)
Nationalhymne Motherland
Ziitzone UTC +4
Kfz-Kennzeiche MS
Internet-TLD .mu
Vorwahl +230
LocationMauritius.png
Mauritius-CIA WFB Map.png

Mauritius (dt.: [maʊ̯ˈriːtsi̯ʊs], engl.: [məˈɹɪʃəs]) isch än Inselschdaat im Südweschte vom Indischen Ozean, öbbe 900 km öschtlig vo Madagaskar. Im Norde befinde sich d Seychelle und im Weschte isch s französische Überseedépartement La Réunion.

Vo 1958 aa het Groossbritannie Mauritius uf si Selbstschtändigkeit vorbereitet. S allgemeine Wahlrächt isch iigfüehrt worde und d Insle het politischi Autonomii übercho. Nach 150 Johr, wo Groossbritannie gherrscht het, isch Mauritius am 12. März 1968 unabhängig worde, isch aber Deil vom Commonwealth bliibe. Dr Füehrer vo dr Arbeiterpartei, dr Sir Seewoosagur Ramgoolam, isch dr erscht Premierminister worde, und er het Mauritius in den erschte 14 Johr vo siiner Unabhängigkeit gregiert. Sit Juli 2005 isch si Sohn Premierminister.

Am 12. März 1992 isch Mauritius noch dr Iifüehrig von erä neue Verfassig ä Republik worde. Mauritius isch eini vo de wenige schtabile repräsentative Demokratie z Afrika mit freie Wahle und Garantie für Menscherächt.

D Bevölkerig[ändere | Quälltäxt bearbeite]

Mauritius het öbbe 1,2 Millione Iiwooner. Öbbe zwäi Driddel von ene stamme vom indische Subkontinänt. E groosse Däil vo dr übrige Bevölkerig si sogenannti Kreole, wo vo Sklave us Afrika und Madagaskar abstamme, wo sich mit andere Gruppe, vor allem Öiropäer, vermischt häi. Guet zwäi Brozänt vo de Mauritier si Chinese, die wissi Minderhäit isch e chli chliiner. Uriiwooner git s nit, wil Mauritius vor dr Kolonialisierig umbewoont gsi isch und nume gläägentlig vo arabische Seefaarer bsuecht worde isch.

D Sprooche[ändere | Quälltäxt bearbeite]

Fast die ganz Bevölkerig schwätzt im Alldaag Morisyen. Das isch e Kreolsprooch, wo uf em Französische basiert. Es isch d Muetersprooch vo 80 Brozänt vo de Iiwooner. Änglisch isch d Amtssprooch und Franzöösisch wird immer no von ere chliine Elite gschwätzt.