Saint-Barthélemy (Insel)

Us der alemannische Wikipedia, der freie Dialäkt-Enzyklopedy
Hops zue: Navigation, Suech
Collectivité de Saint-Barthélemy
Flagge von Saint-Barthélemy
Wappen Saint-Barthélemys
Flagge Wappen
Amtsschpraach Französisch
Hauptschtadt Gustavia
Schtaatsform Collectivité d’outre-mer
Schtaatsoberhaupt Staatspräsident Nicolas Sarkozy
Regierigschef Präsident vom Territorialroot Bruno Magras
Flächi 21 km²
Iiwohnerzahl 8.255 (2006)
Bevölkerigsdichti 393 Iiwohner pro km²
Währig Euro
Ziitzone UTC-4
Internet-TLD .fr und .gp wird bruucht; sit 2006 .bl
Vorwahl +590
SSS Islands Map.png
Saint-Barthélemy
Satellitenbild von Saint-Barthélemy
Satellitenbild von Saint-Barthélemy
Gwässer Karibischs Meer
Inselgruppe Insle über em Wind
Geographischi Lag 17° 53′ 43″ N, 62° 49′ 39″ W17.895397222222-62.827616666667286Koordinaten: 17° 53′ 43″ N, 62° 49′ 39″ W
Flechi 21 km²
Hechschti Hebig Morne Vitet
286 m
Iiwohner 8.255 (2006)
393 Iiwooner/km²
Hauptort Gustavia
Charte vo dr Gebietskörperschaft
Charte vo dr Gebietskörperschaft

Saint-Barthélemy (dütsch Sankt Bartholomäus}, au St. Bart(h)s) isch en Insle in de Chliinen Antille. Si isch sit em Februar 2007 e französischi überseeische Gebietskörperschaft (collectivité d’outre-mer).

Geographii[ändere | Quälltäxt bearbeite]

Im Nordweste lit die französisch-niiderländischi Insle St. Martin, im Süde St. Kitts und die niiderländischen Insle Sint Eustatius und Saba. Südsüdwest lit Barbuda.

D Insle het e Flechi vo 21 km² und 8.255 Iiwohner (2006), also 393 Iiwohner pro km². Die höchsti Erhebig isch Morne Vitet im Oste vo dr Insle, mit 286 Meter.
Zu Saint-Barthélemy ghöre usser dr Hauptinsle au divärsi chliineri unbewohnti Näbeninsle, u a. Île Chevreau, Île Coco, Île Fourchue, Île Frégate, La Tortue, Île Le Boulanger, Les Grenadins, Pain de Sucre, Île Pelé, Île Petit-Jean und Île Toc Vers.

Politik[ändere | Quälltäxt bearbeite]

D Insle bildet en einzigi Gebietskörperschaft mit de Kompetänze von ere Gmeind, eme Departemänt und ere Region. Hauptort isch Gustavia.

Dr politisch Status[ändere | Quälltäxt bearbeite]

Bis 2007 isch Saint-Barthélemy e Gmeind gsi und het zsämme mit em französische Deil vo dr Nochberinsle Saint-Martin en Arrondissement vom Überseedepartement Guadeloupe, s Arrondissement Saint-Martin-Saint-Barthélemy (au Arrondissement des Îles du Nord, „Arrondissement vo de nördligen Insle“) bildet.

Noch eme Referendum in 2003 het sich Saint-Barthélemy – näbe Saint-Martin – am 22. Februar 2007 vo Guadeloupe drennt und isch e Collectivité d’outre mer worde. D Verwaltig wird aber au in Zuekumft dere von ere französische Kommune entspräche. Au dörfe Nitfranzose, wo us eme EU-Land stamme, zuekümftig bi de Gmeindirootswahlen mitmache. Dr Verdrag vo Lissabon gseht vor, ass Saint-Barthélemy Deil vo dr Europäischen Union blibt.[1] Saint-Barthélemy bhaltet dr Euro as offiziells Zahligsmittel.

Dr Michel Magras duet sit em 1. Oktober 2008 d Insle im französische Senat verdräte und isch dört Mitgliid vo dr UMP-Fraktion.

Weblingg[ändere | Quälltäxt bearbeite]

 Allmänd (Commons): Saint-Barthélemy – Sammlig vo witere Multimediadateie

Fuessnote[ändere | Quälltäxt bearbeite]

  1. Vertrag von Lissabon, Artikel 2, Punkte 287 und 293