Antigua und Barbuda

Us der alemannische Wikipedia, der freie Dialäkt-Enzyklopedy
Hops zue: Navigation, Suech
Antigua and Barbuda

Antigua und Barbuda

D’Flagge vo Antigua and Barbuda Antigua und Barbuda
S Wappe vo Antigua and Barbuda Antigua und Barbuda
Wahlspruch: Each Endeavouring, All Achieving

(eng., „Jede strängt sich a, alli hai Erfolg“)

Amtsschpraach Änglisch
Hauptschtadt Saint John’s
Schtaatsform Konstitutionell-parlamentarischi Monarchii
Schtaatsoberhaupt Königin Elisabeth II.

verdräte dur d Generalgouverneurin Louise Lake-Tack

Regierigschef Premierminister Baldwin Spencer
Flächi Antigua: 281 km²

Barbuda: 161 km²
gesamt: 442 km²

Iiwohnerzahl 85.632 (Quelle: CIA 2009)
Bevölkerigsdichti 155,4 Iiwohner pro km²
BIP nominal (2007)[1] 1.089 Mio. US$ (159.)
BIP/Iiwohner 13.092 US$ (46.)
HDI 0,868 (47.) [2]
Währig 1 Ostkaribische Dollar = 100 Cents
Unabhängigkeit vo Grossbritannie am 1. November 1981
Nationalhymne Fair Antigua, We Salute Thee
Ziitzone UTC −4 Stunde
Kfz-Kennzeiche AG
Internet-TLD .ag
Vorwahl +1 (268) siehe NANP
Karibik Antigua und Barbuda Position.png
Antigua and barbuda map.png

D Insle Antigua und Barbuda (s früehnere Dulcina) bilden e unabhängige Inselstaat innerhalb vom Commonwealth. Si lige zwüschen em Nordatlantik und dr Karibik, südöstlig vo Puerto Rico. Drnäbe existiert die unbewohnti Insle Redonda.

Geographii[ändere | Quälltäxt bearbeite]

Lag[ändere | Quälltäxt bearbeite]

Dr Antillestaat Antigua und Barbuda ghört zu de sogenannte Insle über em Wind. Er befindet sich zwüsche dr Karibik und em Atlantischen Ozean, öbbe 650 km südöstlig vo Puerto Rico. S Staatsgebiet, wo im Ganze 442,6 km² gross isch, umfasst drei Insle. Die grössti isch mit 280 km² Antigua, wo sich d Hauptstadt Saint John’s befindet. Barbuda umfasst 161 km² und lit 48 km nördlig vo Antigua. 56 km südwestlig vo Antigua befindet sich die unbewohnti Felseninsle Redonda, wo nume 1,6 km² gross isch. D Küstelinie vom Inselstaat isch 153 km lang.

Geologii und Geomorphologii[ändere | Quälltäxt bearbeite]

Au wenn d Hauptinsle Antigua vor allen us Kalkformatione ufbaut isch, goht si uf en unterseeische Vulkan zrugg, wo vor öbbe 34 Millione Johr im Südweste vo dr Insle usbrochen isch. Mit em Wachstum vo Koralle hai sich Chalchablagerige in Richdig Nordoste usbreitet. Dr höchst Punkt uf dr Insle und gliichzitig vom ganze Inselstaat isch dr 402 m hochi Mount Obama, früehner Boggy Peak. Er isch dr Räst vom Vulkankrater im Südweste vo Antigua.Barbuda isch d Oberflechi vom ene grosse Koralleriff. Dr höchst Punkt vo dr Koralleinsle, wo no wiitgehend unberüehrt und naturbelassenisch, stoht allerdings nume 44,5 m us em Meer uuse. D Küstelinie vo de beide Hauptinsle hai e Hife Stränd, Lagune und nadürligi Häfe (Buchte). Um d Insle ume het s Koralleriff und Undiefene. Die chliini Felseninsle Redonda isch dr Räst vom ene 296 m hoche erloschene Vulkan.

Klima[ändere | Quälltäxt bearbeite]

S Klima vo Antigua und Barbuda isch dropisch. D Tämprature chöme im Monatsdurchschnitt uf 22 (Dezämber bis Februar) und uf 30 °C (Juni bis Septämber). Mit eme mittlere Johresniiderschlag vo 900 bis 1.000 mm isch es für karibischi Verheltniss relativ droche. Es rägnet am meiste zwüsche Septämber und Novämber. Im Summer (Juli bis Oktober) bestoht d Gfohr vo tropische Wirbelstürm.


Anmerkungen und Einzelnachweise[ändere | Quälltäxt bearbeite]

  1. International Monetary Fund, World Economic Outlook Database, April 2008
  2. Human Development Index






17.05-61.8Koordinaten: 17° N, 62° W