Kuba

Us der alemannische Wikipedia, der freie Dialäkt-Enzyklopedy
Hops zue: Navigation, Suech
República de Cuba

Republik Kuba

D’Flagge vo República de Cuba Republik Kuba
S Wappe vo República de Cuba Republik Kuba
Amtsschpraach Spanisch
Hauptschtadt Havanna (La Habana)
Schtaatsform Sozialistischi Republik
Schtaatsoberhaupt Präsident vom Staatsroot Raúl Castro Ruz
Regierigschef Präsident vom Ministerroot Raúl Castro Ruz
Flächi 110.860 km²
Iiwohnerzahl 11.451.652[1]
Bevölkerigsdichti 103,3 Iiwohner pro km²
HDI 0,863 (51.)
Währig Kubanischer Peso, Konvertible Peso
Unabhängigkeit vo Spanie: 10. Dezember 1898
vo de USA: 20. Mai 1902
Nationalhymne La Bayamesa
Nationalfiirtig 1. Januar: Siig vo dr Revolution (1959)
Ziitzone UTC−5
UTC−4 (Summerzit)
Kfz-Kennzeiche C
Internet-TLD .cu
Vorwahl +53
Karibik Kuba Position.png
Kuba karte.png

Kuba (span. Cuba, amtligi Bezeichnig Republik Kuba) isch en Inselstaat in dr Karibik. Er gränzt im Nordweste bzw. Norde an Golf vo Mexiko bzw. an Atlantisch Ozean und im Süde an s Karibische Meer. Hauptstadt vom Land isch Havanna.

Geographii[ändere | Quälltäxt bearbeite]

Kuba, Satellitebild vo dr NASA

Dr Archipel ghört zu de Grossen Antille. Er bestoht näbe dr Hauptinsle Kuba, wo die grössti Insle in dr Karibik isch, dr Isla de la Juventud (früehner Isla de Pinos) und öbbe 4195 chliineri und chliinsti Insle mit ere Gsamtflechi vo 110.860 km². Die maximali Usdehnig vo dr Hauptinsle isch vo West (Cabo San Antonio) bis Ost (Punta Maisí) 1250 Kilometer. Die schmalsti Nord-Süd-Usdehnig isch 31 Kilometer. Dr Abstand zum amerikanische Festland isch 140 Kilometer uf Key West (USA) und 210 Kilometer uf Yucatán (Mexiko). Dr Umriss vo Kuba erinneret an d Form vom ene Chrokodil.

Dr höchsti Punkt isch dr Pico Turquino (1.974 m ü. NN) in dr Sierra Maestra.

D Hauptstadt Havanna isch mit öbbe zwei Millione Iiwohnern die grössti Stadt vo Kuba, denn chömme Santiago de Cuba, Holguín und Camagüey.

Im Südoste vo dr Insle, an dr Guantánamo-Bucht, befindet sich d Guantanamo Bay Naval Base, e Marinestützpunkt vo dr US-Marine. Rächtsgrundlag isch e Verdrag vo 1934, si Gültigkeit wird vo Kuba bestritte.

D Zitzone vo Kuba isch UTC−5. Es git e Summerzit ähnlig wie in Europa.

Klima[ändere | Quälltäxt bearbeite]

S Klima isch dropisch und wird vom Nordostpassat brägt. Es git e drochnigeri Johreszit vom November bis April und e rägnerischi Johreszit vom Mai bis Oktober.

Kuba lit im Iizugsgebiet vo dropische Wirbelstürm, wo sich jedes Johr vom Juni bis November über em Atlantik und in dr Karibik bilde. Nit sälte drifft drbii e schwere Hurrikan s kubanische Festland und richdet schweri Verwüestige aa, wo Kuba bsundrigs hert dräffe, wil s wirtschaftlig schwach isch. Bsunders Privathüüser, wo meistens nid sehr stark baut si, si de stark Wind schutzlos usgliiferet. Aber z Kuba het s a sehr guet funktionierende Katastropheschutz, so dass es, im Gegesatz zu de Nochberinsle, sälte zun ere grössere Zahl vo Dodesfäll chunnt. [2]

In dr Hurrikansaison 2008 het drei schweri Hurrikan gha, wo Kuba drife hai, – Gustav, Ike und Paloma, und isch eini vo de schlimmste Naturkatastrophe in dr kubanische Gschicht gsi.[3] Hundertduusigi vo Wohnige si zerstört worde, d Infrastruktur stark beschädiget und grossi Deil vo de Ärnte vernichdet worde. D Gsamtschäde wärde uf öbbe zehn Milliarde US-Dollar gschetzt, öbbe zwanzig Prozänt vom kubanische Bruttoinlandprodukt vo 2007. Siibe Mensche si umchoo.[4]

Litratur[ändere | Quälltäxt bearbeite]

Weblingg[ändere | Quälltäxt bearbeite]

 Allmänd (Commons): Kuba – Sammlig vo witere Multimediadateie

Fuessnote[ändere | Quälltäxt bearbeite]

  1. Quelle: CIA World Factbook 2009
  2. taz (die tageszeitung) online vom 9. September 2008
  3. Los huracanes dejaron en 2008 la peor agresión al ecosistema cubano en 50 años vom 4. Dezember 2008
  4. Granma: Lo más importante es la vida vom 12. November 2008

21.983333333333-79.033333333333Koordinate: 22° N, 79° W