Britische Jungferninseln

Us der alemannische Wikipedia, der freie Dialäkt-Enzyklopedy
Hops zue: Navigation, Suech
British Virgin Islands
Britischi Jumpfereinsle
D’Flagge vo British Virgin IslandsBritischi Jumpfereinsle
S Wappe vo British Virgin IslandsBritischi Jumpfereinsle
Wahlspruch: The Land, The People, The Light
(engl. „S Land, s Volk, s Liecht“)
Amtsschpraach Änglisch
Hauptschtadt Road Town
Schtaatsform Britischs Überseegebiet
Schtaatsoberhaupt Elisabeth II.
Gouverneur: David Pearey
Regierigschef Ralph T. O’Neal
Flächi 153 km²
Iiwohnerzahl 23.098 (Quelle: CIA 2006)
Bevölkerigsdichti 148 Iiwohner pro km²
Währig US-Dollar (USD)
Nationalhymne God Save the Queen
Ziitzone UTC -4
Kfz-Kennzeiche VG
Internet-TLD .vg
Vorwahl +1 (284) lueg NANP
Karibik Britische Jungferninseln Position.png
GB Virgin Islands.png

Die Britische Jumpfereinsle (ängl. the British Virgin Islands) si en Inselgruppe in de Chliinen Antille in dr Karibik, öbbe 100 km östlig vo Puerto Rico. Si si e britischs Überseegebiet. 16 vo de über 60 Insle und Riff si bewohnt.

Geographii[ändere | Quälltäxt bearbeite]

S Gebiet vo de Britische Jumpfereinsle umfasst d Insle Anegada, Beef Island, Cooper Island, Ginger Island, Jost Van Dyke, Norman Island, Peter Island, Salt Island, Tortola, Virgin Gorda und drzue no anderi chliini Insle um e Sir-Francis-Drake-Kanal.

D Insle Anegada bestoht us Koralle und Chalchstei und isch relativ flach, die andere Insle si vulkanisch, bärgig und hügelig. Dr höchst Punkt uf de Insle isch dr Mount Sage mit 521 m uf Tortola.

S Klima isch dropisch und füecht, d Tämprature si dur Wind gmässigt. Hurrikan und dropischi Stürm git s vo Juli bis Oktober. Die natürlige Süesswasservorkomme si begränzt mit Usnahm von e baar Flüss, wo im Summer usdröchne, und vo Quelle uf Tortola. Dr bedütendsti Deil vo dr Wasserversorgig vo de Insle chunnt us Brünne und Rägewasser-Gebiet.

Bevölkerig[ändere | Quälltäxt bearbeite]

Die Britische Jumpfereinsle hai öbbe 21.700 Iiwohner. D Mehrheit vo dr Bevölkerig isch ganz oder zum Deil us Afrika.

33 % si Methodiste, 17 % si Anglikaner, 10 % Katholike, 9 % Mitgliider vo dr Gmeind Gottes, 6 % Adventiste vom sibente Dag, 4 % Baptiste, 2 % Züüge Jehovas und 19 % bekenne sich zun ere andere Religion oder hai keini.[1]

Quelle[ändere | Quälltäxt bearbeite]

  1. CIA World Factbook: Britische Jungferninseln (englisch)

Weblingg[ändere | Quälltäxt bearbeite]

 Allmänd (Commons): British Virgin Islands – Sammlig vo witere Multimediadateie





18.5-64.5Koordinaten: 18° 30′ N, 64° 30′ W