Südsudan

Us der alemannische Wikipedia, der freie Dialäkt-Enzyklopedy
Hops zue: Navigation, Suech
Disambig.svg Dä Artikel behandlet d Republik Südsudan. Für anderi Bedütige vo Sudan lueg Sudan (Begriffsklärung)


Südsudan
South Sudan (engl.)
Flagge des Südsudan
Wappen des Südsudan
Flagge Wappen
Wahlspruch: „Justice, Liberty, Prosperity“

(ängl. für „Grächtigkeit, Freiheit, Wohlstand“)

Amtsschpraach Änglisch
Hauptschtadt Juba
Schtaatsform Republik
Schtaatsoberhaupt und Regierigschef Presidänt Salva Kiir Mayardit
Flächi 619.745 km²
Iiwohnerzahl 8,26 Mio. (noch em gsamtsudanesische Zensus vo 2008)
Bevölkerigsdichti 9,10 Iiwohner pro km²
Währig Sudanesischs Pfund (blant: Südsudanesischs Pfund)
Gründig 2005 als autonomi Region vom Sudan. Unabhängigkeit vom Sudan am 9. Juli 2011.
Nationalhymne South Sudan Oyee!
Ziitzone UTC+2
South Sudan in its region (undisputed).svg
D Staatsgränze entspricht de früehnere Provinzgränze. Strittig si d Gebiet Abyei und Ilemi


Dr Südsudan (änglish South Sudan) oder au Southern Sudan, offiziell änglisch Republic of South Sudan (RoSS),[1][2] arabisch جنوب السودان, Ǧanūb as-Sūdān) isch e Staat in Nordost-Afrika, wo am 9. Juli 2011 vom Sudan unabhängig worden isch. Vorhär isch s Gebiet 1972–1983 und wider 2005–2011 en autonomi Region vom Land gsi.

Geographii[ändere | Quälltäxt bearbeite]

Dr Südsudan isch flechemässig öbbe dopplet so gross wie Dütschland, het aber nume öbbe e Zähntel so vil Iiwohner. Im Norde isch s Land dur Savanne und Drochewälder brägt, im Süde dur dropische Rägewald. Die höggsti Erhebig isch dr Kinyeti in de Imatong-Bärge. Dr Wiiss Nil fliesst dur d Region und bildet s Sumpfland Sudd. Dr Nilnäbefluss Bahr al-Arab (Kiir) bildet dr nordwestlig Deil vo dr Gränze zum Nordsudan. Die Gränze isch allerdings nit markiert, und näben em Abyei-Gebiet git s no anderi Gränzregione mit Weideland und Rohstoffvorkomme, wo s nid klar isch, wämm die ghöre, so zum Bischbil d Enklave vo Kafia Kingi.[3][4][5] Im üsserste Südoste lit s Ilemi-Dreiegg, wo vom Sudan, vo Kenia und vo Ethiopie beaasprucht wird; d Haltig vo dr südsudanesische Regierig in däm Gebietsstriit isch no umbekannt.

Bevölkerig[ändere | Quälltäxt bearbeite]

Noch offizielle Resultat vom gsamtsudanesische Zensus vo 2008 het dr Südsudan denn öbbe 8,26 Mio. Iiwohner gha, was 22 % vo dr Bevölkerig vom ganze Sudan gsi isch. Die gsetzgäbendi Versammlig vom Südsudan het bestritte, ass die Zahle richtig wäre, und isch von ere höchere Iiwohnerzahl usgange.[6][7]

Die grössti Volksgruppe si d Dinka, wo zu de Nilote ghöre, drnäben läbe im Land no die nilotische Nuer und Schilluk, d Azande und e baar anderi Gruppe.

Währed dr Nordsudan mehrheitlig islamisch isch, ghört d Bevölkerig im Südsudan vor allem zum Christedum und zu lokale Religione. Vor allem nochdäm 1964 usländischi Missionär usgwiise worde si, hai immer meh Südsudanese zum Christedum konvertiert.[8] D Christe si mehrheitli Katholike und Anglikaner.

Noch Aagoobe vo de südsudanesische Behörde für 2009 si im Ganze 73 % vo dr Bevölkerigm wo der über fufzähni isch, Analphabete.[9] 20–34 % vo dr Bevölkerig si underernährt.

Öbbe vier Millione Südsudanese si wägem Bürgerchrieg in s Usland gflüchdet. 2006 isch gschetzt worde, ass drei Millione von ehne wei dr Südsudan zrugggoh.[10] Bsunders vor em Unabhängigkeitsreferendum im Januar 2011 si e Hufe von ehne zrugggange.[11]

Fuessnote[ändere | Quälltäxt bearbeite]

  1. Art. 1, 1 vom Entwurf vo dr Übergangsverfassig vo Südsudan, 2011.
  2. Sudan Tribune, 16. Februar 2011, South Sudan political parties to discuss flag and currency Thursday.
  3. Sergio Peçanha: The Tough Task of Defining Sudan’s North-South Border, in: New York Times, 15. Januar 2011.
  4. More than a Line: Sudan's North-South Border, Concordis International Sudan Report, September 2010 (PDF).
  5. Sudan: Defining the North-South Border, International Crisis Group, September 2010.
  6. Maggie Fick: S. Sudan Census Bureau Releases Official Results Amidst Ongoing Census Controversy, in: enough Project, 8. Juni 2009.
  7. Isaac Vuni: South Sudan parliament throw outs census results, in: Sudan Tribune, 7. Juli 2009.
  8. Douglas H. Johnson: The Root Causes of Sudan’s Civil Wars, James Currey Publishers, 2003 (African Issues), ISBN 978-0-85255-392-3, S. 31, 35.
  9. Southern Sudan Centre for Census, Statistics and Evaluation: Statistical Yearbook for Southern Sudan 2010 (PDF), S. 48.
  10. From North to South: Sudan's displaced head home, in: IRIN News, 20. April 2006.
  11. Southern returnee deluge leaves aid workers in a quandary, in: IRIN News, 28. Dezember 2010. Abgrüeft am 4. Januar 2011.