Angola

Dä Artikel bhandlet de Staat. Wyteri Bedütige vo „Angola“ findsch doo.

República de Angola Republik Angola

Wahlspruch: Virtus Unita Fortior (lat.,„Vereinigti Sapferkeit isch schderker“)
Amtsschpraach(e)	Portugiisisch
Hauptschtadt	Luanda
Schtaatsform	Präsidialrepublik
Schtaatsoberhaupt	Präsident José Eduardo dos Santos
Regierigschef	(de Präsident)
Flächi	1.246.700 km²
Iiwohnerzahl	12.127.100 (Apr. 2007)^[1]
Bevölkerigsdichti	9 Iiwohner pro km²
BIP/Iiwohner	5.033 US-$ (2007)
Währig	Kwanza
Unabhängigkeit	vo Portugal am 11. November 1975
Nationalhymne	Angola Avante
Ziitzone	WAT (UTC+1)
Kfz-Kennzeiche	ANG
Internet-TLD	.ao
Vorwahl	+244

Angola (dt. Uschbrooch: /aŋˈgoːla/, port.: /ɐŋˈgɔlɐ/) isch ä Schdaat in Südwescht-Afrika. Nationalfiierdig isch der 11. November, dr Dag vo der Unabhängigkeit (1975). Angola gränzt an Namibia, Sambia, die Demokratischi Republik Kongo und dr Atlantisch Ozean. D Exklave Cabinda (früehner Portugiisisch Kongo), lit ganz im Norde zwüsche der Demokratische Republik Kongo und der Republik Kongo am Atlantik.

Der Name Angola leitet sich vom Ditel Ngola vo de König vo Ndongo ab, emä Vasalleschdaat vom Kongoriich. D Region het ihre Name vo de erschte portugiisische Seefahrer übercho, wo dört an der schwarzafrikanische Küschte glandet si und ä Padrão (plural: Padrões), ä Chrüz us Schdei ufgschdellt hai as Zeiche, dass das Land em portugiisische König ghört. Wiiteri Padrões finde sich wiiter südlig bi dr Walfischbucht und an der südafrikanische Küschte. (D Original vo dene wärde im Museum für Gschicht z Kapstadt ufbewahrt.)