Costa Rica

República de Costa Rica Republik Costa Rica
Wahlspruch: ¡Vivan siempre el trabajo y la paz! (d'Arbet und de Fryde solle uff ewig läbe)
Amtsschpraach(e)	Spanisch
Hauptschtadt	San José
Schtaatsform	Bräsidentalrepublik
Schtaatsoberhaupt	Laura Chinchilla Miranda
Regierigschef	Laura Chinchilla Miranda
Flächi	51.100 km²
Iiwohnerzahl	4.301.712 (2011)
Bevölkerigsdichti	80 Iiwohner pro km²
BIP	26.238 US-$ (nominal, 2007) 5.905 US-$ (bro Ywohner)
HDI	0,846
Währig	1 Colón = 100 Centimos; deilwis au US-Dollar
Nationalhymne	Noble patria, tu hermosa bandera
Ziitzone	UTC-6
Kfz-Kennzeiche	CR
Internet-TLD	.cr
Vorwahl	+506

Costa Rica (Spanisch für „Riichi Küscht“, früener au Kostarika; spanischi Ussproch [ˈkostaˈrika]) esch en Staat z Zentralamerika. Es gränzt im Norde a Nicaragua und im Süde a Panama, im Weste a de Pazifik und im Oste a d Karibik.

Bevölcherig

Costa-Rica-Kolibrì

D'Zämefassig vo de Bevölcherig: 94% Mestize und Wiissi, 3% Schwarzi, 1% Indios, 1% Chinese, 1% söschtigi Usländer.
Costa Rica het de gringschti Ateil vo indigene Mensche under alle mettelameramerikanische Staate, de grösti Teil vo de Bevölcherig bestoht us Nachkomme vo spanische Iwanderer. Öpe 60% vo de Ticos/Ticas (Costaricaner/-inne) läbet in Städt. Zwoi Drittel vo insgesamt vier Millione Iwohner im Land läbet im klimatisch begünstigte Hochland. Sedligsschwerpunkt esch das Valle Central, wo au die bedütende Städt San José, Heredia, Cartago ond Alajuela legget. Wechtigi Köschtestädt send Puerto Limón (Karibikköschte) ond Puntarenas (Pazifikköschte). Liberia esch's wertschafliche Zentrum vo de Nordwestregion Guanacaste ond het näbe San Jose als einzigi wiiteri Stadt Costa Ricas en internationale Flughafe.

Religion

D'Bevölcherig isch öberwiegend chrestlich (76,7% römisch-Katholisch, 13,7% protestantisch). Es bestöhnd au Gruppe wie Züge vom Jehova. D'römisch-katholisch Konfession esch Staatsreligion.

Geographii

Dr Vulkan Arenal

Topographisch loht sech Costa Rica in foif Grossrüüm iteile: Die vulkanische Bergchetti vo de Cordilleras, s'Valle Central met de Hauptstadt San José, d'Schwemmlandebene vo de Karibikköschte, die zentrali Pazifikköschte und die trocheni Halbinsel Nicoya im Nordweste. I de Cordilleras gets en Vellzahl vo aktive und erlöschte Vulkän, under anderem au de Turrialba. Die meischt bsuechte Vulkän sind de Poas (2704m), de Arenal (1633m) und de Irazu (3432m).

De höchschti Berg vo Costa Rica esch de Chirripo Grande met 3920m.

S'Klima werd vo zwoi Johresziite kennzeichnet: Räge- ond Trocheziit. D'Rägeziit goht vom Mai bis zum Novämber und Trochziit vom Dezämber bis am Aprel. Wäge de Lag zwösche 8° und 11° nördlechi Breiti befendet sech Costa Rica i de Trope, aber es get en erheblechi Differänz be de Rägefäll. Z San José fallet im Johr 1867mm, z'Puerto Limon a de Karibikköschte met 3518mm fascht dopplet so vell.

Gsundheit

Z Costa Rica gets ca. 6800 Ärzt, das send pro 1000 Iwohner öpe 1,69 (2005). Für Gsundheitsufgabe get s'Land ca. 689.654.600 $ us. Die täglechi Nahrigsufnahm pro Person liit be ca. 2610 kcal. Es get 12 000 HIV-infizierti (2005).
Die dorchschnettlechi Läbenserwartig esch im Johr 2004 be 78.3 Johr gläge.

Administrativi Glederig

San José

D Hauptstadt vo Costa Rica isch San José.

Wertschaft

Obwohl Costa Rica no starch landwertschaflech prägt esch, händ anderi Wertschaftssektore chöne usbaut werde. En grossi Bedütig het au de Tourismus, wo im Johr 2001 mit 1,1 Millione usländische Bsuecher 1.3Mrd. US-$ brocht het. Au de Hei-Tech-Sektor esch usbout worde. En bedütende Devisebrenger vom Land esch en Chipherstelligsfabrik vo Intel. De Ateil vo de Landwertschaft am BIP esch em Johr 2005 be 7.9% gläge (1965 no 23,5%), dä vo de Industrii be 20,2% ond dä vo de Dienstleischtige be 59.9%. Die meischte Industriiundernäme befendet sech i de Region San José. De Bananeabou i usdehnte Plantage send traditionel a de Karibikköschte um de Hafe z Puerto Limón ond neuerdengs au a de Pazifikköschte be de Hafestadt Golfito.

Dr Artikel basiert uf 'ra freie Ibersetzung vum Artikel „Costa Rica“ us dr dytsche Wikipedia.
E Lischte mit de dörtige Autore kasch dörte aluege