Honduras

Us der alemannische Wikipedia, der freie Dialäkt-Enzyklopedy
República de Honduras

Republik Honduras

{{{ARTIKEL-FLAGGE}}}
{{{ARTIKEL-FLAGGE}}}
{{{ARTIKEL-WAPPEN}}}
{{{ARTIKEL-WAPPEN}}}
Wahlspruch: „Libre, Soberana e Independiente“
Amtsspraach Spanisch
Hauptstadt Tegucigalpa
Staatsoberhaupt und Regierigschef Xiomara Castro
Flächi 112.412 km²
Iiwohnerzahl 9.540.539
Bevölkerigsdichti 84,72 Iiwohner pro km²
Bruttoinlandsprodukt 26.325 Mio. US$
Brutto­inlands­produkt pro Iiwohner 2.655 US$
Human Development Index 0,623 (132.)
Währig Lempira
Unabhängigkeit 15. September 1821
Nationalhimne Tu bandera es un lampo de cielo
Nationalfiirtig 15. September (1821 - Tag der Unabhängigkeit)
Zitzone UTC−6
Kfz-Kennzeiche HN
Internet-TLD .hn
Vorwahl +504

Honduras isch en Schtaat z Latinamerika. Er ligt uf de Landbrugg zwüsche Nord- und Südamerika, also z Mittelamerika. Nachbarländer sind Guatemala, Nicaragua, El Salvador. Im Norde und im Süde gränzt Honduras jewils ans Meer, d Nordküschte and Karibik, d Südküschte an de Pazifik.

Geographii[ändere | Quälltäxt bearbeite]

Di karibisch Küschte vo Honduras isch öppe 644 km und d Pazifikküschte 124 km lang. Vo Oscht nach Wescht ischs Land vo eme Bärg massiv durchzoge. De höchschti Bärg isch mit 2870 Meter ü.M. de Cerro de Celaque. Di meischte Lüt läbet im Weschte vom Land und nördlich vom Yojoasee.

Klima[ändere | Quälltäxt bearbeite]

S Klima vo Honduras isch in de Tüüflage tropisch. Es isch derte s ganz Johr füücht und Temperature sind bi öppe 26 °C im Schnitt. An de Pazifikküschte isch es im Winter troche und s Johresmittel vo de Temperatur isch bi öppe 31 °C. No einisch anderscht isch Klima im Landesinnere, wo d Bärge sind. Klimatisch ghört Hochland zu de gmässigte Zone het e e Johersdurchschnittstemperatur vo öppe 20 °C.

Gwässer[ändere | Quälltäxt bearbeite]

Di meischte Flüss flüsset zum Atlantik reschpektiv zu de Karibik. De längschti Fluss isch de Rio Patuca mit 320 km und de Rio Ulua mit 240 km. De Yojoasee isch mit ere Flächi vo 285 Quadratkilometer de gröschti See im Land und schpilt bi de Trinkwasserversorgig e wichtigi Rolle.