Venezuela

Us der alemannische Wikipedia, der freie Dialäkt-Enzyklopedy
Hops zue: Navigation, Suech
República Bolivariana de Venezuela

Bolivarischi Republik Venezuela

D’Flagge vo República Bolivariana de Venezuela Bolivarischi Republik Venezuela
S Wappe vo República Bolivariana de Venezuela Bolivarischi Republik Venezuela
Amtsschpraach Spanisch, die indigene Sproche si as Amtssproche für die indigene Völker au zueglo.
Hauptschtadt Caracas
Schtaatsform Präsidialrepublik
Schtaatsoberhaupt und Regierigschef Bresidänt Nicolás Maduro
Flächi 916.445 km²
Iiwohnerzahl 28.834.000 (Stand 2011)
Bevölkerigsdichti 30 Iiwohner pro km²
BIP/Iiwohner 4820 US-$ (2004)
Währig Bolívar Bs. oder Bs. F = 100 céntimos (VEF)
Unabhängigkeit vo Spanie am 5. Juli 1811 erklärt, 1821 anerkennt
Nationalhymne Gloria al bravo pueblo
Nationalfiirtig 5. Juli - Freiheitserklärig
Ziitzone UTC-4:30
Kfz-Kennzeiche YV
Internet-TLD .ve
Vorwahl +58
LocationVenezuela.svg
Venezuela rel93.jpg

Venezuela (amtlig Bolivarischi Republik Venezuela, spanisch República Bolivariana de Venezuela) isch e südamerikanische Staat an der Karibikküste. D Staate Brasilie, Kolumbie und Guyana gränze an s Land.

Gschicht[ändere | Quälltäxt bearbeite]

S Reschiim vom Hugo Chávez[ändere | Quälltäxt bearbeite]

Dr sozialistisch Populist Hugo Chávez isch 1998 in demokratische Waale an d Macht cho und isch denn dreimol vom Volk im Amt bestäätigt worde. Er het dr Riichdum vom Ärdöölverchauf iigsetzt zum d Bildig und s Chrankewääse im Land z verbessere und het au fründlige Reschiim wie däm z Kuba wirtschaftlig ghulfe. Er het dr gsellschaftlig Riichdum gliichmässiger verdäilt, het aber d Korrupzioon und d Vetterliwirtschaft nid in Griff überchoo. D Infrastruktuur isch verchoo und s Land isch abhängig vom Öölbriis bliibe. D Freihäit vo de Medie isch stark iigschränggt worde, und ussepolitisch het Venezuela sich de Find vo de Veräinigte Staate gnööcheret wie em Iran, Vietnam, Sürie und bis zum Joor 2011 au Libye. 2013 isch dr Chavez an Chräbs gstorbe und si designiert Noochfolger Nicolás Maduro het dr Boste vom Interimbresidänt übernoo.

Der Name Venezuela[ändere | Quälltäxt bearbeite]

Über ä Ursprung vom Name „Venezuela“ git s zwei Theorie: Mänggi schriibe en em Amerigo Vespucci zue,[1] wo zsämme mit em Alonso de Ojeda 1499 än Expedition der nordwestlige Küste noch (hüt bekannt as der Golf vo Venezuela) gfüehrt het. Wo si zur Guajira-Halbinsel cho si, het d Mannschaft die Pfahlbaute (palafitos) gseh, wo die Iigeborene Añu über em Wasser baut gha hai. Die hai dr Vespucci an d Stadt Venedig erimmeret und dorum het er odr dr Ojeda dr Region Venezuela gsait, was sovil wie „Chlii-Venedig“ bedütet.[2] Die anderi Theorii isch, ass der spanisch Conquistador und Geograph Martín Fernández de Enciso, ä Mitgliid vo der gliiche Mannschaft, in siiner Schrift „Summa de Geografía“ gschriibe het, ass d Bevölkerig vo dere Region uf emä flache Felse gwohnt und mä rä „Veneciuela“ gsait haig.[3]

Verwaltig[ändere | Quälltäxt bearbeite]

S Land isch in 23 Bundesstaate iidäilt und es git e Hauptstadtdistrikt. Die mäiste Bundesgebiet si Insle.

Staate Hauptstadt Bevelkerig Gouverneur
Aragua Maracay 1'629'433 Rafael Isea
Carabobo Valencia 2'227'000 Henrique Salas Feo
Delta Amacuro Tucupita 149'427 Lizeta Hernández
Miranda Los Teques 2'789'073 Henrique Capriles Radonski
Zulia Maracaibo 3'553'354 Pablo Perez

Lueg au[ändere | Quälltäxt bearbeite]

Quelle[ändere | Quälltäxt bearbeite]

  1. Venezuelan Boundary Commission, United States, Report and Accompanying Papers of the Commission Appointed by the President, 1896, Vol. 1-4 published also as Senate doc. no. 91, 55th Cong., 2d sess.
  2. William Fisher Markwick, William Alexander Smith, The South American Republics, 1901, Silver, Burdett and Company, S.57
  3. Ramón Armando Rodríguez, Diccionario biográfico, geográfico e histórico de Venezuela, 1957, S.519

Weblingg[ändere | Quälltäxt bearbeite]

 Allmänd (Commons): Venezuela – Album mit witere Multimediadateie
Wikiatlas Wikimedia-Atlas: Venezuela – geographischi un historischi Charte