Paraguay

Us der alemannische Wikipedia, der freie Dialäkt-Enzyklopedy
Hops zue: Navigation, Suech
República del Paraguay (Spa.)

Tetã Paraguái (Grn.)
Republik Paraguay

D’Flagge vo República del Paraguay (Spa.) Tetã Paraguái (Grn.) Republik Paraguay
S Wappe vo República del Paraguay (Spa.) Tetã Paraguái (Grn.) Republik Paraguay
Wahlspruch: Paz y justicia
(span. „Friide und Grächtigkeit“)
Amtsschpraach Spanisch und Guaraní
Hauptschtadt Asunción
Schtaatsform Präsidialrepublik
Schtaatsoberhaupt und Regierigschef Horacio Cartes
Flächi 406.752 km²
Iiwohnerzahl 6.375.830 (Quelle: CIA Juli 2010)
Bevölkerigsdichti 16 Iiwohner pro km²
BIP nominal (2009)[1] 14.788 Mio. US$ (112.)
BIP/Iiwohner 1.802 US$ (117.)
HDI 0,755 (95.)
Währig Guaraní
Nationalhymne Paraguayos, República o muerte
Nationalfiirtig 15. Mai (Unabhängigkeit vo Spanie am 14./15. Mai 1811)
Ziitzone UTC−4
Kfz-Kennzeiche PY
Internet-TLD .py /.com.py /.net.py /.org.py /.edu.py
Vorwahl +595
South America location PAR.png
Paraguay.png

Paraguay isch en südamerikanische Schtaat, wo zwüsche Brasilie, Argentinie und Bolivie ligt. Paraguay het kein direkte Zugang zum Meer, isch also en Binneschtaat. De Name vom Schtaat isch us em guaranische, wo pará "Ozean" heisst, gua "zu" oder "von" und y "Wasser". De Schtaatsname heisst dann quasi "Vom Wasser zum Wasser" und gmeint isch s Wasser vom Fluss, wo Richtig Atlantik flüsst. D Hauptstadt vo Paraguay isch Asunción.

Geographii[ändere | Quälltäxt bearbeite]

Paraguay het e Flächi vo knapp 407'000 km² und isch dodermit öppe so gross, wi Dütschland und d Schwiiz zäme. D Gränzi het e Längi vo 3739 Kilometer und verteilt sich si öppe so: D Gränzlängi mit Bolivie isch 750 km, di mit Brasilie 1290 km und di mit Argentinie 1699 km.

S Land isch durch de Rio Paraguay, wo vo Norde nach Süde flüüst, in zwei Naturrüm iiteilt. Im Weschte isch Gran Chaco, wo relativ wenig Lüt düent läbe und wo öppe 60 % vo de Landesflächi iinimmt. Im Oschte de sognannti Oriente, wo öppe 97 % vo de Bevölkerig läbet.

Bevölcherig[ändere | Quälltäxt bearbeite]

Völcher[ändere | Quälltäxt bearbeite]

Was d'Ethniie un d'Kultuur bedrifft, isch d'Bevölcherig vu Paraguay eini vu de homogenste vu Südamerika. Öbbe 65 Prozänt vu de Iiwohner sin Mestiize mit spanische un indianische (vor allem Guaraní-) Hintergründ, gfolgt vu Wiße mit 31, Asiate (Chinese, Taiwaner un Japaner vu Okinawa) mit 2 un Indianer mit 1 Prozänt.

E anderi Bsunderheit vu Paraguay isch s Übberläbe vu de indigene Kultuur, wu's do im Gegesatz zu andere ehemolige Koloniie gschafft hät, zämme mit de spanische z übberläbe. Säll zeigt sich in de Datsach, dass d'Sproch vu de Guaraní vu 94 Prozänt vu de Iiwohner gschwätzt wird, si isch also au bi de nitindigene Bevölcherig un de Mestiize verbreitet un chunnt no vor em Spanische, wu 75 Prozänt beherrsche, während im Räst vu Südamerika Mestiize praktisch übberall di jewiiligi europäischi Sproch schwätze. Unter de jüngere Lüt macht sich d'Tendänz bemerchbar, di beide Sproche z mische, was de Aafang vu-n-ere Kreolsproch chönnt bedüte. D'Uursach isch, dass keini vu de beide Sproche eidütig dominiert un dass zumindest vor de jüngste Iiwanderige e Homogenisierigsprozäss stattgfunde hät.

D'Verdeilig vu de Paraguayer über s Land isch weniger homogen. Rund 56 Prozänt läbe in Stedt, d'Bevölcherig konzentriert sich im östlige Deil, rund um d'Hauptstadt un s wirtschaftlig Zäntrum Asunción, wu 10 Prozänt vu de Iiwohner läbe. Dodegege behärbärgt de Chaco, wu 60 Prozänt vu de Landesflächi iinümmt, numme 2 Prozänt.

Religione[ändere | Quälltäxt bearbeite]

Am witiste verbreitet isch de römisch Katholizismus. Denäbe gitt's e baar Minderheite vu protestantische Mennoniite (vor allem Nochfahre vu Dütsche) un Mormone.

Sproche[ändere | Quälltäxt bearbeite]

Guaraní wird vu 95 Prozänt gschwätzt, gfolgt vum Spanisch mit 75 Prozänt. Sälli beide Sproche sin Amtssproche vu Paraguay. Näbe ihne gitt's no chleineri Gruppe vu Iiwanderer, wu ihri jewiilige Sproche bewahrt hänn (Italiänisch, Dütsch, Japanisch, Koreanisch, Chinesisch, Arabisch, Portugiisisch un argentiinischs Spanisch).

Weblink[ändere | Quälltäxt bearbeite]

 Allmänd (Commons): Paraguay – Sammlig vo witere Multimediadateie

Einzelnochwis[ändere | Quälltäxt bearbeite]

  1. imf.org