Sint Eustatius

Us der alemannische Wikipedia, der freie Dialäkt-Enzyklopedy
Hops zue: Navigation, Suech
Sint Eustatius
Sint Eustatius vo dr ISS us fotigrafiert
Sint Eustatius vo dr ISS us fotigrafiert
Gwässer Karibischs Meer
Inselgruppe Insle über em Wind
Geographischi Lag 17° 29′ 7″ N, 62° 58′ 23″ W17.485277777778-62.973055555556601Koordinate: 17° 29′ 7″ N, 62° 58′ 23″ W
Sint Eustatius (Kleine Antillen)
Sint Eustatius
Flechi 21 km²
Hechschti Hebig The Quill
601 m
Iiwohner 2.886 (2010)
137 Iiwooner/km²
Hauptort Oranjestad
Der Vulkan The Quill
Der Vulkan The Quill

Sint Eustatius (dütsch veraltet: St. Eustaz) isch eini vo de drei niiderländische BES-Insle in dr Karibik und het 2007 öbbe 3300 Iiwohner gha. D Insle bildet e „Bsunderi Gmeind“ vo de Niiderland.

Geographii[ändere | Quälltäxt bearbeite]

Lagcharte vo Sint Eustatius

Im Südoste lit d Insle St. Kitts, im Norde Saint-Barthélemy und im Nordweste Saba.

Sint Eustatius ghört, wie au Saba und Sint Maarten, zu de Insle über em Wind, gnauer zum Norddeil wo uf Änglisch Leeward Islands heisst. Si ht e Landflechi vo 21 km² und isch noch Saba die chliinsti vo de fümf bewohnte Insle vo de ehemolige Niiderl'ndische Antille. D Hauptstadt von Sint Eustatius isch Oranjestad (wo nid mit Oranjestad uf Aruba sött verwächslet wärde).

Uf Sint Eustatius sälber befindet sich im Südoste The Quill, en erloschene Schichtvulkan wo öbbe  600 m hoch isch. Si Krater isch e touristischi Attraktion. Im Nordoste lit e Hügelgruppe um d Boven Mountain. Dr Grossdeil vo dr Bevölkerig uf dr Insle läbt im Dal zwüsche de beide Erhebige. Es git en internationale Flughafe, dr F.D. Roosevelt Airport (IATA-Flughafencode: EUX). D Hauptstadt Oranjestad, wo südlig vom Flughafe lit, het 2004 öbbe 1.100 Iiwohner gha. Die zweiti Ortschaft uf dr Insle, Concordia, lit nördlig vom Flughafe.

Klima[ändere | Quälltäxt bearbeite]

  • Durchschnittligi Dageshöchsttämpratur, Januar 29 °C, Juli 32 °C
  • Durchschnittligi Dagesdiefsttämpratur, Januar 22 °C, Juli 24 °C
  • D Insle lit (lut CIA-World Factbook) im Hurricane-Gürtel. D Hurrikanzit isch vom Juli bis zum Oktober.

Bevölkerig[ändere | Quälltäxt bearbeite]

Im 18. Johrhundert, wo d Insle ihre wirtschaftlig Höchstpunkt erreicht het, hai uf dr Insle öbbe 20.000 Iiwohner gläbt. Bin ere Volkszelig im Johr 2001 hets 2.292 Persone z Sint Eustatius gha, das entspricht ere Bevölkerigsdichti vo 109 Einwohner/km². Ändi 2007 het d Insle öbbe 3.300 Iiwohner gha.

Fuessnote[ändere | Quälltäxt bearbeite]


Weblingg[ändere | Quälltäxt bearbeite]

 Allmänd (Commons): Sint Eustatius – Sammlig vo witere Multimediadateie