Grenada

Us der alemannische Wikipedia, der freie Dialäkt-Enzyklopedy
Hops zue: Navigation, Suech
State of Grenada

Staat Grenada

Flagge Grenadas
Wappen Grenadas
Flagge Wappen
Wahlspruch: Ever conscious of God we aspire, build and advance as one people (äng., „Immer mit Verdraue in Gott sträbe, bauen und laufe mer as ei Volk vorwärts“)
Amtsschpraach Englisch
Hauptschtadt St. George’s
Schtaatsform Konstitutionelli Monarchii
Schtaatsoberhaupt Königin Elisabeth II.

verdräte dur e Gouverneur Cécile La Grenade

Regierigschef Keith Mitchell
Flächi 344 km²
Iiwohnerzahl 90.739 (2009)
Bevölkerigsdichti 260 Iiwohner pro km²
BIP nominal (2007)[1] 590 Mio. US$ (169.)
BIP/Iiwohner 5.571 US$ (74.)
HDI 0,813 (74.)
Währig 1 Ostkaribische Dollar = 100 Cents
Unabhängigkeit 7. Februar 1974 vo Grossbritannie
Nationalhymne Hail Grenada
Ziitzone UTC−4
Kfz-Kennzeiche WG
Internet-TLD .gd
Vorwahl +1 (473)
Karibik Grenada Position.png
Grenada-map.png

Grenada isch en Insle in de Chliinen Antille, ghört zu de Insle über em Wind. Dr Inselstaat bildet en eigeständige Mitgliidstaat vom Commonwealth of Nations.

Geografii[ändere | Quälltäxt bearbeite]

D Insle lit zwüsche dr Karibik und em Atlantik, öbbe 200 km nordöstlig vo dr Küste vo Venezuela und südlig vo Saint Vincent und de Grenadine.

S Land bestoht us mehreren Insle vo dr Inselgruppe vo de Grebadine, eme Deilarchipel vo de chliinen Antille, wo d Insle Grenada sälber die grössti drvo isch; chliineri Insle si Carriacou, Petite Martinique, Ronde Island, Caille Island, Diamond Island, Large Island, Saline Island, Les Tantes und Frigate Island. Dr Deil vo de Grenadine, wo im Norde isch, ghört zum Nochberstaat Saint Vincent und d Grenadine. E grosse Deil vo dr Bevölkerig läbt uf dr Hauptinsle Grenada, wo au d Hauptstadt St. George’s lit und d Stedt Grenville und Gouyave. Die grössti Siidlig uf de chliineren Insle isch Hillsborough uf Carriacou.

D Insle si vulkanisch im Ursprung und hai sehr fruchtbari Böde. S Innere vo dr Insle Grenada isch sehr bärgig. Dr höchst Punkt isch dr Mount Saint Catherine mit ere Höchi vo 840 m über em Meeresspiegel. In de Bärge het s Quelle von e Hufe chliine Flüss. S Klima isch dropisch: heiss und füecht in dr Rägezit und e chli chüehler in dr Drochezit. Grenada lit am südlige Rand vom Hurrikangürtel und het in de letzte 50 Johr nume drei Hurrikan müesse usstoh, zwei drvo sit em Johr 2004.

Fuessnote[ändere | Quälltäxt bearbeite]

  1. International Monetary Fund, World Economic Outlook Database, April 2008

Weblingg[ändere | Quälltäxt bearbeite]

 Allmänd (Commons): Grenada – Sammlig vo witere Multimediadateie
Wikiatlas Wikimedia-Atlas: Grenada – geographischi un historischi Charte